Hibru 10:1 - Kaa n Kəzə̀ n fəghə mə

¹ Laŋ kə maŋa dii bə nyaŋi fə ghəə a dzuŋu ghey ghə i bəghənə, kə dii may bə dzə way nghee tə̀ ghəə a dzuŋu a tii a baa loʼnə tii. À wən loʼ ghə i tii zə maʼlə u mɔʼɔ wən ghə fəələnə num tənum, way ni ghəŋə nə̀ ghə̂ ghən ghə bəghənə n səə Kəzə̀, nə̀ ghə doʼo nə̀ ghə khə way bwù i loʼ zə.

Hibru 10:1 Mawu Ofanana

Roma 8:3

Zə̀ kə mâ ghəŋə ghəə ghey laŋ kə Mushi kə â way ni ghəŋə n kow ghey təŋkey gow uwû ləghə way ni ghəŋŋə ghəə ghey laŋ kə dzanə. Tə n ney kɔʼ waa wi tûm bə fa n mbi n wû u wù sɔŋtsuʼ tə a loʼ umaʼlə ni ghəŋə nə̀ kə bəb i nə kəm keelinə daʼa kə n kow saa.

Kolose 2:17

Ghəə ghən maŋ loʼ tə a loʼ kəzəŋŋə tə ghəə ghən a khə ni baa bə. Ghə i səŋi tii i baa loʼ Klisto.

Hibru 10:22

sey, saa khə ni ndow n səə Kəzə̀ n fə̀ŋ tə saa tə tədzəm, saa ndzəm bəghəm fuu soʼo tə̀ wi. Saa khə ni bə n səə wi nə̀ saa n sow maʼa moʼlə tə bəbə tən tə loʼnə n fə̀ŋ tə saa nə̀ tə i zow, sow maʼa soʼo wû i saa n mmuu n zow mə.

Hibru 7:11

Fɔɔngili tən tə â shinə n sali i kəbii i Levi, â loʼ ni luulə laŋ kən Zə̀ kə â fuunə tə̀ ghə̂ ghə Izree ghə. Abə fɔɔngili tən â fwaʼanə n jìi zey Zə̀ kə ləghənə, Zə̀ kə mə way dzə ni kəm ghəŋə nə̀ ndzoʼo fɔɔngili u nuu u bə tə̀ a loʼ Mekisedek. Mekisedek â way dzə fɔɔngili tə shinə n sali i kəbii i Erɔn.

Hibru 8:5

Fwaʼ key ghə fwaʼanə tə̀ a loʼ ghə fɔɔngili maŋa fiilə ghəə ghey a loʼnə idəŋ, a baa way dzə ghəə ghey a loʼ idəŋ. À wey loʼ ghə i tii zə nghee Mushi a dza i khəm kɔʼ fəə fə tii fə, Zə̀ kə n dza tə̀ wi nə̀, “Tɔʼɔ laalə nyi tsu ni koʼ nə̀ ufə udzəm u bɔɔmə loʼ tə̀ a loʼ u wey wə â koʼnə nə ukaʼ.”

Hibru 9:11

Klisto n kee bə tə̀ a loʼ fɔɔngili u nii nii wən tə fuunə fə u dzuŋu wən u loʼ zeynə fa. Fəə key tə fwaʼanə ghəə a wi ghə tii, tsəghəshinu, kpii tsəghəshi soʼo fəə u loʼ wən. À way dzə wù sɔŋtsuʼ tə khəmnə fəə fə tii fə, dii tsuu nə̀ fə way dzə n fə wey Zə̀ kə â bɔmnə fa n mbi.

Hibru 9:23

À wey loʼ ghə i tii zə ghə â khənə ni sow fə wən u fiilənə u wən u loʼnə idəŋ ni ghəŋə nə̀ wə i zow. A kee bə fə wən u loʼnə idəŋ, ghə khə ni sow maʼa nə̀ ghə fəələ maʼlə wən u tsəghəshinə u wən ghə fəələnə n kaŋ tə tənyam.

Hibru 9:25

Fɔɔngili u nii nii u ghə̂ a Təjuu wə â nyiə tsə n luʼu kən kə zow tsəghəshinə luʼu tə tədzəm ghi kaŋ tə nyam tə nùm tədzəm. Klisto â ka kee nyi ndow dzə fuu ni ndow fəələ kaŋ tə wi tə̀ a loʼ umaʼlə nə̀ tə i kəm fəələ kuulə.