Galeshia 1:2 - Kaa n Kəzə̀ n fəghə mə

² Waazə a saa ghən ghə bəghəm nə tə Zə̀ kə, ghə loʼ fa ghi mə, tɔŋɔ zow bə soʼo ghaa n dzəŋi u dzûmə tə Klisto wey tə loʼnə n mboʼo Galeshya.

Galeshia 1:2 Mawu Ofanana

Kəfwaʼ 15:41

Tə n tsəghə ndow jii n Sirya nsə n Silishya, təmə tawwə ndow ghə̂ a dzəŋi kə dzûmə tə Klisto ghey fu.

Kəfwaʼ 18:23

Ambə Pɔl tsuŋŋə doʼo tsunə fu n Antyɔk, tə n zey ni ngəə kaabə naʼa tənaʼa, tsəghə tɔɔlə ndow n mboʼo ə Galeshya nsə n Frigya, təmə tawwə ndow fə̀ŋ tə dzûmə tə Klisto tey fu tədzəm.

Kəfwaʼ 9:31

À wən loʼ nəŋə zən kɔŋŋə kə â nyi bənə tii n kow ghə̂ ghə n dzəŋi u dzûmə tə Klisto wən n Judeya, Galili nsə n Samaria. Zay kə Zow kə n kuu fə̀ŋ tə ghə nə̀ ghə i muu n jìi zey Mûkəbii ləghənə. Taŋ a ghə n nyîmmə kɔʼɔ ndow naʼ idzəm.

1 Kɔrint 16:1

Nyisa, n ləghə ni ghɔɔmə bòʼ ghəə ghən ghaa â tɔ̀ɔ bəb bənə bòʼ khəə wey ghaa â zuŋŋənə ni fuu tə̀ dzûmə tə Klisto tey n naʼ i Yerosalem. Ghaa khə ni bɔɔmə dzûmə ndow ghəə ghey mə â dzanə tə̀ dzəŋi u dzûmə tə Klisto wə n naʼ i Galeshya.

Galeshia 3:1

Ghaa ghə̂ a Galeshya ghən, ghaa ngii laʼlənu! À ghaa ləŋ naŋa ndee? N dza ghə mâ mgbaŋ tiilə dìi bə zuŋ key ghə â baa Yeso Klisto tii n zat kə fəkaʼ a?

Filipi 2:22

A kee bə Timoti, ghaa khənu nə̀ tə n dii fwaʼ kə wi kə, tə n fwaʼ ghi mə tə̀ waa nə̂ fwaʼanə ghi bày ni naʼa tûm i dzuŋu zən.

Filipi 4:21

Tɔŋɔ zow tsu na ghə̂ a Kəzə̀ a zow ghey ghə loʼ fey adzəm, tɔŋŋɔ ghə̂ ghey ghə bəghəmnə tə̀ Yeso Klisto. Waazə a saa ghən ghə loʼnə fa ghi mə tɔŋŋə zow bə soʼo ghaa.