Filipi 4:6 - Kaa n Kəzə̀ n fəghə mə

⁶ Kə̂ ghaa nə̂ ngii fəmmənə wû i ghaa zə n ghə i loʼ zə, i fədə gɔŋŋə na nə aghəə adzəm. I nɔɔ ndòw na fə̂ key ghaa ləghənə tə Zə̀ kə, fuu ndow kəzɔŋŋə tə wi n fə wey udzəm tə fuunə tə ghaa.

Filipi 4:6 Mawu Ofanana

Matyo 10:19

Abə ghə i kwu fuu nuu ndòwnə ghaa, kə̂ ghaa nə fəmmənə wû i ghaa zə nə̀ ghaa i sə̀ ghɔɔmə ngee nkee ghaa i dza ndòw nə̀ ngee, n təŋkey, Bày ghaa wən tə loʼ idəŋ î kuu bə ighɔɔmə n dzuu i ghaa n nəŋə i tii zə.

Matyo 13:22

Abə tə tey tə â tsɔʼlənə n fəŋŋə kə udzɔŋɔmgbay, a loʼ ghə̂ ghey ghə zow tsuu ghɔɔmə i tii zə, nghee ghə kee gaʼ fə̀ŋ tə n fə̂ u mbi, nsə nə ikum, wə n kwu zɔʼlə naŋa tsu ghɔɔmə i tii zə, zə n ka mə̂ utam.

Matyo 6:34

Sey, kə̂ fə̀ŋ nə baŋanə ghaa nə̀ tsətsə î doʼlə ngee, n təŋkey, tsətsə khə soʼo ndəmə chɔd n wi n nəŋ. Tsuʼ fə loʼ fə way fə laʼanə fəm kə wi kə.”

Matyo 6:8

Kə̂ ghaa nə ghəŋŋənə tə̀ a loʼ ghə, n təŋkey, tə̀ ghaa ni bəb ighəə, à n loʼ nə̀ Bày ghaa n keeli zey fə key ghaa ləghənə.

Lukas 10:41

Yeso fəd dza ndòw tə̀ wi nə̀, “Matta! Matta! Wə̀ ngii fəmmə wû wə n ndəmə tə aghəə.

Lukas 12:22

Yeso n dza ndòw tə̀ dzûmə tə wi tə nə̀, “N dza bə tə ghaa nə kə̂ ghaa nə ngii baŋŋə fəŋ bòʼ muu i ghaa. Kə̂ ghaa nə baŋŋənə fəŋ nə̀, ‘mə i zəə kee nkee mə i dzəŋŋə kee n wû wùŋ ə?’

Lukas 12:29

Kə ghaa nə̂ fəmənə wû i ghaa zə bòʼ fə key ghaa i zəənə nkee fə key ghaa i məənə,

Lukas 18:1

Ambə n tsu fə loʼ fə, Yeso n dza tsu zəzəə fə fənkəfən fən tə dzûmə tə wi tə ni dii tə ghə nə ghə khə ni gɔŋŋə nəŋə tədzəm, buu doʼlə way.

Lukas 18:7

Abə wù tə a loʼ tə wən loʼ ni ghəŋə ighəə tə a loʼ i zey, ghaa moʼlə nə̀ Zə̀ kə i saʼ fuu way tə ghə̂ a wi ghey ghə dey zeelinə n səə wi tsuʼu ntsuʼu ə?

1 Kɔrint 7:21

Abə Zə̀ kə â tɔŋɔ kənə wɔ nə̀ wə loʼ tsə kəkɔd, kə wə nə fəmmənə wû wə tii. Abə wə kee keelinə buʼ kə ni doʼo n ngəŋ zə, ney tən kɔʼ buʼ kə tii kə.

1 Kɔrint 7:32

N ləghə way nə̀ ghaa ngii fəmmə wû i ghaa. I loʼ nə̀ weynum wey tə khə way wey, fuu nyiə ndow wû u wi n fwaʼ kə Mûkəbii, n təŋkey tə ləghə kə ni ghəŋŋə ghəə zey Mûkəbii ləghənə.

2 Kɔrint 1:11

Zə̀ i doʼlə sey n təŋkey, ghaa gaamənu ghey n gɔŋŋə zey ghaa gɔŋŋənə tə̀ ghey. Gɔŋŋə i ghaa zə i ghəŋŋə nə̀ ndəmə aghə̂ ghə i fuu zɔŋŋə kə tə̀ Zə̀ kə n tow u ghey. Gɔŋŋə zən ndəmə tə aghə̂ tə gɔŋŋənə n tow u ghey n ghəŋə nə̀ Zə̀ kə dii ghey n fə̀ŋ ə wi i dzuŋu zə.

Efesus 5:20

fuu kəzɔŋŋə tə̀ Zə̀ kə, tə loʼnə Bày saa nəŋə tədzəm, n fə wən udzəm tə fuunə tə̀ saa n zəd i Mûkəbii Yeso Klisto.

Efesus 6:18

Ghaa khə ni ghəŋŋə ghəə ghən, gɔŋŋə nəŋə tədzəm, nə təjìi tədzəm, nɔɔ ndow igaamə tə̀ Zə̀ kə, gɔŋŋə nəŋə tədzəm tə̀ Zay kə Zow kə fuunə ghaa n daʼa kə. Sey, ghaa khə ni tey tən n fuu zə, kə̂ ghaa nə̂ buu doʼlənə ni gɔŋŋə, gɔŋŋə tə̀ ghə̂ a Kəzə̀ adzəm.

Kolose 3:15

Buulə zən Klisto fuunə tə ghaa, i bəghə doʼo n fə̀ŋ tə ghaa, n təŋkey, Zə̀ kə n ndzəm sày ghaa nə̀ ghaa doʼo nə kəfə kəmɔʼ, sey nə̀ ghaa loʼ ni keeli ndzoʼo buulə zən. Ghaa i fuu zɔŋŋə kə tə̀ Zə̀ kə nəŋə tədzəm.

Kolose 3:17

Ghəə zey ghaa ghəŋŋənə nkee ghaa dzanə, i khə ni loʼ n zəd i Mûkəbii Yeso, fuu ndow kəzɔŋŋə tə Zə̀ kə tə loʼnə Bày n zəd i Mûkəbii Yeso.

Kolose 4:2

Kə ghaa nə buu doʼlə ni gɔŋŋə nəŋə tədzəm. Ghaa i ney ghə̂mə zə abə ghaa gɔŋŋənə, fuu ndow soʼo kəzɔŋŋə tə Zə̀ kə.

1 Timoti 2:1

N luʼu kə sə isə kə, n ləghə nə̀ ghaa i gɔŋŋə tə ghə̂ ghə adzəm, nɔɔ ndow tə Zə̀ kə nə tə gaamə ghə, gɔŋŋə n tow u ghə, fuu ndow soʼo kəzɔŋŋə tə Zə̀ kə n ghəə ghey tə ghəŋənə tə ghə̂ ghə adzəm.

1 Timoti 5:5

Zən ə kpusə wən tə ndzəm khə way fə kə, khə soʼo way wù tə laalənə tə wi, khə ni fuu may ndow fə̀ŋ ə wi tə Zə̀ kə. Tə i gɔŋŋə tə Zə̀ kə nəŋə tədzəm nə̀ Zə̀ kə gaamə wi.

1 Pita 4:7

Nəŋə zə n kuʼlə tə̀ fə wə udzəm ni bə may. Sey ghaa khə ni kwu keeli tsu wû i ghaa, ghaa təmi kɔʼ n fuu zə, sey nə̀, ghaa i loʼ ni tɔʼ gɔŋŋə.

1 Pita 5:7

Ghaa fuu naŋa ndow ghəə ghey a fəmmənə ghaa tə Zə̀ kə n təŋkey, tə laalənu tə ghaa nəŋə tədzəm.