Hibru 1:9 - Kaa n Kəzə̀ n fəghə mə

⁹ Wə ləghə kə ghəə ghey ghə̂ a ghəŋŋə nə̀ a kpiinu, bàa ghəə a bəbə ghey ghə̂ a ghəŋŋənə. À wey loʼ ghə i tii zə, Zə̀ kən kə loʼnə Zə̀ kə kə̀ sày naŋa kɔʼnə wɔ Ghəŋə nə̀ wə tsəghəshi ghə̂ ghey ghə dzəŋi loʼnə ghi wi adzəm, nghee tə tsoʼlənə wɔ n mbvə mey n ghəŋŋənə nə̀ wə i ngii khə duʼlə zə.”

Hibru 1:9 Mawu Ofanana

Lukas 4:18

“Zay kə Zow kə loʼ ghi mə təŋkey Zə̀ kə n mə sày nə̀ n naʼa tûm Kəzə̀ tə̀ ghə̂ a laa ghə, tə tûm mə nə̀ n ndòw naʼa bəghəshi i Kəzə̀ tə kɔt wə, n fù sə̂ a koʼo ghə tə̀ ghə̂ a fəbəghə, n bəghəshi ghə̂ ghey ghə loʼnə nə uchɔd,

Tùm i dzuŋu zə kuum Yeso Klisto tə Jɔn â tɔɔnə 1:41

Ambə Andria zəghə tsunə Yeso, ghə i sə̂ isə zey tə â ghəŋənə â loʼ ni ndow kəŋ ndòw waazə ə wi Shimun. Tə n dza tə̀ wi nə̀, “Ghey n koʼo wù wey Zə̀ kə â dza naŋa nə̀ i tûm bənu.” (Wù wən Zə̀ kə â dza nə̀ i tûm bənu n ghɔɔmə i Grik loʼ Klisto).

Tùm i dzuŋu zə kuum Yeso Klisto tə Jɔn â tɔɔnə 10:17

Bày wuŋ ləghə mə n təŋkey n bəghəmnu ni kpu, sey nə̀, mə i kəm keeli dzəŋŋə bə muu zuŋ ibam.

Tùm i dzuŋu zə kuum Yeso Klisto tə Jɔn â tɔɔnə 20:17

Yeso n dza tə̀ wi nə̀, “Ka mə mɔm, n təŋkey, n ka kam kɔʼ taa dzə n səə Bày. Kee ndow n səə waazə ghuŋ ghə, wə dza tə̀ ghə nə̀ n nya ndow n səə Bày wuŋ, tə wey tə â loʼ soʼonə Bày ghə, tɔŋŋə Zə̀ kuŋ kən kə loʼ soʼonə Zə̀ kə ghə kə.”

Tùm i dzuŋu zə kuum Yeso Klisto tə Jɔn â tɔɔnə 3:34

Wù wən Zə̀ kə tûm bənə, ghɔɔmə bə ghɔɔmə i Kəzə̀, n təŋkey Zə̀ kə n fuu wi n Zay kə wi kə naʼ idzəm.

Kəfwaʼ 10:38

Ghaa khənu nghee Zə̀ kə â tsuʼ naŋanə Yeso, wù Nazaled, fuu tsu wi n Zay kə Zow kə nsə daʼa kə. Ghaa khə soʼonu nghee tə â bwey kaabənə, ghəŋŋə ndzuŋ, baŋŋə ghə̂ ghən adzəm ghə a loʼ nə n tənnə daʼa kə avəətsəə, n təŋkey, Zə̀ kə â loʼ ghi wi.

Kəfwaʼ 4:26

Də̀ŋ u mbi u bayyə wû i tsam, Tow wə inaʼ wə a təmdzəŋi bənə, Ni zùu bàalə Kəzə̀ nsə wù wey tə tsuʼ naŋanə.’

Kəfwaʼ 4:27

À wən bɔɔmə loʼ ghəə zey zə â shinə fa inaʼ, Helɔd nsə Pontus Pilato n ndzəm təmdzəŋi bə ghi ghə̂ ghən ghə way ghə̂ a Təjuu ghə nsə ghə̂ ghə Izree ghə ni kad tsəm n tow kə wù kəfwaʼ wə u zow wən wə â tsuʼ naŋanə, tɔŋɔ Yeso.

Roma 12:9

Ghaa khə ni ndzəmə dii ndow ləghə zə tə ghə̂ ghə. Ghaa khə ni taw ndow kə ni ghəŋŋə ghəə a dzuŋu ghə, kee baa ghəə a bəbə ghə.

Roma 15:13

N gɔŋŋə nə̀ Zə̀ kən kə ghəŋŋənə nə̀ ghaa i ləmmə fə key tə â təb naŋanə tə ghaa, kə fuu ghaa n duʼlə zə nsə buulə zə nghee ghaa gaʼnə fə̀ŋ n kow wi, sey nə̀, n daʼa kə Zay kə Zow kə, ghaa i laalə kɔʼɔ ndow tə wi n fə̀ŋ tə ghaa tə tədzəm.

1 Kɔrint 1:9

Zə̀ key kə â tɔŋɔnə ghaa nə̀ ghaa i loʼ nə kəfə kəmɔʼ ghi waa wi tɔŋŋə Mûkəbii saa Yeso Klisto, bwuulə maʼa way wù n ghəə zey tə bəghəm naŋanə ni ghəŋə.

2 Kɔrint 11:31

Zə̀ kə, tə loʼnə Bày Mûkəbii Yeso, kɔʼlə n loʼ tənnə tə̀ wi, khənu nə̀ n badla dzə way ghəə ghə.

Galeshia 5:22

Ndzoʼo mwam wey Zay kə Zow kə ləghə nə̀ saa keeli loʼ, iləghə, iduʼlə, ibuulə, ni kow fə̀ŋ, fə̀ŋ i dzuŋu zə, ghəə a dzuŋu ghə, zə̀ələ kə fə̀ŋ,

Efesus 1:3

Kɔʼlə n loʼ tə Zə̀ kə, Bày Mûkəbii saa Yeso Klisto. Tə n fuu saa n buulə i Zay kə Zow kən kə nuu bə idəŋ nghee saa loʼnə nə kəfə kəmɔʼ ghi Klisto.

Filipi 2:9

Sey, Zə̀ kə n ney kɔʼlə naŋa nay kɔʼ ndow wi idəŋ idəŋ, N luʼu key kə tsəghəshi luʼu tə tədzəm. Tə n fu wi n zəd i nii zə, Zəd zey i tsəghəshinə zəd ghə adzəm.

Hibru 2:11

Yeso ghi ghə̂ ghey tə â sow maʼa tsunə bəb i ghə zə, dzəŋi khə bày umɔʼ. À wey loʼ ghə i tii zə Yeso dədlə way n tow kə ni tɔŋɔ ghə nə̀ a loʼ waazə a wi.

Hibru 2:9

Saa kee koʼo ndownu Yeso wey Zə̀ kə â ghəŋə tsu nə̀ tsətəndəghə tə Kəzə̀ tə nyaʼi tsəghəshi tsu wi n kəmə fə inəŋə. Nya, Zə̀ kə n tsuʼ naŋa kɔʼ wi nə̀ tə i khə kɔʼlə mə nsə ngɔɔmə zə nghee tə â fəghənə, bə kpu soʼo n tow u saa. À loʼ bòʼ fə̀ŋ i dzuŋu zən Zə̀ kə khənə n kow saa tə â ghəŋənə nə̀ Yeso bə kpu n tow wə aghə̂ adzəm.

Hibru 7:26

Yeso sey loʼ fɔɔngili u nii nii wən tə kɔʼ kpiinə ni laalə ghəə a saa ghə. Tə u zow, khə way bwu zə nkee bəb i loʼ zə n kow wi. Zə̀ kə a ney nuu shi kɔʼ wi n fəŋŋə kə ghə̂ a bəbə ghə, kɔʼlə naŋa kɔʼ wi idəŋ.

1 Pita 1:3

Saa fuu kəzɔŋŋə tə̀ Zə̀ kə tə loʼnə Bày tə Mûkəbii saa Yeso Klisto! Nghee tə ngii khənə sî i kwɔɔlə zə, tə n ghəŋə nə̀ saa i khə muu i fəghə zə nghee tə zhəm dzəŋŋə bənə Yeso Klisto nə ivə. À wən loʼ ghə i tii zə, saa muunə, ləmmə tənə nə̀ Zə̀ kə i fuunu saa n fə key tə â təb naŋanə tə̀ saa.

1 Jɔn 1:3

À loʼ ghə i zən ghey â ndzəm koʼnə, sə i zow, ghey naʼlə bənə tə ghaa. Sey nə̀ ghaa i təmdzəŋi ghey ni keeli muu zən ghey khənə ghi Bày, tɔŋŋə Kəzə̀ ghi waa wi Yeso Klisto.

Chi dii 2:15

N jii i mɔʼɔ zə, ghaa khə soʼonu ghə̂ ghə, ghə dzûmənə ghəə ghən Nikolus â diinə.