Filipi 4:8 - Kaa n Kəzə̀ n fəghə mə

⁸ Ni guŋ kɔʼ ghɔɔmə zən a waazə ghə, ghaa khə ni naŋa tsu moʼlə tə ghaa n ghəə ghey a loʼnə isəŋə, ghəə ghey a khənə ngɔɔmə zə, ghəə ghey a loʼnə tsətsəghə, ghəə ghey a zownə, ghəə ghey a dzɔbənə, ghəə ghey a khənə kɔʼləmə, ghəə ghey ghə̂ ghə î ləghənə ni zow nsə ghəə ghey ghə î duʼlənə ni koʼ.

Filipi 4:8 Mawu Ofanana

Matyo 22:16

Ghə n tûm tsu tsətəndəghə tə ghə nsə ghə̂ a Helɔd a loʼ ghə. Ghə n bə koʼ bə Yeso, dza tə̀ wi nə̀, “Wù dii wə, ghey khənu nə̀ wə dza tsə kə isəŋə, wə dii ghɔɔmə i Kəzə̀ tə̀ i khə ni doʼo, wə saʼa way ghɔɔmə tə aghə̂ tə, n təŋkey, wə khə way nəŋə i wù zə.

Malakus 6:20

Helɔd â tsəŋənu Jɔn n təŋkey tə â khə nə̀ Jɔn loʼ wù tsətsəghə, loʼ soʼo wù zow wə. Sey Helɔd n baʼa mbaŋ n tow kə wi. Tə â ləghənu ni zəllə ghɔɔmə i Jɔn zə, a kee loʼ nə̀ tə â ləghə way ghəə ghey Jɔn â dzanə.

Lukas 16:15

Yeso n dza ndòw tə̀ ghə nə̀, “À loʼ ghaa, ghaa diinə wû zə n sə kə aghə̂, nə ghaa loʼ ghə̂ a dzuŋu ghə, Zə̀ kə a kee koʼonə fə̀ŋ tə ghaa tə. Sey, fə wey wù sɔŋtsuʼ gaʼanə fəŋ tii, u fədlə ləbinu tə̀ Zə̀ kə.

Lukas 2:25

Wù loʼ â loʼ fu n Yerosalem ghə â tɔŋŋənə nə̀ a loʼ Shimiɔŋ. Mû i wi zə n loʼ tsətsəghə n sə̂ K-a-zə̀. Tə n naŋŋə laŋ u Kəzə̀. Zay kə Zow kə n loʼ ghi wi. Tə n ləmmə tənə tsuʼ fey Zə̀ kə î bəghəshiənə ghə̂ ghə Izree ghə tii.

Lukas 23:50

Wù loʼ â loʼnu ghə â tɔŋŋənə wi nə a loʼ Yosef, tə â shi n Alimatia n naʼ i Judeya. Tə â loʼ wù u dzuŋu wə, loʼ tsətsəghə n muu i wi, tə â loʼ soʼo n ndaw tsə a Təjuu

Tùm i dzuŋu zə kuum Yeso Klisto tə Jɔn â tɔɔnə 7:18

Wù wey tə ghɔɔmənə n ngəŋ ə wi sey ləghə nə̀ ghə̂ ghə i fuu bə wi n kɔʼlə mə. Wù wey tə kee ləghənə ni fuu kɔʼlə mə tə wù wey tə tûmnə wi, ghɔɔmə kə isəŋə, wù tii badla soʼo way ghəə ghə.

Kəfwaʼ 10:22

Ghə n beeli ndow wi nə̀, “Wù wey tə loʼnə tow kə sàʼ kə təsawgoʼ tən tə loʼnə fəbɔm wən ghə tɔŋŋə nə̀ a loʼ Kɔnilus tûm bə ghey n səə wɔ. Tə loʼ wù dzuŋu, ngɔɔmə Kəzə̀, tə u khə soʼo kɔʼlə mə n wɔ ghə̂ a naʼ i Təjuu adzəm. Tsəndəghə Kəzə̀ â dza tə wi nə̀ tə tɔŋɔ bə wɔ n ndaw wi, sey, tə̀ tə loʼ ni zow ghəə zey wə khənə ni dza.”

Kəfwaʼ 22:12

Wù loʼ n loʼ fu n Damaskus ghə â tɔŋŋə nə̀ loʼ Ananyas. Tə n ndzəmə fuu nkɔʼlə tə Zə̀ kə, naŋŋə dzɔbə laŋ kə Mushi. Ghə̂ a Təjuu ghey fu adzəm n ngii fuu wi n ngɔɔmə zə.

Kəfwaʼ 6:3

Waazə ghə, say kɔʼ n na ghə̂ ghə asəghəmbəghə n fəŋŋə kə ghaa, ghə̂ ghən ghaa khənə nə̀ Zay kə Zow kə loʼ n kow ghə, ghə u khə soʼonə tɔb wə, ghaa fuu ndow fwaʼ kən tə ghə nə ghə i fwaʼa.

Roma 13:13

Sa khə ni ghəŋŋə ndow ghəə ghey a kpiilənə tə a loʼ ghə̂ ghey ghə muunə n mgbaŋ. Saa khə way ni mə̂ə khəə kaabə tsə lə mə. Saa khə way ni ghəŋŋə ghəə a laŋŋə ghə, nkee ghəə a dzəə ghə. Saa khə way ni zuulə ballə n wû i saa nkee ni ghoʼo wû i saa zə.

Roma 13:3

I loʼ sey n təŋkey, ghə̂ ghey ghə ghəŋŋənə ghəə ghey a kpiilənə, khə way ni tsəŋə ghə̂ ghən ghə loʼnə tow u ghə wə, à fədlə tsəŋə ghə̂ ghən ghə ghəŋŋənə ghəə ghey a kpiilə way. Abə wə ləghə way ni tsəŋə ghə̂ ghey ghə loʼnə tow wə, wə sey khə ni ghəŋŋə ndow ghəə ghey a kpiilənə, ghə i tɔʼ kali wɔ.

Roma 14:18

Abə wə fwaʼanə tə Klisto n jii zən, Zə̀ kə n duʼlə, ghə̂ ghə n kali soʼo nə̀ wə loʼ wù dzuŋu.

Roma 2:29

Wù wey tə ndzəm loʼnə wù Juu loʼ tə wey tə loʼ nə̀ ghə n səghə tyi kə wi kə n fə̀ŋ ə wi. À loʼ Zay kə Zow kə, kə fwaʼnə ghəə a tii ghə, a way dzə ghəə zey i tɔ̀ɔ doʼonə nə kəlaŋ. À loʼ Kəzə̀ kə kalinə ndzoʼo wù wən à way dzə wù sɔŋtsuʼ.

1 Kɔrint 4:5

Sey, kə ghaa nə tsəʼlənə saʼ n kow wù nə̀ nəŋə i ka kam kpii. Ghaa khə ni ləmə ni ndow kuum n nəŋə zey Mûkəbii i bəghənə tii. À loʼ wi tə i ney naŋŋə bənə ghəə ghey adzəm a nyi doʼonə nə kələm n mgbaŋ, tə i chi dii bə soʼo moʼlə tə bəbə tey ghə̂ a khənə n fə̀ŋ tə ghə. N nəŋə i tii zə, Zə̀ kə i fuu kə kay wù n kɔʼlə mey n kpiinə tə̀ wi.

2 Kɔrint 13:7

Ghey gɔŋŋə tə̀ Zə̀ kə nə̀ i kə ghaa nə ghəŋŋə bəəbənə ghə i loʼ zə. À way dzə ni dii nə̀ ghey n təm zə̂, à fəd loʼ ni ghəŋə nə̀ ghaa ghəŋə ghəə zey i kpiilənə, abə i loʼ kənə tə̀ ghey n bwu.

2 Kɔrint 6:8

Nəŋə tə loʼ tə, ghə n ngɔɔmə ghey, nəŋə tə loʼ tə ghə n tsayyə ghey. Ghə̂ a loʼ a kpaalə ghey, ghə̂ a loʼ ghə a kalinə ghey. Ghə̂ a loʼ ghə a koʼo ghey tə̀ ghey badla aghəə, loʼ sey nə̀ ghey dza isəŋə.

2 Kɔrint 8:18

Ghey tûm bə wi tə̀ ghaa ghi waazə saa wey dzəŋi u dzûmə tə Klisto tə kalinə wi n fwaʼ key tə fwaʼanə ni naʼa tûm i dzuŋu zə.

2 Kɔrint 8:21

Ghey ləghə ni ghəŋŋə ghəə ghey a kpiinə n sə̂ kə Mûkəbii nsə n sə̂ kə aghə̂.

Galeshia 5:22

Ndzoʼo mwam wey Zay kə Zow kə ləghə nə̀ saa keeli loʼ, iləghə, iduʼlə, ibuulə, ni kow fə̀ŋ, fə̀ŋ i dzuŋu zə, ghəə a dzuŋu ghə, zə̀ələ kə fə̀ŋ,

Efesus 4:25

A wey loʼ ghə i tii zə, ghaa khənə ni tuu maʼa ghəə a badla ghə. Ghaa i ghɔɔmə isəŋə n wû i ghaa, boʼnə saa dzəŋi loʼ nə kəfə kəmɔʼ n doʼo i saa ghi Klisto.

Efesus 5:9

kuum nə̀, abə wù muunə nə ustə̀, tə n ghəŋŋə ndzuŋ, loʼ tsətsəghə, fwaʼa nə isəŋə.

Efesus 6:14

Sey, təmi taw tsu na n bəghəm i fə̀ŋ i ghaa. Kow keeli tsu na isəŋə tə̀ a loʼ fəkwɔɔ nə isad, muu i ghaa i tsətsəghə zə i loʼ tən ni kə̀ŋ naŋa kəmmə kə ghaa.

Filipi 3:1

Ni guŋ kɔʼ a waazə ghuŋ ghə, n dza bə tə ghaa nə̀ ghaa khə ni saŋŋə nghee ghaa loʼnə nə kəfə kəmɔʼ ghi Mûkəbii. À way dzə chɔd u loʼ wə tə̀ mə ni tɔ̀ɔ kuulə kə ghə i mɔʼɔ zə tə̀ ghaa, n sey ghəŋŋə ni keyyə ghaa nə ghaa i loʼ kədzuŋ n bəghəm i fə̀ŋ i ghaa.

Kolose 4:5

I khə na jìi zey ghaa muunə tii ghi ghə̂ ghey ghə loʼ nə̀ ghə ka kam bəghəm tə Klisto, kə ghaa nə bəghəm nə bùʼ kə tsəghə ghaa nə ghaa ka ghəŋə ghə i səŋi zə tə ghə.

1 Tesalonika 4:12

Abə ghaa ghəŋənə sey ghaa i khə ngɔɔmə zə n sə kə ghə̂ ghən ghə ka bəghəm tə̀ Zə̀ kə, Ghaa khə soʼo way ni ləmmə nə̀ wù loʼ mə fuu ghaa n fə̂ kə loʼ kə.

1 Timoti 2:2

Ghaa i gɔŋŋə n tow wə udəŋ, gɔŋŋə soʼo n tow u ghə̂ ghən ghə saʼa ghə̂ ghə, sey nə̀, saa loʼ ni zuŋ muu, muu soʼo muu dzuŋu zə ghi ghə̂ ghə adzəm n jìi zey i dzɔbənə n tə Zə̀ kə, dii ndow soʼo mwam u dzuŋu wə tə ghə̂ ghə.

1 Timoti 3:11

Weyzən wən tə loʼnə wù wən tə gaamənə n dzəŋi kə dzûmə tə Klisto, teeli khə soʼo ni khə bəghəm i fə̀ŋ zə, khə mwam u dzuŋu wə. Tə khə way ni ghɔɔmə ghəə a bəbə ghə bòʼ aghə̂, tə khə soʼo way ni ngii ləghə lə mə.

1 Timoti 3:4

À khə ni loʼ wù wey tə khənə ni kwu keeli dzɔb ndaw wi, waa a wi a zownə tə wi, fuu soʼo wi n ngɔɔmə zə.

1 Timoti 4:12

I kə wə nə bəghəmnə nə̀ wù loʼ koʼ kìi wɔ a dza wə loʼ winətəghə. Wə khə ni fəd loʼ wù wey wə moʼo diinə ghəə ghə tə ghə̂ ghən ghə bəghəm tə Zə̀ kə, n ghɔɔmə zə, n mwam wə, n jìi zey wə ləghənə ghə̂ ghə tii, n bəghəm i fə̀ŋ zey wə khənə, nsə n jìi zey muu zə i zownə tii.

1 Timoti 5:10

Ghə̂ a khə ni khə wi bòʼ mwam u wi u dzuŋu wə tə a loʼ jìi zey tə ney kɔʼ bənə waa a wi ghə tii, jìi zey tə kpii neynə ghə̂ ghey ghə bwey bəghənə n ndaw wi. Tə u fwaʼa fwaʼ kə dzuŋu kə tə dzûmə tə Klisto tə, fuu soʼo igaamə tə ghə̂ ghən ghə loʼ nə uchɔd. Tə khə ni loʼ nə̀ tə n fuu nyi ndow wû u wi wə ni fuu gaamə zə tə ghə̂ ghə nə təjìi tədzəm.

1 Timoti 5:2

I ney nyim u gheyzən wə ighələ tə wə neynə ghə zuu, wə ney soʼo waa a fəghaŋ a zən ighələ tə wə neynə waazu ghə. Wə khə ni ghəŋŋə ndow ghəə ghən tə waa a fəghaŋ a zən ghən n fə̀ŋ i zow zə.

Taytus 1:8

Tə fəd khə ni loʼ wù wey tə kpiney dzɔbənə ghə̂ ghə, ləghə kə ghəə zey i dzɔbənə. Tə khə ni loʼ wù wey tə loʼ ni kwu keeli wû u wi, loʼ tsətsəghə, zow, khə soʼo nghee tə teyyənə ghow kə ibwey kə wi kə a tii.

Taytus 2:14

À loʼ wi tə â fuu ndownə wû u wi wə ni kpu n tow u saa ni bəghəshi saa n ghəə a saa a bəbə ghə adzəm nsə ni sow maʼa ghəə a saa a bəbə ghə, sey nə̀, saa doʼo bə ghə̂ a wi, khə tən soʼo zày ni ghəŋŋə ghəə ghey a dzɔbənə.

Taytus 2:2

I dii ndow nyim tə agheynun tə nə̀ ghə keeli tsu fə̀ŋ tə dzuŋu tə, ghəŋŋə ndow aghəə n jìi zey ghə̂ ghə i fuunə ghə n ngɔɔmə zə, kwɔɔ tsu soʼo wû i ghə. Ghə khə ni tɔʼɔ taw n bəghəm i fə̀ŋ i ghə, khə iləghə n wû i ghə, kow tsu soʼo təfə̀ŋ n bəghəm i fə̀ŋ zey ghə khənə n kow Klisto abə a tsəmə shiə kə ghə i ghaa zə.

Taytus 2:7

Wɔ n wû wə wə̀ a Taytus, wə khə ni ghəŋŋə ghəə ghey a dzɔbənə nəŋə tədzəm sey nə̀ ghə loʼ ni koʼ ney kɔʼ mwam u dzuŋu wey wə khənə. Ghəə ghey wə diinə khə ni loʼ isəŋə, kə wə nə səə soʼonə.

Taytus 3:14

Ghəŋə tsu soʼo nə̀ ghə̂ a saa a zoʼlə tsu ni ghəŋŋə ghəə ghey a dzɔbənə, sey nə̀, ghə i loʼ ni gaamə ghə̂ ghey ghə khə way n fə wey ghə ləghənə, ni ghəŋə nə̀ kə waazə a saa n muulənə muu zey i tsəə way.

Hibru 11:2

A loʼ bòʼ bəghəm i fə̀ŋ zən ghə̂ a num tə ibam tə â khə tsənə, zə â ghəŋənə nə̀ Zə̀ kə ney ghə nə̀ à loʼ ghə̂ a dzuŋu ghə.

Hibru 13:18

Ghaa ndow kə n sə kə ni gɔŋŋə tə̀ ghey. Ghey khənu nə̀ fə̀ŋ tə ghey tə zownu, n təŋkey ghey ləghə ni ghəŋŋə ghəə zey i kpiinə nə tənəŋə tədzəm.

Jems 1:27

Ghəə a Kəzə̀ ghən a zow dzɔbənə loʼ soʼo tsətsəghə n sə kə Bày saa wən tə loʼnə Zə̀ kə, loʼ ni laalə tə waa a chi ghə nsə ghey a kpusə ghə n chɔd mən ghə khənə. À loʼ soʼo ni ghəŋə nə̀ kə ghəə a mbi a nə dzəələnə muu i ghaa zə.

Jems 3:17

A kee loʼ nə̀, ghə̂ ghey ghə khənə ndzoʼo tɔb wən Zə̀ kə idəŋ kə fuu bənə, khə fə̀ŋ tə zow tə. Ghə ləghə nə̀ ghə̂ ghə i loʼ nə ibuulə, zə̀ələ ghəŋŋə aghəə, ləghə aghə̂. Ghə khə sî i kwɔɔlə zə, ghəŋŋə soʼo ghəə a dzuŋu ghə. Ghə badla way ghəə ghə, loʼ soʼo tsətsəghə.

1 Pita 1:22

Nya wən ghaa sow maʼa dzənə wû i ghaa zə nghee ghaa naŋŋənə isəŋə, sey nə̀, ghaa i ndzəmə ləghə wû i ghaa zə tə a loʼ a awaazə, i ndzəmə ləghə na wû i ghaa zə n fə̀ŋ tə ghaa tə tədzəm.

1 Pita 2:12

Ghaa ndow kə n sə kə ni ghəŋŋə ghəə a dzuŋu ghə n fəŋŋə kə ghə̂ ghey ghə kam khə way Zə̀ kə, sey nə̀, abə ghə tsəm dza i kwu kə ghaa nə̀ ghaa ghəŋŋə ghəə a bəbə ghə, ghə i loʼ ni dza nə̀ ghaa ghəŋŋə ghəə ghey a dzɔbənə. Sey ghə i loʼ ni fuu nkɔʼlə tə Zə̀ kə n tsuʼ fey tə i kəm bəghənə tii ni bə saʼ aghə̂.

1 Pita 4:8

Ghə i səŋi zey i tsəghəshinə ghəə ghə adzəm loʼ nə̀, ghaa i ləghə wû i ghaa zə n fə̀ŋ tə ghaa tə tədzəm n təŋkey, ghaa khənu nə̀ ləghə i tsədlə naŋŋə ndəmə ghəə a bəbə ghə.

2 Pita 3:1

Fə ghuŋ a dzuŋu ghə, màʼlə kən nya ghəŋŋə ndow umàʼlə ubəghə n tɔ̀ɔ bənə tə̀ ghaa. N màʼlə wən ubəghə n tɔ̀ɔ bənə ni maŋ zəŋŋə bə ghaa n ghəə ghey ghaa khə dzənə, loʼ ni ghəŋə nə̀ ghaa i tɔʼɔ moʼlə tsu ghəə a tii ghə n fə̀ŋ tə zow tə.

1 Jɔn 3:18

Waa ghuŋ ghə, kə saa nə diinə ləghə zə nə idzuu kələ. Saa khə ni fədlə dii ndow ndzəm ndzəm kə iləghə kə n ghəə ghey saa ghəŋŋənə.

1 Jɔn 3:3

Wù wən tə khə ndzoʼo moʼlə zən n kow Klisto, sey sow zowwə naŋa wû u wi nə̀ tə i zow ighələ tə Klisto zownə.

1 Jɔn 4:1

Fə̂ ghuŋ a dzuŋu ghə, i kə ghaa nə tsəmə bəghəm fuunə tə̀ ghə̂ ghən ghə dza bənə tə ghaa nə̀ ghə ghɔɔmə n daʼa kə Zay kə Zow kə. Ghaa i mɔm koʼo tsu dzə isə nə̀ zay kə tii kə nuu bə n wɔ Zə̀ kə, boʼnə tûm tə Kəzə̀ tə tsɔŋɔ tə kəmənu fa n mbi.