Hibru 1:4 - Kaa n Kəzə̀ n fəghə mə

⁴ À loʼ ghəə zən Klisto â ghəŋənə, i dii bənə nə̀ tə tsəghəshi tsətəndəghə tə Kəzə̀ tədzəm, ighələ tə̀ zəd zən Zə̀ kə fuunə tə̀ wi, i tsəghəshinə zəd i tsətəndəghə tə Kəzə̀ tə tədzəm.

Hibru 1:4 Mawu Ofanana

Efesus 1:21

Fu tii idəŋ, Klisto tsəghəshi udə̀ŋ udzəm, daʼa kə wi kə tsəghəshi udaʼa udzəm, saʼ i wi i tsəghəshi isaʼ idzəm fa mbi, zəd zey tə khənə, tsəghəshi azəd adzəm fa n mbi nsə n mbi zən i nə̂ bəghənə.

Kolose 1:18

Klisto loʼ tow kə dzəŋi kə dzûmə tə Klisto, i loʼnə wû u wi wə. À loʼ wi wù sə isə Zə̀ kə â zhəm dzəŋŋə bənə nə ivə ni ghəŋə nə̀ tə i loʼ tow kə nə aghəə adzəm.

Kolose 2:10

Zə̀ kə n fuu ghaa n muu i tii zə idzəm nghee ghaa loʼnə ghi Klisto nə kəfə kəmɔʼ. À loʼ Klisto tə khənə daʼa kə tsəghəshi zày wən udzəm u saʼanə mbi.

2 Tesalonika 1:7

Tə i ghəŋŋə nə̀ ghaa ghən ghaa fəʼlənə nya nə̀ ghaa keeli izayyə, tə ghəŋə soʼo nə̀ ghey zayyə. Zə̀ kə i ghəŋŋə ghəə ghən abə Mûkəbii Yeso i tsu bənə idəŋ ghi tsətəndəghə tə wi tə nii tə.

Hibru 1:9

Wə ləghə kə ghəə ghey ghə̂ a ghəŋŋə nə̀ a kpiinu, bàa ghəə a bəbə ghey ghə̂ a ghəŋŋənə. À wey loʼ ghə i tii zə, Zə̀ kən kə loʼnə Zə̀ kə kə̀ sày naŋa kɔʼnə wɔ Ghəŋə nə̀ wə tsəghəshi ghə̂ ghey ghə dzəŋi loʼnə ghi wi adzəm, nghee tə tsoʼlənə wɔ n mbvə mey n ghəŋŋənə nə̀ wə i ngii khə duʼlə zə.”

Hibru 12:17

Ghaa khənu nə̀ nghee tə â ləghə ni kəm ney buulə zey bày wi â ləghənə ni fuu tə̀ wi, bày wi n tuu ni fuu wi n buulə i tii zə n təŋkey, tə a kəm khə way jìi i loʼ zə ni kweyyə kɔʼ ghəə zey tə â ghəŋənə nghee tə â buʼu ləghə kə buulə i tii zə n sə̂ mə idey mə.

Hibru 2:9

Saa kee koʼo ndownu Yeso wey Zə̀ kə â ghəŋə tsu nə̀ tsətəndəghə tə Kəzə̀ tə nyaʼi tsəghəshi tsu wi n kəmə fə inəŋə. Nya, Zə̀ kə n tsuʼ naŋa kɔʼ wi nə̀ tə i khə kɔʼlə mə nsə ngɔɔmə zə nghee tə â fəghənə, bə kpu soʼo n tow u saa. À loʼ bòʼ fə̀ŋ i dzuŋu zən Zə̀ kə khənə n kow saa tə â ghəŋənə nə̀ Yeso bə kpu n tow wə aghə̂ adzəm.

1 Pita 3:22

Klisto n kɔʼ idəŋ, tə u doʼnə n kpi u Kəzə̀ u təmə wə, saʼa tsətəndəghə tə Kəzə̀ nsə daʼa wey udzəm u loʼnə idəŋ.