Hibru 1:3 - Kaa n Kəzə̀ n fəghə mə

³ À loʼ wi tə dii bənə nghee tə kɔʼlə mən Zə̀ kə khənə nyiəllənə tii. Tə bɔɔmə fiilə kə Kəzə̀ nghee tə kwu keelinə mbi n daʼa kə ghɔɔmə i wi. Ambə tə sow maʼa tsunə ghəə ghə aghə̂ a bəbə ghə, tə n nuu kɔʼ ndow idəŋ, ndow doʼo tsu n kpii u Kəzə̀ u təmə wə, tə khənə daʼa kə tsəghəshi ufə udzəm.

Hibru 1:3 Mawu Ofanana

Matyo 22:24

“Wù dii wə, Mushi â dza tə̀ ghey nə̀, abə wù kpuu tsunə nə̀ tə khə way waa ghə, waazə ə wi khə ni nyə̀ŋŋə̀ ndòw wey wi, tə ji fuu tsu wi n waa.

Malakus 16:19

Ambə Mûkəbii Yeso ghɔɔmə may tsunə ghəə ghən tə̀ ghə, Zə̀ kə n ney nuu kɔʼ ndòw wi idəŋ, tə n ndòw doʼo tsu n kpii u Kəzə̀ u təmə kə.

Tùm i dzuŋu zə kuum Yeso Klisto tə Jɔn â tɔɔnə 1:14

Sey Ghɔɔmə zə n doʼo bə wù sɔŋtsuʼ, bə muu bə n fəŋŋə kə saa. Tə n dii bə ndzuŋ nsə isəŋə bòʼ Kəzə̀. Saa n koʼ ghaʼ i wi, ghaʼ zən i dii bənə nə̀ a loʼ wi sɔʼi fə Waa fə, Bày khənə.

Tùm i dzuŋu zə kuum Yeso Klisto tə Jɔn â tɔɔnə 1:29

Tsətsə wey, Jɔn n koʼ ndòw Yeso tə bəghənə n səə wi, tə n dza, “Koʼo na! À wən loʼ Waa njì ə Kəzə̀, tə ney nuulənə bəb i ghə̂ a mbi zə.

Tùm i dzuŋu zə kuum Yeso Klisto tə Jɔn â tɔɔnə 1:4

Ghɔɔmə zən n fuu imuu, muu i tii zə n fuu kədaa tə ghə̂ ghə adzəm.

Kəfwaʼ 2:33

Zə̀ kən kə loʼnə Bày wi n kɔʼlə naŋa wi n kpii u wi u təmə wə, fuu wi n Zay kə Zow kə tə̀ tə â təb naŋanə. Ghəə ghən ghaa koʼonə fa nsə ghəə ghən ghaa zownə à loʼ Zay kə Zow kən Yeso fuu bənə tə ghey naʼ idzəm.

Kəfwaʼ 7:56

Sey, tə n dza tə ghə nə̀, “Koʼo na! N koʼo ndow bikighow kə chi doʼonə, mə n koʼo ndow soʼonə Waa Weynum tə teynə fu n kpi u Kəzə̀ u təmmə wə.”

Roma 1:16

N dədlə way n tow kə ni naʼa tûm i dzuŋu zə, n təŋkey, tûm i dzuŋu zən loʼ daʼa K-a-zə̀ kən kə bəghəshiənə ghə̂ ghey adzəm ghə bəghəmnə tə Klisto. Tûm tii zey tsu dzə n kow ghə̂ a Təjuu ghə tə̀ ghii zə ni ndow tə̀ ghə̂ ghən ghə way ghə̂ a Təjuu ghə.

Roma 8:34

À loʼ ndee tə loʼ ni dza nə̀ saa n bwu saʼ a? Wù umɔʼ tsəm way n təŋkey, Yeso Klisto wən tə â kpunə, Zə̀ kə zhəm dzəŋŋə bə wi nə ivə, tə u loʼnə nya n kpii u Kəzə̀ u təmə wə, teynu tə gɔŋŋə n tow u saa.

2 Kɔrint 4:4

Nghee tə̀ ghə̂ ghən ka bəghəm tə̀ Zə̀ kə, zə̀ kə mbi kən tɔŋŋə Satan n ghəŋə naŋa ləm kə n fə̀ŋ tə ghə, sey nə̀ kə ghə nə koʼonə tsə u tûm i dzuŋu wey u dii bənə kɔʼlə n Klisto wən tə loʼnə tə̀ a loʼ Kəzə̀.

Kolose 3:1

Nya wən Zə̀ kə zhəm dzəŋŋə bə dzənə ghaa nə ivə ghi Klisto, gaʼ na fə̀ŋ tə ghaa tə n fə̂ wən u loʼ idəŋ, n luʼu key Klisto doʼnə tii n kpii u Kəzə̀ u təmə wə.

Taytus 2:14

À loʼ wi tə â fuu ndownə wû u wi wə ni kpu n tow u saa ni bəghəshi saa n ghəə a saa a bəbə ghə adzəm nsə ni sow maʼa ghəə a saa a bəbə ghə, sey nə̀, saa doʼo bə ghə̂ a wi, khə tən soʼo zày ni ghəŋŋə ghəə ghey a dzɔbənə.

Hibru 1:13

Zə̀ kə ka kam dza koʼ tsə tə̀ tsəndəghə u loʼ wə nə̀, “Doʼo bə fa n kpi wuŋ u təmə wə, Ni ndow kuum n nəŋə zey mə i ney naŋŋə bənə ghə̂ a təngəmə ghə ghə̀ n tənə wɔ, Tə a loʼ fə kə kə̀ gaʼa kə aghow kə.”

Hibru 10:12

A kee bə fɔɔngili u nii nii wən tɔŋŋə Klisto, â fuu wû u wi tə̀ a loʼ umaʼlə nəŋə imɔʼ ni sòw maʼa tən ghəə a bəbə ghə. Sey Zə̀ kə n kɔʼlə naŋa kɔʼ wi n kpii u wi u təmə wə.

Hibru 12:2

Saa bɔɔmə naŋa ndow kə sə a saa n kow Yeso wən tə â ghəŋə nə̀ saa bəghəm tə̀ Zə̀ kə, gaamə soʼo saa nə̀ bəghəm i fə̀ŋ i saa zə i taw. Tə n kow tsu kə fə̀ŋ ni fəghə, tə bə kpu n zat kə fəkaʼ. Tə n ka dədlə kətow n ghə i tii zə n təŋkey, tə â khənu duʼlə zey tə i keelinə isə. Tə nya doʼ n kpii kə təmə kə n kuu kə fɔɔ K-a-zə̀.

Hibru 4:14

Sey, nghee i loʼ dzə nə̀ saa khənu taw kə fɔɔngili u nii nii wən tɔŋŋə Yeso, tə loʼnə waa Kəzə̀, nə̀ tə n tsəghə tɔɔlə, ndow nyi n luʼu key Zə̀ kə loʼnə tii idəŋ, saa bɔɔmə təmi tən tsu kə n bəghəm i fə̀ŋ zey saa khənə n kow Zə̀ kə.

Hibru 7:27

Tə way dzə tə a loʼ ghə fɔɔngili a nii nii a loʼ ghey ni fəələ maʼlə wə tsuʼu ndzəm bòʼ ghəə a wi bəbə ghə isə nsə bòʼ bəb i ghə̂ a loʼ ghə. Tə mâ fəələ tən maʼlə wə nghee tə â fuunə wû u wi wə bòʼ bəb zə aghə̂.

Hibru 8:1

Sey, ghəə zey i baa loʼnə n ghəə ghən a dzanə i loʼ nə̀, saa khə ndzoʼo fɔɔngili u nii nii wən tə loʼnə n kpi u Kəzə̀ u təmə wə idəŋ nə̀ udaʼa udzəm u loʼ n wɔɔ kə wi.

Hibru 9:16

Təb kə keeli kə kədaʼa nə̀ ghə n teeli dii bə dzə nə̀ wù wey tə â təb naŋanə ghə i tii zə n kpu.

Hibru 9:26

Abə i mə loʼ sey, Klisto a sey khə ni fəghə n ndəmə tənəŋə ni ney nuu bə tə̀ mbi a kaʼnə. À kee loʼ nə̀ num tə nya bəghə ni bə may, tə u dii tən bənə wû u wi wə, ni ney nuu ghəə a bəbə ghə n bam i wû u wi wən tə fuu ndownə tə̀ a loʼ umaʼlə.

1 Pita 1:21

À loʼ n bam i Klisto i ghəŋənə nə̀ ghaa bəghəm tə̀ Zə̀ kən kə â zhəm dzəŋŋə bənə wi nə ivə, kɔʼlə naŋa kɔʼ wi idəŋ. À wey loʼ ghə i tii zə ghaa khənə bəghəm i fə̀ŋ zə, ləmmə tənə soʼo nə̀ Zə̀ kə i ghəŋə ghəə a səŋi ghə tə̀ ghaa.

1 Pita 3:22

Klisto n kɔʼ idəŋ, tə u doʼnə n kpi u Kəzə̀ u təmə wə, saʼa tsətəndəghə tə Kəzə̀ nsə daʼa wey udzəm u loʼnə idəŋ.

2 Pita 1:16

Nghee ghey â dza bənə tə̀ ghaa ndzoʼo daʼa kə səŋi key Mûkəbii saa Yeso Klisto i bəghənə n ghii kə, â maŋ way dzə nzəzəə ghə̂ ghə â bəghə kɔʼnə, â ndzəm loʼ ghəə a səŋi ghey wû i ghey â koʼ ndownə n sə̂ a ghey ghə.

2 Pita 1:17

Ghey â loʼnu fu n nəŋə zey Zə̀ kə tə loʼnə Bày â fuu wi ngɔɔmə zə nsə kɔʼlə mə. Dzə̀ i loʼ zə n dəb dza shi tsu bə fu idəŋ nə̀, “À wən loʼ waa wuŋ wən n ngii ləghənə, n ngii duʼlənu ghi wi!”

1 Jɔn 1:7

Abə saa bweynə nə kədaa nghee tə Zə̀ kə loʼ nə daa kə, saa sey zəə dzəŋi nə kəfə kəmɔʼ. Sey, maʼlə wən Yeso, waa Kəzə̀ a fəələnə n kaŋ tə wi, tə i sow zowwə naŋŋə kɔʼɔnu saa n ghəə a saa a bəbə ghə adzəm.

1 Jɔn 3:5

Ghaa khənu nə Klisto a bə fa n mbi ni bə ney nuu ghəə a bəbə ghə, loʼ sey nə̀ tə ka kam ghəŋə koʼ tsə ghə i bəbə i loʼ zə.

Màʼlə kə Jud tə̀ ghə̂ a Kəzə̀ ghə 1:25

Saa i fuu kɔʼlə mə tə Zə̀ kə, à loʼ kənə wi Zə̀ kə. À loʼ wi bəghəshi ə saa n bam i Yeso Klisto Mûkəbii saa. Nkɔʼlə n dzəm, udaʼa udzəm nsə fɔ̀ɔ wə udəŋ wən udzəm wə â loʼnə tə̀ mbi ni kaʼ, u wən u loʼnə nya nsə u wey wə i bə doʼlənə tə̀ mbi nə bə may, loʼ tə wi. Zə i loʼ kə sey.

Chi dii 3:21

Wù wən tə taw tsəghənə ghəə a bəbə ghə, mə i fuu wi n bùʼ kə, tə doʼo dzəŋi ghi mə n kuu kə fɔɔ kuŋ. Ighələ tə mə â taw tsəghənə ghəə a bəbə ghə, doʼo dzəŋi tsu ghi Bày wuŋ n kuu kə fɔɔ kə wi.

Chi dii 4:11

“Mûkəbii ghey nsə Zə̀ kə ghey kə, wə kɔʼ kpiinu nə̀ ghə̂ ghə i fuu wɔ n kɔʼlə mə, ngɔɔmə soʼo wɔ n daʼa key wə khənə. Â bɔm wɔ fə wə udzəm, â tsəm soʼo wɔ nə̀ fə wən i loʼ, u keeli soʼo imuu.”