Filipi 4:14 - Kaa n Kəzə̀ n fəghə mə

¹⁴ Â nam loʼnu ghə i dzuŋu zə tə̀ ghaa ni gaamə mə n chɔd wuŋ.

Filipi 4:14 Mawu Ofanana

Matyo 25:21

Mûkəbii wey n dza ndòw tə̀ wi nə̀, ‘Wə n fwaʼ dzɔb, wə loʼ wù kəfwaʼ u dzuŋu wə, wù loʼnu ni gaʼ fə̀ŋ n kow wɔ. Wə n kwu keeli dzɔb nyaŋi fən n mə fuunə tə̀ wɔ, sey mə î kɔʼlə naŋa kɔʼɔ wɔ, wə i laalə ndəmə ufə̂. Bə̀ doʼo tsu, wə i saŋŋə ghi mûkəbii wə.’

Roma 15:27

Ghə â duʼlənu ni ghəŋə sey n təŋkey, ghə â koʼ tsu nə̀ ghə ndzəm khə ghə̂ a Təjuu n ndaŋ kə. Ghə â koʼ sey n təŋkey, tûm i dzuŋu zə â kaʼ nuu bə n wɔ ghə̂ a Təjuu ghə tə tûm tii ni bə tə̀ ghə̂ ghey ghə way ghə̂ a Təjuu ghə, ghə a loʼ dzɔbnə nya tə a loʼ ghə̂ a Kəzə̀. Nghee ghə loʼ dzɔbnə nya bòʼ ghə̂ a Təjuu, ghə a koʼ tsu nə̀ i dzɔbənu ni tsow tsu ufə ni gaamə ndow ghə̂ a Təjuu tii.

Galeshia 6:6

Ghə̂ ghən ghə zoʼlənə ghəə a Kəzə̀ ghə, khə ni fuu ndow soʼo fə u dzuŋu wən ghə khənə tə ghə̂ ghən ghə diinə ghə n ghəə a Kəzə̀.

Filipi 1:7

À loʼnu ghə i dzuŋu zə tə̀ mə̀ ni moʼlə ghaa n ndzoʼo jii zən, boʼnə n khə ghaa n fə̀ŋ i dzuŋu zə̀. Abə n loʼ kə n ndaw tsaʼ nkee n təmənə tsam, təmi tiilə kùm tûm i dzuŋu zə̀, ghaa loʼ dzəŋi ghi mə̀ nə kəfə kəmɔʼ n ndzuŋ ə Kəzə̀ zən tə funə tə̀ mə.

Filipi 4:18

N loʼ ni dza nə̀ mə n naamə kuŋ kə keeli kpi, buʼ tsəghəshi. Mə n zə̂ kow fə̂ wən ghaa â tûm bənə tə̀ mə n wɔ̂ Epafroditus. Fə̂ u tii u loʼ tə̀ a loʼ naamə kə lə̀mmə dzɔbə kə tə̀ Zə̀ kə, fə̂ u tii u loʼ soʼo tə̀ a loʼ maʼlə u dzuŋu wə n sə̂ K-a-zə̀.

1 Timoti 6:18

Dza tə ghə nə̀ ghə i ghəŋŋə ghəə a dzuŋu ghə, ghə i dii kùm i ghə zə n ghəə a dzuŋu ghən ghə ghəŋŋənə. Ghə i buu n wɔɔ kə ni gaamə ghə̂ ghey ghə laʼanə fə wə, ghə i khə soʼo zày ni fuu dzaw fə wey ghə khənə tə ghə̂ ghə.

Hibru 10:33

Nəŋə tə loʼ tə, ghə n kpaalə ghaa, chɔd daŋŋə soʼo ghaa n sə kə aghə̂. N nəŋə tə loʼ tə, ghaa n fəghə dzəŋi soʼo ghi ghə̂ ghey ghə chɔdlɔnə ghə.

Hibru 10:34

Ghaa â kwɔɔlə isî n kow ghə̂ a ndaw tsaʼ ghə, ghaa n bəghəm ndow nə iduʼlə nə̀ ghə bəkeeli nuu fə u ghaa n təŋkey, ghaa khənu nə̀ ghaa i keelinu fə wə, u dzɔb tsəghəshinə u wən, nə̀ wə i doʼlə tsali soʼonu.

Hibru 13:16

Kə ghaa i neyzəə ni ghəŋŋə ndzuŋ nsə ni dzawwə fuu ndow ghə̂ ghey ghə khə way boʼnə Zə̀ kə duʼlənu n ndzoʼo maʼlə wən.

Chi dii 1:9

N loʼ Jɔn waazə ghaa wən tə fəʼlə dzəŋinə ghi ghaa n ghəə a fɔɔ u Kəzə̀, kow soʼonə fə̀ŋ tə̀ aloʼ ghaa n təŋkey saa loʼ nə kəfə kəmɔʼ ghi Yeso. Ghə â kwu naŋa mə n naʼ i loʼ zə dzuu dzəŋ tsəghə kɔʼnə n təŋkey mə â naʼlə ghɔɔmə i Kəzə̀, dza soʼo isəŋə zey Yeso â dza naŋanə. Ghə tɔŋŋə naʼ i tiizə nə̀ à loʼ Patmus.