Filipi 4:5 - Kaa n Kəzə̀ n fəghə mə

⁵ Ghaa khə ni dii ndow tə̀ ghə̂ ghə adzəm nə̀ ghaa zuŋ loʼnu n mwam u ghaa, tənkey, nəŋə i Mûkəbii i fənə bə zə n shɔd.

Filipi 4:5 Mawu Ofanana

Matyo 6:25

Yeso n daŋŋə dza tsu nə̀, “N dza n dza bə tə̀ ghaa nə̀, kə fə̀ŋ nə baŋanə ghaa n muu i ghaa nə̀ ghaa i zə̂ə kee, nkee nə̀ ghaa i mə̂ə kee tə̀ ghaa ni doʼo utaw. Kə fə̀ŋ nə̂ baŋanə ghaa n vən fə uwû fə ghaa, nə̀ ghaa i dzə̀ŋŋə kee. N dza ni keeli imuu, i tsəghəshi ni keeli ufəzəə ə? N dza vən fə uwû fə wù fə tsəghəshi təndzə̂ ə?

Matyo 6:34

Sey, kə̂ fə̀ŋ nə baŋanə ghaa nə̀ tsətsə î doʼlə ngee, n təŋkey, tsətsə khə soʼo ndəmə chɔd n wi n nəŋ. Tsuʼ fə loʼ fə way fə laʼanə fəm kə wi kə.”

Lukas 21:34

Ney na ghə̂mə zə kə ghəə a zəə ghə, nsə ghəə a məə ghə nsə chɔd u mbi u nə ney nuulənə fə̀ŋ tə ghaa tə. Nə a way sey, tsuʼ fə tii fə nə bə nə̀ ghaa ka keeli.

1 Kɔrint 16:22

Ngoʼ loʼ n kôw wù wey tə ləghə way Mûkəbii. Bəghə a Mûkəbii ghey!

1 Kɔrint 6:7

Abə ghaa keeli kaabənə saʼ tə n wû i ghaa, i sey dii nə̀ ghaa muu dzə way tə a loʼ ghə̂ ghey ghə bəghəmnə tə̀ Klisto. Ghaa way ni baa bəghəm ndow kə nə̀ abə wù ghəŋə bəəbənə tə̀ ghaa, ghaa n zəghə maʼa ndow kənu ə? Ghaa way ni maŋ zəghə maʼa ndow kənu nə̀ ghə i baa tsìi ndow kə ghaa ə?

1 Kɔrint 8:13

Sey abə i loʼnə nə̀ fəzəə wən n zə̂ənə, ghəŋŋə nə̀ dzûmə Klisto u loʼ u bwu n ghəə a bəbə ghə, mə i kəm fə koʼ tsə way nyam tə̀ mbi nə bə may, sey nə̀ kə̂ n nə̂ ghəŋŋə nə̀ dzûmə Klisto u loʼ u nyi n ghəə a bəbə ghə.

1 Kɔrint 9:25

I loʼ soʼo nə̀ ghə̂ ghey ghə nyəŋə baalənə ghə maʼlə tsu iwû ni naŋa kɔʼ ndow laŋ wey u laalənə ghəə â nyəŋə ghə. Ghə ghəŋŋə sey ni keeli kənaamə nə kə i doʼo tsuŋŋə way. Abə ghey, ghey kee nyəŋə ni keeli naamə key kə doʼlə tənə nə.

2 Kɔrint 10:1

À loʼ mə̀ Pɔl n wû wuŋ wə, n maʼa tsunə wû wə ni buʼ kəwɔɔ tə̀ ghaa n zəd i Klisto wən tə buulənə, zə̀ələ loʼ soʼo. À loʼ mə wən ghə̂ a loʼ a dza kaabənə nə̀ abə n loʼnə n sə kə ghaa, mə n tsəŋə, kee tɔɔbə ghɔɔmə abə n nuu ndownə.

2 Tesalonika 2:2

kə̂ ghaa nə̂ keelinə fəmmə kə loʼ kə n fə̀ŋ tə ghaa, abə ghə̂ a loʼ ghə bə dza bənə tə̀ ghaa nə̀ tsu fey Mûkəbii khə ni bə tii n kpii. Kə̂ ghaa nə̂ bəghəmnə ghɔɔmə i tii zə, abə ghə tsəm dza bə kənə tə̀ ghaa nə̀ a dza bə Zay K-a-zə̀, nkee nə̀ a dza tûm tə Kəzə̀ nkee nə̀ a tɔ̀ɔ bə ghey.

Taytus 3:2

Dza tə̀ ghə nə̀ kə ghə i ghɔɔmə ghə i bəbə zə bòʼ wù loʼ. Kə ghə nə kəŋənə chɔd wə, ghə i maʼlə tsu wû wə n ghəə a ghə a ghəŋŋə ghə, dii ndow soʼo mwam u dzuŋu wə tə̀ ghə̂ ghə adzəm.

Hibru 10:25

Mwam wən saa khənə ni təmə dzəŋi nəŋə tədzəm, kə saa nə buu naŋŋənə tə̀ ghə̂ a loʼ ghey ghəŋŋənə. Saa khə ni fəd ghəŋə nə̀ saa i ndəŋə təmə dzəŋi zeeli ni kuu fə̀ŋ tə saa tə, n təŋkey, ghaa n koʼ nə̀ tsuʼ fey Mûkəbii i bəghənə tii, nya kuʼlə bənu.

Hibru 10:37

Ghaa khə ni ghəŋə sey n təŋkey, i tɔ̀ɔ doʼo n màʼlə K-a-zə̀ nə̀, “Fəkəmə kə sa, Wù wey tə khə ni bə, i bəghənu Tə i loʼlə way.

1 Pita 1:11

Ghə n dəm tsu ni kəŋ keeli shi kɔʼ nəŋə i tii zə nsə jìi zey ghəə a tii ghə i neynə bənə kə. Â wən loʼ nəŋə zey Zay kə Klisto key kə loʼnə n kow ghə â dii naŋa ndownə ghə nghee wù wən Zə̀ kə â dza naŋa nə̀ i tûm bənu, i bə fəʼlənə tii nsə kɔʼlə mey tə i bə keelinə.

1 Pita 4:7

Nəŋə zə n kuʼlə tə̀ fə wə udzəm ni bə may. Sey ghaa khə ni kwu keeli tsu wû i ghaa, ghaa təmi kɔʼ n fuu zə, sey nə̀, ghaa i loʼ ni tɔʼ gɔŋŋə.

Chi dii 22:20

Wù wey tə tiilə dza bənə ghəə ghən, dza nə̀, “Ndzəm ndzəm! Mə i kuʼlə bəghənu!” Zə i loʼ kə sey. Bəghə a Mûkəbii Yeso!

Chi dii 22:7

Yeso dza nə̀, “Zow na! Mə i kuʼlə bəghənu! Zə̀ kə i buulə ghə̂ ghey ghə i dzûmənə ghɔɔmə zən ghə dza naŋa zeynə n màʼlə kən!”