Filipi 3:21 - Kaa n Kəzə̀ n fəghə mə

²¹ N daʼa key tə khənə ni ney naŋa bə ufə̂ udzəm n tənə wi, tə î kwey nuu kɔʼɔ vən fə uwû fə wù sɔŋtsuʼ fə saa fən, tə fuu saa n ndzoʼo vən fə uwû fey Zə̀ kə â fuunə tə wi nghee tə â zhəm dzəŋŋə bənə wi nə ivə.

Filipi 3:21 Mawu Ofanana

Matyo 17:2

Sey wû u Yeso wə n kweyyə kɔʼ n sə kə ghə, tûm usə̂ u wi wə n nyiələ tə̀ a loʼ tsə̀, ndzə̂ tə wi tə n fə̀mmə fùŋ tə a loʼ kədzəd.

Matyo 22:29

Yeso n beeli ndòw ghə nə̀, “Ghaa n nyəŋ laʼ ni bəghəm nə̀ zhəm dzəŋŋə zə ivə i way n təŋkey, ghaa khə way ghəə zey ghɔɔmə i Kəzə̀ i diinə, ghaa khə soʼo way daʼa K-a-zə̀ kə.

Matyo 28:18

Yeso n bə n səə ghə, dza tə ghə nə̀, “Zə̀ kə n fuu mə n daʼa kə ni saʼ fə wən udzəm u loʼnə idəŋ nsə fa a ghəlitsə.

Roma 8:29

I loʼ sey n təŋkey, ghə̂ ghey Zə̀ kə â khənə nə̀ ghə i bə doʼlə ghə̂ a wi, tə â khənu nə̀ ghə i kweyyə nuulə bənu, ghə doʼo bə tə a loʼ waa wi, sey nə̀ waa wən i loʼ waa u sə isə wə n fəŋŋə kə ndəmə ghə̂ ghən ghə loʼnə dzûmə tə Klisto tə.

Kolose 3:4

Abə Zə̀ kə i dii bənə Klisto wən tə baa khənə muu i ghaa zə tə mbi, ghaa i loʼ dzəŋi ghi wi n ghaʼ i wi.

1 Jɔn 3:2

Fə̂ ghuŋ a dzuŋu ghə, nyisa wən saa loʼnə waa a Kəzə̀ ghə, saa kam khə way fə key saa i bə doʼlənə ghii kə. Saa kee khə kə nə abə Klisto i bənə, saa i bɔɔmə doʼlə kə tə a loʼ wi, n təŋkey, saa i koʼo ndow kə wi nghee tə bɔɔmə loʼnə tii.

Chi dii 1:8

Mûkəbii tə loʼnə Zə̀ kə, dza nə̀, “N loʼ ney kəsə̂ nsə fii kəbam. Mə â loʼ nə̀ nzeyyə, mə n loʼ nə nyisa, à loʼ soʼo mə, n khənə ni kəm bə. À khə mə daʼa wə udzəm.”