Hibru 1:8 - Kaa n Kəzə̀ n fəghə mə

⁸ Zə a tɔ̀ɔ doʼo kuum Waa wi nə̀ Zə̀ kə dza nə̀, “Zə̀ kə! Fɔɔ wə u nə̂ may koʼ way. Wə i kwɔɔ keeli ghə̂ ghə n jìi zey i loʼnə tsətsəghə.

Hibru 1:8 Mawu Ofanana

Matyo 1:23

“Weyzən, nə̀ tə ka kam nyəŋi koʼ tsə ghi weynum, î bɔŋɔ waa nə̀ tə ka nyəŋi ghi weynum. Tə̂ i ji bə waa ù nûm wə̀, Ghə i tɔŋŋə waa u num u tii wə nə̀ a loʼ Imanwe I dii tsunə nə̀, Zə̀ kə loʼ ghi saa.”

Lukas 1:75

nə a i fwaʼa tə wi n fə̀ŋ tə zow tə, loʼ tsətsəghə n sə kə wi n tsuʼu ndzəm tə mbi nə bə may.

Tùm i dzuŋu zə kuum Yeso Klisto tə Jɔn â tɔɔnə 10:30

Mə ghi Bày a loʼ kəfə̂ kəmɔʼ.”

Tùm i dzuŋu zə kuum Yeso Klisto tə Jɔn â tɔɔnə 10:33

Ghə̂ a Təjuu ghey n dza tə̀ wi nə̀, “Ghey dza i təmmə wey wɔ n təŋkey, wə tsayyə Kəzə̀, a way dzə bòʼ ghəə a dzuŋu ghey wə ghəŋŋənə. Wə maŋ loʼ wù sɔŋtsuʼ, wə u ney naŋa kɔʼnə wû wə wə̀ nə̀ wə loʼ Kəzə̀.”

Tùm i dzuŋu zə kuum Yeso Klisto tə Jɔn â tɔɔnə 20:28

Tɔmɔs n beeli ndow wi nə̀, “Wə loʼ Mûkəbii wuŋ nsə Zə̀ kuŋ kə.”

Roma 9:5

Ghə loʼ waa a waa ghə Abraham Ayzik nsə Yakɔb. Ghə â ji bə Klisto wən Zə̀ kə â dza naŋa nə̀ i tûm bənu n naʼ zə Izree tə a loʼ wù sɔŋtsuʼ. Tə loʼ Kəzə̀, à saʼa wi fə wə udzəm, saa ndzəm khə soʼo ni fuu wi n kɔʼləmə nəŋə tədzəm. Zə i loʼ sey.

1 Kɔrint 15:25

I khə ni doʼo sey n təŋkey Klisto khə ni saʼ mbi zən ni ndow kuum n nəŋə zey tə i ney naŋŋə bənə ghə̂ a təngəmə a wi ghə adzəm n tənə fuu i wi.

1 Timoti 3:16

Isəŋə loʼ nə̀, wù loʼ tsəm way ni tuu maʼa ghəə zey i nyi doʼonə n ghəə a Kəzə̀ nə̀, Klisto â bə tə a loʼ wù sɔŋtsuʼ, Zay kə Zow kə n dii bə nə tə loʼ tsətsəghə, Tsətəndəghə tə Kəzə̀ tə koʼ ndow wi, Ghəŋə nə̀ ghə naʼa tûm kùm wi tə ghə̂ ghən ghə ka bəghəm tə Zə̀ kə n naʼa tə mbi tədzəm. Ghə̂ a mbi ghə n bəghəm fuu tə wi. Ni fuu wi n kɔʼləmə, Zə̀ kə n ney kɔʼ ndow wi idəŋ, naŋa ndow wi n kpii u wi u təmə wə.

2 Pita 1:11

A loʼ n jii i zən Zə̀ kə i fuu ghaa n daʼa kə ni nyi n fɔ̀ɔ wey Mûkəbii saa tə loʼnə Bəghəshi ə saa tɔŋŋə Yeso Klisto saʼanə tii nəŋə tədzəm.

1 Jɔn 5:20

Ghey khənu nə̀ waa Kəzə̀ n bə, tə u fuunə ghey n zowkeeli zə, nə̀ ghey keeli Zə̀ kən kə loʼ nə isəŋə. Saa loʼ nə kəfə kəmɔʼ ghi Zə̀ kən kə loʼnə isəŋə nghee saa loʼnə nə kəfə kəmɔʼ ghi waa wi Yeso Klisto. À wən loʼ Zə̀ kən kə loʼnə isəŋə kə fuu soʼonə saa n muu zə itsali zə.