Filipi 3:6 - Kaa n Kəzə̀ n fəghə mə

⁶ Mə â ngii khə tsə zay n laŋ kə inaʼ kə ghə̂ a Təjuu, mə n fuu tsə̀ ghə̂ a Ndaw Kəzə̀ n chɔd wə. Abə n ghəə ghən a loʼnə tsətsəghə tə laŋ kə dii nə̀, mə â naŋŋə tsə kəlaŋ sa, tsəm khə way bwu i loʼ zə.

Filipi 3:6 Mawu Ofanana

Matyo 23:25

Ngoʼ î loʼ tə̀ ghaa, ghə̂ a dii a kəlaŋ ghə nsə ghə̂ a tə Falasi ghə, n təŋkey, ghaa loʼ ghə nəb ityim. Ghaa tɔʼɔ sòw tsuu kə bii kə ukaŋ nsə wɔɔ tə, fə̀ŋ kə tii kə n loʼ nə̀ kə n luu doʼo n wɔ fə wey wə bəkeelinə nsə mə̂ wə.

Matyo 5:20

N dza bə tə̀ ghaa nə̀, a gɔʼɔ kə nə̀ muu i ghaa i loʼ tsətsəghə n sə k-a-zə̀ tsəghəshi tsu i ghə̂ a dii a kəlaŋ ghə nsə ghə̂ tə Falasi ghə, wù ghaa umɔʼ î way ni nyi dzə n fɔɔ wə idəŋ wə.”

Lukas 1:6

Ghə n dzəŋi muu muu i dzuŋu zə n sə̂ K-a-zə̀, naŋŋə laŋ u Kəzə̀, khə way bwù i loʼ zə.

Kəfwaʼ 21:20

Nghee ghə zow tsu ghəə a tii ghə, ghə n fuu ukali tə Zə̀ kə. Ghə n daŋŋə dza tə Pɔl nə̀, “N waazə, wə loʼ ni koʼ nghee ndəmə kam tə ghə̂ tə Təjuu tə doʼo bənə dzûmə tə Klisto tə, nsə nghee ghə nyûmə wû zə ni naŋŋə laŋ kə Mushi kə.

Kəfwaʼ 22:5

Fɔɔngili u nii nii wə nsə ngəd tə ndaw tsə tə loʼnu ni tɔʼ tiilə dza ghəə ghən. À buʼ loʼ ghə, ghə â fuunə mə n màʼlə wə nə̀ n ndow fuu tə ngəd tə Təjuu tey n Damaskus. Sey, mə n ndow fu ni ndow kwu ghə̂ ghən, n ney dzəŋŋə bə ghə n ndaw tsaʼ n Yerosalem ni chɔd ghə.”

Kəfwaʼ 26:5

Ghə khənu nə nzeyyə, abə ghə mə loʼ ni tiilə dza bə, nə̀ mə â muu tsə tə a loʼ wù zəghə u ghə̂ a tə Falasi. Zəghə wən u taw tsəghənə zəghə mə ndzəm n ghəə a Kəzə̀ a ghey.

Kəfwaʼ 8:3

Sɔl n kee zey ndow ni saʼ maʼa ghə̂ a dzəŋi kə dzûmə tə Klisto. Tə n bwey kaabə ndow ndaw təndaw, sii nu shiə bə dzûmə tə Klisto, agheynum nsə gheyzən ghə, ndow fìi naŋŋə ghə n ndaw tsaʼ.

Roma 7:9

Wû wuŋ, mə â buʼ muu tsə soʼo sey, nə̀ n khə way fə key ghə tɔŋŋənə nə̀ a loʼ kəlaŋ. Ambə n keeli kɔʼnə laŋ K-a-zə̀ kə, bəb zə daŋa keeli tsu kədaʼa n kow mə.

1 Kɔrint 10:32

Kə ghaa nə ghəŋŋənə ghəə zey zə i fuunə chɔd wə tə̀ ghə̂ a Təjuu ghə, ghə̂ ghən ghə way ghə̂ a Təjuu ghə nkee tə̀ ghə̂ a Kəzə̀ ghə.

1 Kɔrint 15:9

N dza sey n təŋkey, n loʼ tə a loʼ winətəghə n fəŋŋə kə ngəd tə Klisto tədzəm. N nam ngii nəʼlənu ni doʼo ngəd n fəŋŋə kə ngəd tə Klisto n təŋkey mə â chɔdlɔ tsə ghə̂ ghey ghə bəghəmnə tə̀ Zə̀ kə.

Filipi 2:15

Sey nə̀ ghaa i zow, khə way bwu i loʼ zə. Ghaa i loʼ waa a Kəzə̀ ghey ghə khə way dzə̂wə n fəŋŋə kə mbi i bəbə zən doʼo i ghə i gaŋa doʼonə, way tsətsəghə. Ghaa khə ni teeli baŋa tə a loʼ nsəghəbələ n fəŋŋə kə ghə̂ a bəbə ghən fa n mbi.

Filipi 3:9

mə i ndzəm loʼ nə kəfə kəmɔʼ ghi wi. N kəm dəmə way ni loʼ tsətsəghə n ngəŋ zuŋ nə̀ a dza n mə̀ tɔʼ naŋa laŋ kə Təjuu. N nya loʼ tsətsəghə bòʼ bəghəm i fə̀ŋ zən n khənə n kow Klisto. N doʼo bə tsətsəghə n jìi zey Zə̀ kə ləghənə bòʼ bəghəm i fə̀ŋ zuŋ.

1 Timoti 1:13

Nghee mə â loʼ nə̀ n ka kam bəghəm tə Klisto, mə â ghɔɔmə bəəbə tsə bòʼ wi, tsayyə wi, chɔdlɔ tsə soʼo wi. Zə̀ kə n kee kwɔɔlə isî n kow mə boʼnə mə â ka kam keeli dzə bəghəm i fə̀ŋ zə, mə n khə soʼo way ghəə ghey mə â ghəŋŋənə.