Filipi 3:8 - Kaa n Kəzə̀ n fəghə mə

⁸ N ney ghəə a tii ghə adzəm tə a loʼ ghəə a kənunu tə̀ mə̀. Mə n maʼa ndow ghəə a tii ghə adzəm n tənkey, à dzɔb tsəghəshi ni tɔʼ keeli tsu Yeso Klisto, Mûkəbii wuŋ. Kùmnə a loʼ bòʼ wi mə â ndzəm maʼanə fə̂ wə udzəm, naŋa ndow nə̀ a loʼ udzə, sey nə̀ n keeli tsu kə Klisto,

Filipi 3:8 Mawu Ofanana

Lukas 1:43

“À shi kee n sə keelinə ndzoʼo kɔʼlə mən ə? N ndaa loʼ ndee tə̀ nay Mûkəbii ni bwey koʼ bə mə̀ ə?

Lukas 11:20

Abə i kee loʼnə nə̀ N dzùm shiə zay u bwu wə n daʼa K-a-zə̀, i sey dii nə̀ fɔɔ u Kəzə̀ wə n bə tə̀ ghaa.

Tùm i dzuŋu zə kuum Yeso Klisto tə Jɔn â tɔɔnə 14:20

A i loʼ n nəŋə i tii zə, ghaa i keeli tsuu nə̀ n loʼ nə kəfə kəmɔʼ ghi Bày, Bày u loʼ nə kəfə kəmɔʼ ghi mə, ighələ tə̀ ghaa loʼnə nə kəfə kəmɔʼ ghi mə, mə n loʼnə nə kəfə kəmɔʼ ghi ghaa.

Tùm i dzuŋu zə kuum Yeso Klisto tə Jɔn â tɔɔnə 14:7

Abə ghaa mə ndzəm khənə mə, tə ghaa mə khə soʼo Bày wuŋ. Nya, ghaa n wi koʼ, ndzɔʼ khə soʼo wi.”

Tùm i dzuŋu zə kuum Yeso Klisto tə Jɔn â tɔɔnə 16:3

Ghə nə ghəə ghən ghəŋŋə n kow ghaa, n təŋkey, ghə khə way mə, khə soʼo way Bày wuŋ.

Tùm i dzuŋu zə kuum Yeso Klisto tə Jɔn â tɔɔnə 17:3

Muu zə itsali zən loʼ tə̀ ghə ni khə wɔ, nə̀ a may kə wɔ wə ndzəm loʼnə Zə̀ kə, nsə ni keeli soʼo Yeso Klisto wən wə â tûm bənə fa n mbi.

Tùm i dzuŋu zə kuum Yeso Klisto tə Jɔn â tɔɔnə 17:8

Mə n naʼa tûm zə zey wə â tûm nə̀ n naʼa tə̀ ghə, ghə n zow, bəghəm fu soʼo. Ghə a ndzəm khə soʼo nə̀ n kùm nuu bə n səə wɔ, ghə u bəghəmnə nə̀ a loʼ wɔ wə tûmnə mə.

Tùm i dzuŋu zə kuum Yeso Klisto tə Jɔn â tɔɔnə 20:13

Tsətəndəghə tə Kəzə̀ tey n bəb tə̀ wi nə̀, “Iwaa, wə tsuulə sə̂ n kee mə ə?” Tə n dza tə̀ ghə nə̀, “A loʼ n təŋkey ghə n ney nuu vən i Mûkəbii wuŋ zə, mə n khə way luʼu key ghə ney naŋanə wi tii.”

Tùm i dzuŋu zə kuum Yeso Klisto tə Jɔn â tɔɔnə 20:28

Tɔmɔs n beeli ndow wi nə̀, “Wə loʼ Mûkəbii wuŋ nsə Zə̀ kuŋ kə.”

Kəfwaʼ 20:24

N tsəm ə buʼu ney way muu zuŋ zə tə a loʼ fə loʼ kə, n ləghə kə ni mayyə kɔʼ fwaʼ kən Mûkəbii Yeso fuu naŋanə tə mə. Fwaʼ kə tii kə loʼ ni təmi tiilə tûm i dzuŋu zə bòʼ ndzuŋ zən Zə̀ kə khənə n kow saa.

Roma 8:18

N khənu nə̀ kɔʼlə mən Zə̀ kə i fuunə tə saa, n laabə tsəghəshinu fəghə zən saa fəʼlənə nya.

Roma 8:39

Abə a tsəm loʼ kə fə wey u loʼ idəŋ nkee u wey u loʼnə itən nkee fə wən Zə̀ kə bɔmnə fa n mbi udzəm, fə kə loʼ kə tsəm way dzə kə loʼnə ni dzawwə saa ghi ləghə zən Zə̀ kə khənə n kow saa ghən saa loʼnə nə kəfə kəmɔʼ ghi Mûkəbii saa Yeso Klisto.

1 Kɔrint 2:2

Nghee tə̀ mə â loʼnə ghi ghaa, n mâ naŋa n fə̀ŋ zuŋ nə̀ mə i neyzəənu ghəə ghə adzəm, mə i kee neyzəə way ghə i loʼ zə bòʼ Yeso Klisto, a ka tsəm dza kpu zən tə â kpunə n zat kə fəkaʼ.

1 Kɔrint 9:10

N khənu nə̀ tə ghəə ghən â dza soʼo bòʼ saa. I loʼnu nə̀ tə ghəə ghən â tɔ̀ɔ tə saa n təŋkey ghə̂ ghey ghə vəllənə nsə ghə̂ ghey ghə bwɔdlɔnə, fwaʼa sey, khə tən n moʼlə tə ghə nə̀ ghə i dzəŋi dzawnu fəzəə wə abə wə i fən bə.

2 Kɔrint 4:4

Nghee tə̀ ghə̂ ghən ka bəghəm tə̀ Zə̀ kə, zə̀ kə mbi kən tɔŋŋə Satan n ghəŋə naŋa ləm kə n fə̀ŋ tə ghə, sey nə̀ kə ghə nə koʼonə tsə u tûm i dzuŋu wey u dii bənə kɔʼlə n Klisto wən tə loʼnə tə̀ a loʼ Kəzə̀.

2 Kɔrint 4:6

À loʼ Kəzə̀ tə â dza tsu nə̀, “Tsə u bàŋ shi bə nə kələm”, à loʼ wi tə ghəŋənə nə̀ tsə u bàŋ n fə̀ŋ tə ghey sey nə̀ ghey koʼ kɔʼlə n Kəzə̀ mən n baŋanə n tûm usə u Klisto.

Galeshia 1:16

tə n chi dii bə tə mə nə̀ Yeso loʼ waa wi, sey nə̀, n naʼa tûm i dzuŋu zə bòʼ wi tə ghə̂ ghən ghə way ghə̂ a Təjuu ghə. Ambə n keeli tsu nə sey, mə n ka bəb zow dzə ghə i loʼ zə tə wù sɔŋtsuʼ,

Efesus 4:13

Fwaʼ K-a-zə̀ kən khə ni ndow kə sey ni ndow kuum n nəŋə zey saa adzəm i doʼo bənə nə kəfə kəmɔʼ n bəghəm i fə̀ŋ i saa nsə nə̀ saa tɔʼ keeli tsu wù wey Waa Kəzə̀ loʼ ghii kə. N nəŋə zey saa i tɔʼ beyyə tsunə n doʼo i saa ghi Klisto, saa i loʼ ni muu n jìi zey Klisto â muunə tii.

Filipi 1:1

À màʼlə kən tɔ̀ɔ bə mə̀ Pɔl nsə Timoti, ghey loʼnə ghə̂ a kəfwaʼ a Yeso Klisto ghə. N tɔ̀ɔ bə tə̀ ghə̂ a Kəzə̀ a zow ghə, ghə loʼnə nə kəfə kəmɔʼ ghi Yeso Klisto n naʼ i Filipi. N tɔ̀ɔ bə soʼo tə̀ ghə̂ ghey ghə loʼnə tow wə n Ndaw Kəzə̀ nsə ghə̂ ghən ghə fuunə gaamə zə n Ndaw Kəzə̀.

Filipi 3:10

Ghəə zey n ləghənə nya, à loʼ ni keeli Klisto nsə ni keeli daʼa kən Klisto â khənə n nəŋə zey Zə̀ kə â zhəm dzəŋŋə bənə wi nə ivə. N ləghə ni fəghə tə̀ tə â fəghənə, abə a loʼ kə ni kpu soʼo tə̀ tə â kpunə.

Filipi 3:12

N dza dzə way nə̀ mə n keeli may ghəə a tii ghə nkee nə̀ mə n daŋŋə doʼo tən tsətsəghə. N nam dəmənu ni keeli fə̂ u tii wə, kumnə Yeso Klisto mâ ghəŋə mə nə̀ n doʼo wù wi.

Filipi 3:7

A kee loʼ nə̀ ghəə ghey adzəm mə â koʼo tsə tə a loʼ kɔb tə aghəə, à nya loʼ tə̀ a loʼ fə̂ u kənunu tə̀ mə̀ nghee n ləghə ni keeli Klisto.

2 Timoti 4:6

A kee bə mə, mə n fuu wû wuŋ wə tə a loʼ umaʼlə tə Zə̀ kə. Nəŋə zə n shɔd tə mə ni zəghə mbi zən.

Hibru 3:14

Abə saa təmi taw tsunə n bəghəm i fə̀ŋ zən saa â keelinə nə nzeyyə ni ndow kuum ndow, saa i keeli soʼo fə wey Klisto khənə.

1 Pita 2:7

Tay zən loʼ tay i səŋi zə tə ghaa ghey ghaa bəghəm fuunə tə Klisto. A kee bə ghə̂ ghey ghə ka bəghəm fuu, i tɔ̀ɔ doʼo n màʼlə K-a-zə̀ nə̀, “Tay i mɔʼɔ zey ghə̂ a bəghə a təndaw ghə â tuu maʼanə nə̀ i way kəfə, N kəm bə doʼo tay i səŋi zə tsəghəshi atay adzəm.”

2 Pita 1:2

N gɔŋŋə nə̀ Zə̀ kə dii ghaa n fə̀ŋ ə wi i dzuŋu zə, kə ghəŋə soʼo nə̀ ghaa i loʼ nə ibuulə naʼ idzəm n təŋkey ghaa ndzəm khənu Zə̀ kə nsə Yeso tə loʼnə Mûkəbii saa.

2 Pita 1:3

Zə̀ kə n fuu saa n fə wən udzəm saa khə ni keeli n daʼa key tə khənə ni muu muu zey Zə̀ kə ləghənə. Tə fuu saa n fə u tii wə n təŋkey saa khənu wi. À tɔŋɔ soʼo wi saa nə̀ saa keeli soʼo kɔʼlə mey tə khənə, saa i zow soʼo kədzuŋ tə a loʼ wi.

2 Pita 1:8

Abə ghaa ndəŋə keeli kɔʼɔ ndownə ghəə ghən n taŋŋə tsu bənə fa, ghə i ghəŋŋənu ghaa nə̀ ghaa i fwaʼa dzɔbə, məə bə soʼ tam u dzuŋu wə. Ghəə a tii a nə dii tsu nə̀ ghaa khənu Mûkəbii saa Yeso Klisto.

2 Pita 3:18

Nyisa i loʼ kə nə̀ ghaa ndow kə n sə kə ni muu n jìi zey Mûkəbii saa nsə bəghəshi ə saa Yeso Klisto i ndəŋə dii bənə ghaa n fə̀ŋ ə wi i dzuŋu zə nsə n jìi zey ghaa i tɔʼɔ ndəŋə keelinə wi. N gɔŋŋə nə̀ ghaa i ngɔɔmə Yeso Klisto nya nsə nə tənəŋə tədzəm! Zə i loʼ sey.

1 Jɔn 1:3

À loʼ ghə i zən ghey â ndzəm koʼnə, sə i zow, ghey naʼlə bənə tə ghaa. Sey nə̀ ghaa i təmdzəŋi ghey ni keeli muu zən ghey khənə ghi Bày, tɔŋŋə Kəzə̀ ghi waa wi Yeso Klisto.

1 Jɔn 2:19

Ghə̂ a təngəmə ghən â way dzəŋi dzə nə kəfə kəmɔʼ ghi saa. À wey loʼ ghə i tii zə ghə â nuu shinə n fəŋŋə kə saa. Abə zə â loʼnə nə̀ ghə â loʼ dzəŋi nə kəfə kəmɔʼ ghi saa, ghə â doʼo dzəŋi bə ghi saa, ghə a ka nuu dzə. Nghee ghə â fəd nuu shinə, i dii bə n mgbaŋ nə̀ wù ghə umɔʼ â way koʼ tsə ghi saa.

1 Jɔn 5:20

Ghey khənu nə̀ waa Kəzə̀ n bə, tə u fuunə ghey n zowkeeli zə, nə̀ ghey keeli Zə̀ kən kə loʼ nə isəŋə. Saa loʼ nə kəfə kəmɔʼ ghi Zə̀ kən kə loʼnə isəŋə nghee saa loʼnə nə kəfə kəmɔʼ ghi waa wi Yeso Klisto. À wən loʼ Zə̀ kən kə loʼnə isəŋə kə fuu soʼonə saa n muu zə itsali zə.