Filipi 4:11 - Kaa n Kəzə̀ n fəghə mə

¹¹ N ghəə ghən dza dzə way nə̀ n laʼa fə kə loʼ kə, n təŋkey, mə n zoʼlə ni duʼlə nəŋə tədzəm, abə a loʼ kə n nəŋə zey n khənə fə̂ kə nkee n nəŋə zey n laʼanə.

Filipi 4:11 Mawu Ofanana

Lukas 3:14

Sawgoʼ tə loʼ tə n ndòw bə soʼo, bəb tə̀ wi nə̀, “abə ghey, ghey nya khə ni ji ngee?” Tə n beeli ndòw ghə nə̀, “kə ghaa nə̂ neynə khəə wə n wɔ̂ wù nə kədaʼa. Kə ghaa nə̂ kwɔɔ soʼonə wù nə ighəə nə a way isəŋə. Ghaa i duʼlə n khəə wey ghə tsə̀ənə ghaa tii.”

2 Kɔrint 11:27

Mə n fwaʼ, ndzəm fəghə soʼo. Mə n doʼo tsuʼu n loʼ mə nə̀ n bweeli way. N khənu fə key dzəŋ nsə fə̀ŋ ə mmuu loʼnə ghii kə. Mə n doʼo tsuʼu n loʼ mə n ndəmə tənəŋə nə̀ n koʼo way fə kə zə̂ə kə. Mə n dzam n ndəmə tənəŋə nə̀ n khə way ndzə̂ tə ni dzəŋə.

2 Kɔrint 6:10

Ghə̂ a loʼ a koʼo ghey tə̀ a loʼ ghə̂ ghey ghə mownə, loʼ sey nə̀ ghey duʼlə nəŋə tədzəm. Ghə̂ a loʼ a koʼo ghey tə̀ a loʼ ghə̂ a laa ghə loʼ sey nə̀ ghey ghəŋŋə nə̀ ndəmə aghə̂ ghə i kùm. Ghə̂ a loʼ a koʼo ghey tə̀ a loʼ ghə̂ ghey ghə khə way fə kə, loʼ sey nə̀ ghey khə ufə udzəm.

2 Kɔrint 8:9

Ghaa khənu ndzoʼo ndzuŋ zey Mûkəbii ə saa Yeso Klisto â khənə. Tə â kûmnu, tə n fəd doʼo bə wù laa wə bòʼ ghaa, sey nə̀ n bam i laa i wi, ghaa i loʼ ni kûm.

2 Kɔrint 9:8

Zə̀ kə loʼnu ni fuu ghaa n buulə zə naʼ idzəm sey nə̀, ghaa i ngii khə fə̂ wey ghaa ləghənə naʼ idzəm nə tənəŋə tədzəm. Sey, ghaa i loʼ ni ghəŋŋə ghəə a dzuŋu ghə n ndəm ni gaamə nduŋŋə ndow ghə̂ a loʼ ghə.

Filipi 3:8

N ney ghəə a tii ghə adzəm tə a loʼ ghəə a kənunu tə̀ mə̀. Mə n maʼa ndow ghəə a tii ghə adzəm n tənkey, à dzɔb tsəghəshi ni tɔʼ keeli tsu Yeso Klisto, Mûkəbii wuŋ. Kùmnə a loʼ bòʼ wi mə â ndzəm maʼanə fə̂ wə udzəm, naŋa ndow nə̀ a loʼ udzə, sey nə̀ n keeli tsu kə Klisto,

Hibru 10:34

Ghaa â kwɔɔlə isî n kow ghə̂ a ndaw tsaʼ ghə, ghaa n bəghəm ndow nə iduʼlə nə̀ ghə bəkeeli nuu fə u ghaa n təŋkey, ghaa khənu nə̀ ghaa i keelinu fə wə, u dzɔb tsəghəshinə u wən, nə̀ wə i doʼlə tsali soʼonu.