Filipi 4:1 - Kaa n Kəzə̀ n fəghə mə

¹ Sey, waazə ghuŋ ghən n ngii ləghənə, mbuŋŋə kìi soʼo ni koʼ. Ghaa loʼ fə key kə fuunə mə n duʼlə zə, ghaa u loʼ soʼo fə key Zə̀ kə naamənə mə tii n fwaʼ kuŋ. Sey waazə ghuŋ a dzuŋu ghə, təmi taw tsu kə na n doʼo i ghaa ghi Mûkəbii.

Filipi 4:1 Mawu Ofanana

Matyo 10:22

Ghə̂ adzəm a nə bàa ghaa bòʼ zəd zuŋ. Abə wù wey tə kee kow tsu kə fə̀ŋ, ndòw kûm i ndòw, tə i keeli ibəghəshi.

Tùm i dzuŋu zə kuum Yeso Klisto tə Jɔn â tɔɔnə 8:31

Sey, Yeso n dza ndòw tə̀ ghə̂ a Təjuu ghey ghə â bəghəmnə tə̀ wi nə̀, “Abə ghaa bɔɔmə bwey ndòwnə n jii zən n diinə, ghaa î ndzəm loʼ ngəd tuŋ tə.

Kəfwaʼ 11:23

Ambə tə ndow nyi ndow nə̀, koʼ tsu ghəə a dzuŋu ghən Zə̀ kə ghəŋənə tə ghə, tə n duʼlə naʼ idzəm, kuu ndow fə̀ŋ tə ghə nə ghə təmi taw tsu kə ghi Mûkəbii n fə̀ŋ tə ghə tə tədzəm.

Kəfwaʼ 14:22

Ghə n təm tawwə dzûmə tə Klisto tey fu, kuu fə̀ŋ tə ghə nə̀ ghə təmi taw tsu n bəghəm i fə̀ŋ i ghə, dza tə ghə nə̀, “Saa khə ni teeli zow ngoʼ tə̀ saa ni nyi n fɔɔ u Kəzə̀.”

Kəfwaʼ 2:42

Ghə n fuu nyi ndow wû i ghə ni zoʼlə ghəə ghey ngəd tə Yeso tə diinə, təmə dzəŋi ghi ghə, gɔŋŋə, zəə dzəŋi soʼo baa K-a-zə̀ ghi ghə.

Roma 2:7

Zə̀ kə i fuu muu zə itsali tə̀ ghə̂ ghən ghə buu doʼlə way ni ghəŋŋə ndzuŋ, ləmmə kə tə̀ wi nə̀ tə kɔʼlə naŋŋa kɔʼ ghə.

1 Kɔrint 15:58

Sey, waazə ghuŋ a dzuŋu ghə, təmi taw tsu na n bəghəm i fə̀ŋ i ghaa, kə̂ fə̂ kə loʼ kə nə̂ soʼlənə ghaa. Fuu nyi ndòw na wû i ghaa zə n fwaʼ kə Mûkəbii, n təŋkey ghaa khənu nə̀ fwaʼ kən ghaa fwaʼanə tə̀ wi way dzə kənunu.

1 Kɔrint 16:13

Təmi kɔʼ na n fuu zə. Kə wù loʼ nə təʼlənə ghaa. Ghaa təmi taw tsu n bəghəm i fə̀ŋ i ghaa. Kə ghaa nə tsəŋənə ghə i loʼ zə. I taw dzɔbə n na.

2 Kɔrint 1:14

n təŋkey, ghaa ka ghey kam tɔʼ zowkeeli. N sey gɔŋŋə nə̀ abə n tsuʼ fey Mûkəbii saa Yeso î bəghənə, ghaa i loʼ ni kɔʼlə wû zə bòʼ ghey ighələ tə̀ ghey kɔʼlənə wû zə bòʼ ghaa.

Galeshia 5:1

Zuŋ key Klisto â kùmshinə saa tii loʼ ni ghəŋə nə̀ kə saa nə doʼlənə kɔd wə n tənə kəlaŋ. Sey, ney na ghə̂mə zə kə wù loʼ nə kəm sii dzəŋŋə nə ghaa nə ghaa kəm doʼo ukɔd n tənə kəlaŋ.

Filipi 1:27

Abə i loʼ kə ngee, ghaa khə ni muu muu i ghaa zə tə̀ tûm i dzuŋu zə kùm Klisto diinə. I loʼ sey nə̀ abə n bənə n sə̀ə ghaa nkee n ka bə koʼ ghaa, nə̀ n zow kə ghaa nə kətuŋŋə, mə i khə nə̀ ghaa dzəŋi tey n fə̀ŋ imɔʼ, dzəŋi təmə tsam ə tûm i dzuŋu zə nə kəfə kəmɔʼ, ni ghəŋə nə̀ ghə̂ a keeli bəghəm i fə̀ŋ tə tûm i dzuŋu i diinə.

Filipi 1:8

Zə̀ kə loʼ ni tiillə dza nə̀ n dza isəŋə nə̀ ləghə zey n khənə n wɔ ghaa loʼ i zey i nuu bənə n wɔ Yeso Klisto n wû u wi wə.

Filipi 2:16

Kwu keeli taw tsu na ghɔɔmə i Kəzə̀ zən i fuunə muu zə itsali zə, sey nə̀ n tsuʼ fey Klisto î bəghənə tii, mə̀ i ghaŋŋə wû wə nə̀ fwaʼ kən mə fwaʼ ngəə tsəghə bənə, mə â ka fwaʼ maʼa dzə nə kənunu.

Filipi 2:26

Tə n ngii mbuŋŋə ni bə koʼ ghaa, fə̀ŋ n ngii fəmmə soʼo wi, n təŋkey, ghaa mâ zow nə̀ tə â dzaŋanu.

Kolose 4:12

Epafras wən tə loʼnə wù naʼ i ghaa, loʼ soʼo wù kəfwaʼ a Yeso Klisto tɔŋɔ zow bə ghaa. Tə gɔŋŋə tə ghaa nəŋə tədzəm n fə̀ŋ ə wi idzəm. Gɔŋŋə nə̀ Zə̀ kə ghəŋŋə nə̀ ghaa i tɔʼɔ taw n bəghəm i fə̀ŋ i ghaa, sey nə̀, ghaa loʼ ni tɔʼ zowkeeli ghəə a səŋi ghey Zə̀ kə ləghə nə̀ ghaa ghəŋə.

1 Tesalonika 3:13

Ghey gɔŋŋə nə̀ abə ghaa i ghəŋənə ghəə ghən Zə̀ kə təm tawwə fə̀ŋ tə ghaa, tə ghəŋə nə̀ ghaa i loʼ tsətsəghə. Tə i ghəŋə soʼo nə̀ ghaa i loʼ tsətsəghə sə kə wi tə loʼnə Bày saa n nəŋə zey Mûkəbii saa Yeso i bə dzəŋŋənə ghi ghə̂ a wi ghən ghə khə way bəb i loʼ zə.

2 Tesalonika 2:15

Sey waazə ghə ghaa təmi taw tsu n bəghəm i fə̀ŋ i ghaa. Ghaa tɔʼ kwu keeli dzɔb tsu ghɔɔmə i səŋi zən ghey fuunə nə tə ghaa, nə̀ a loʼ kə n ghəə ghən ghey naʼlənə nkee n maʼlə wən ghey tɔ̀ɔ bənə tə̀ ghaa.

2 Timoti 2:1

Abə wɔ a Timoti, wə loʼ waa wuŋ u dzuŋu wə, n gɔŋŋə nə̀ wə i taw bòʼ ndzuŋ zən Zə̀ kə fuunə tə wɔ nghee saa loʼnə nə kəfə kəmɔʼ ghi Yeso Klisto.

Hibru 10:23

Saa khə ni ndow kə n sə kə ni tɔʼ kwu keeli taw tsu ghəə ghən saa bəghəmnə tii, n təŋkey, saa khə ni gaʼ fə̀ŋ n kow Zə̀ kə nə̀ tə i ghəŋŋənu ghəə zən tə â təb naŋanə.

Hibru 3:14

Abə saa təmi taw tsunə n bəghəm i fə̀ŋ zən saa â keelinə nə nzeyyə ni ndow kuum ndow, saa i keeli soʼo fə wey Klisto khənə.

Hibru 4:14

Sey, nghee i loʼ dzə nə̀ saa khənu taw kə fɔɔngili u nii nii wən tɔŋŋə Yeso, tə loʼnə waa Kəzə̀, nə̀ tə n tsəghə tɔɔlə, ndow nyi n luʼu key Zə̀ kə loʼnə tii idəŋ, saa bɔɔmə təmi tən tsu kə n bəghəm i fə̀ŋ zey saa khənə n kow Zə̀ kə.

2 Pita 3:17

Waazə ghuŋ a dzuŋu ghə nghee i nyɔʼ loʼ nə̀ ghaa n keeli zey ghəə ghən, ghaa ney kɔʼ ighə̂mə, sey nə̀ kə ghə̂ a bəbə ghey nə nəbənə ghaa n ghəə ghey ghə dzanə nə̀ a kpii way, a ghəŋŋənə nə̀ ghaa zəghə maʼa jìi Kəzə̀, ghaa nyəŋ laʼ.