Filipi 4:17 - Kaa n Kəzə̀ n fəghə mə

¹⁷ N ghəə ghən dza dzə way nə̀ ghaa i fuu bə mə n fə wə, n fədlə ləghə nə̀ ghaa i keeli kɔʼɔ ndow naamə kə n mwam u dzuŋu wey ghaa khənə.

Filipi 4:17 Mawu Ofanana

Tùm i dzuŋu zə kuum Yeso Klisto tə Jɔn â tɔɔnə 15:16

A way dzə ghaa, ghaa â sày bə mə, a loʼ mə, mə â saynə ghaa, fu tsu ghaa n daʼa kə nə̀ ghaa i məə tam u dzuŋu wə, ndzoʼo tam wey u doʼo tən nə, sey nə̀, wù ghaa nɔɔ kə kee tə Bày n zəd zuŋ, Bày i fu fə kə tii kə tə̀ wi.

Tùm i dzuŋu zə kuum Yeso Klisto tə Jɔn â tɔɔnə 15:8

Bày wuŋ keeli nkɔʼlə abə ghaa ngii məənə tam wə. Tam wən ghaa məənə, dii tsuu nə̀ ghaa ndzəm loʼ ngəd tuŋ.

Roma 15:28

Abə mə i mayyə kɔʼnə fwaʼ kən, fuu tsəghə ndow soʼo khəə wən ghə â tsowwə kɔʼnə tə ghə, mə i daŋŋə bə ni bə koʼ ghaa abə n ndownə n Spen.

2 Kɔrint 11:16

N dza kpiʼi bə nə̀, kə̂ wù nə̀ moʼlənə nə̀ n laʼlənu. Abə ghaa kee moʼlənə nə̀ n laʼlənu, bəghəm kɔʼ na mə tə̀ a loʼ wù laʼlə, sey nə̀ n loʼ ni mbɔŋ ghaŋŋə uwû fənyaŋi.

2 Kɔrint 9:5

À wən loʼ ghə i tii zə mə â koʼ tsunə nə̀ i dzɔbənu ni tûm bə waazə a saa ghey tə ghaa isə̂, nə̀ ghə bə bayyə naŋa may tsu gaamə zən ghaa â bəghəm naŋa ni fuu. Sey nə̀ i doʼo tsu nə̀ a tsəm ghaa ni fuu gaamə i tii zə, à way dzə nə̀ ghə tə̀mmə ghaa.

Filipi 1:11

Ghaa i khə muu i dzuŋu zey wù keelinə n bam i Yeso Klisto. Seynə nkɔʼlə nsə kali wə i loʼ tə̀ Zə̀ kə.

Filipi 4:11

N ghəə ghən dza dzə way nə̀ n laʼa fə kə loʼ kə, n təŋkey, mə n zoʼlə ni duʼlə nəŋə tədzəm, abə a loʼ kə n nəŋə zey n khənə fə̂ kə nkee n nəŋə zey n laʼanə.

1 Tesalonika 2:5

Ghaa khənu nə̀ ghey â ka nəb dzə̀ ghaa nə ighɔɔmə, nkee ni nəəbə ney fə̂ kə ghaa kə loʼ kə. Zə̀ kə loʼ ni təmi tiilə n tow u ghey.

1 Timoti 3:3

Tə khə way ni loʼ ndzoʼo wù wey tə ngii ləghənə lə mə, tə khə soʼo way ni loʼ wù wey tə khənə mbow fə. Tə fəd khə ni loʼ wù wey tə loʼnə zəələ kə wù kə, soʼo way ghɔɔmə zə, shiə soʼo way n sə̂ zə n ghəə ghə ukhəə.

1 Timoti 6:10

I loʼ sey n təŋkey, ləghə zə ukhəə, i ney bə ghəə a bəbə ghə adzəm. Ghə̂ ghey ghə ngii shiə ndownə n sə̂ zə n ghəə ghə ukhəə n nyəŋ laʼ n bəghəm i fə̀ŋ i ghə. Fə̀ŋ tə nya fəmmə ghə bòʼ chɔd mən ghə keeli kaabənə.

Taytus 1:7

Nghee i loʼ nə̀ wù wey tə loʼnə tow kə n dzəŋi kə dzûmə tə Klisto kə, à laalə wi fwaʼ K-a-zə̀ kə, tə khə ni loʼ nə̀ tə khə way bwu i loʼ zə n ghəə a wi a ghəŋŋə ghə. Tə khə way ni kaŋŋə ghɔɔmə, khə way mbow fə, məə khəə way nlə mə, kəŋə way chɔd wə, shiə soʼo way n sə ghə nə ukhəə.

Taytus 3:14

Ghəŋə tsu soʼo nə̀ ghə̂ a saa a zoʼlə tsu ni ghəŋŋə ghəə ghey a dzɔbənə, sey nə̀, ghə i loʼ ni gaamə ghə̂ ghey ghə khə way n fə wey ghə ləghənə, ni ghəŋə nə̀ kə waazə a saa n muulənə muu zey i tsəə way.

Hibru 6:10

Zə̀ kə way dzə wù wey tə way tsətsəghə n ghəə a wi, sey, tə i neyzəə way fwaʼ kə ghaa kə nsə ləghə zən ghaa dii bənə tə̀ wi nghee ghaa gaamənə ghə̂ a wi ghə, ghaa a nam ndow kə n sə kə ni ghəŋŋə sey.

1 Pita 5:2

ghaa i baʼa njì tey Zə̀ kə fuu naŋa tə̀ ghaa nə̀ ghaa i laalə. Ghaa i laalə tə ghii tə nə̀ a way dzə nə̀ ghə təmmənu ghaa, ghaa khə ni laalə tə ghii tə n fə̀ŋ tə ghaa tə tədzəm n təŋkey à wey loʼ ghəə zey Zə̀ kə ləghənə. Kə ghaa nə kad fwaʼa kə a dza ghaa ləghə nə̀ ghə i tsəə bə ghaa n khəə wə, i fwaʼa ndow n na n fə̀ŋ tə ghaa tə tədzəm.

2 Pita 2:15

Ghə n zəghə maʼa jìi i dzuŋu zə, fədlə laʼa nay ndow. Ghə n ney ghow kə ibwey kə Balam wən tə loʼnə waa Beyɔ. Balam loʼ wù wey tə â ləghənə khəə wey ghə̂ a təngəmə a Təjuu ghə â tsənə wi tii nə̀ tə dza nə̀ Zə̀ kə ləŋ naŋa ghə̂ a Təjuu.

2 Pita 2:3

N sə a ghə a shiə ghə, ghə̂ a dii a tsɔŋɔ ghən nə dza bə zəzəə mən n fiilənə isəŋə tə̀ ghaa ni nəəbə ney ukhəə n wɔ ghaa. Zə̀ kə mâ khə bayyə naŋa nə̀ tə i chɔdlɔ ghə̂ ghən, tə kam bweeli soʼo way.

Màʼlə kə Jud tə̀ ghə̂ a Kəzə̀ ghə 1:11

Ngoʼ loʼ tə ghə! Ghə n ney jìi zey Ken â neynə nghee tə â weynə waazə ə wi. Nghee ghə kəŋə ndownə mbənə nə ukhəə, ghə a zə ə ghəŋŋə kaabə tsənə ghəə ghə tə Balam â zə ghəŋə soʼonə. Ghə taw n tow kə tə Kora â tawnə n tow kə, sey, Zə̀ kə n ləŋi maʼa ghə tə kə â ləŋi maʼanə Kora bòʼ tow kə wi kə taw kə.