Filipi 3:2 - Kaa n Kəzə̀ n fəghə mə

² Ney na ghə̂mə zə ghi ghə̂ ghey ghə ghəŋŋə ghəə a bəbə ghə, ghə loʼ tə̀ a loʼ təbvə, ghə dza nə̀ ghə khə ni teeli səghə tyi kə wù kə tə wù tii ni keeli ibəghəshi.

Filipi 3:2 Mawu Ofanana

Matyo 24:10

Ndəmə aghə̂ ghə i buu doʼo n bəghəm i fə̀ŋ i ghə. Ghə i bàa wû i ghə zə, fìilə fuu wû i ghə.

Matyo 7:15

Yeso n dza tə̀ ghə nə̀, “Ney na ghə̂mə zə n tûm tə Kəzə̀ tə tsɔŋɔ tə. Ghə buulə bəghə n səə ghaa tə̀ a loʼ tənjì, loʼ sey nə̀ n fə̀ŋ tə ghə, ghə bəbə faalə tə a loʼ ubəghə.

Matyo 7:6

“Kə̂ ghaa nə neynə fə u Kəzə̀ wə, ghaa fuu ndow tə̀ ghə̂ ghən ghə loʼnə tə a loʼ təbvə, n təŋkey, ghə loʼ ni kəm khə̂mə bə iwû, ghə ŋaŋi ghaa tə̀ bvə tə nə ŋaŋinə wù. Kə̂ ghaa nə̂ ney soʼonə fə u ghaa u dzuŋu wə, ghaa dzəŋə ndow n kow ghə̂ ghey ghə loʼnə tə̀ à loʼ ufelibu, n təŋkey, ghə loʼ ni ney nyuʼ maʼa nə kətsaʼ tə a loʼ kəfelibu.”

Roma 2:28

I loʼ nə̀, wù tɔʼ way kə wù Juu abə tə loʼ nə̀ ghə n tyi kə wi kə səghə tə laŋ kə diinə n təŋkey, ni ndzəm səghə kətyi maŋ way kə ni səghə maʼa kɔʼ gow uwû.

2 Kɔrint 11:13

N dza sey n təŋkey, ndzoʼo ghə̂ ghən loʼ ngəd tə tsɔŋɔ tə, ghə badla aghəə n fwaʼ kə ghə, nəbə sə̂ aghə̂ nə̀ ghə loʼ ngəd tə Klisto tə səŋi tə.

Galeshia 5:13

Waazə, ghə Zə̀ kə a say shi bə ghaa nə̀ kə ghaa nə kəm muulənə tə a loʼ ukɔd n tənə kəlaŋ. I kə ghaa nə kee ney kɔʼɔnə nə̀ nghee ghaa kəm way kɔd wə n tənə kəlaŋ, a loʼ kəbùʼ tə ghaa ni ghəŋŋə ghəə a bəbə ghən gow uwû ghaa ləghənə ni ghəŋŋə. Fət ney na buʼ kə tii kə ni gaamə tiilə wû i ghaa nə iləghə.

Galeshia 5:15

Abə ghaa ŋaŋi kaabənə wû i ghaa zə tə a loʼ təbvə n jìi zey ghaa muu nə tii, kee ghə̂mə kə na nu kə ghaa nə weyyənə wû i ghaa zə.

Galeshia 5:6

Nghee saa doʼo bə dzənə nə kəfə kəmɔʼ ghi Yeso Klisto, abə ghə səghə tyi kə kə̀ mɔ ghə ka səghə ə, i zey khə way ghə i loʼ zə ni ghəŋə ghi muu i ghaa zə. Ghə i səŋi zey i loʼnə tii, loʼ bəghəm i fə̀ŋ zən saa khənə nsə ləghə zən saa khənə n wû i saa.

Filipi 3:19

Muu i ghə zə î may nə̀ uchɔd, n təŋkey, zə̀ kə ghə kə loʼ fə key nə̀ghə̀ n ghə n ləghənə, ghə kɔʼlə iwû n ghəə ghey ghə mə khənə ni dədlə n tow kə tii, fə̀ŋ tə ghə tə loʼ kə n fə̂ u mbi.

Filipi 3:3

Ghey loʼ ghə̂ ghey ghə loʼnə nə ghə n ndzəm səghə tyi u ghə wə, tɔŋɔ ghey ghən ghey ngɔɔmənə Zə̀ kə n daʼa kə kən Zay kə Zow kə fuunə tə ghey. Ghey gaʼ fə̀ŋ n fwaʼ kə Yeso Klisto, à way dzə fwaʼ kə wù sɔŋtsuʼ.

1 Timoti 1:19

Tɔʼɔ təmi taw tsu kə n bəghəm i fə̀ŋ zey wə khənə n kow Klisto, wə i khə soʼo fə̀ŋ i zow zə. Ghə̂ a loʼnu nə̀ ghə n ndzəm tuu ni keeli fə̀ŋ tə zow tə, sey, ghə a bəəbə maʼa kɔʼ bəghəm i fə̀ŋ i ghə zə.

Taytus 1:16

Ghə maŋa dza nə̀ idzuu nə̀ ghə khənu Zə̀ kə, loʼ sey nə̀ ghəə a ghə a ghəŋŋə a dii bənu nə̀ ghə tuu maʼanu wi. Ghə khə mwam n bəbə mə, zow way tə̀ Zə̀ kə, way soʼo ni ghəŋə ghə i loʼ zə i dzɔbənə.

2 Pita 2:22

Mwam u ghə u dii bənu nə̀ ghɔɔmə i fənkəfən zən loʼ isəŋə nə̀, “Bvə kəm ndow dzəŋŋə ibam ni zə̂ zaa u wən i mə zaa maʼanə.” Wə a dza soʼo nə̀, “Feelibu kən ghə sow dzənə dzəŋŋə ndow kə nə kətsaʼ ni nyuʼ uwû.”

Màʼlə kə Jud tə̀ ghə̂ a Kəzə̀ ghə 1:4

N dza sey n təŋkey, ghə̂ a loʼ ghə n bə tsɔŋ tsəghə nyi fey n fəŋŋə kə ghaa nə̀ ghə khə way Zə̀ kə. Ghə ney kɔʼ ndzuŋ zən Zə̀ kə diinə tə saa fəd naŋa kɔʼ nə̀ a loʼ jii tə ghə ni ghəŋŋə ghəə a laŋŋə ghə. Ghə tuu maʼa soʼo Yeso Klisto wən à loʼ kənə wi Bày saa nsə Mûkəbii saa.

Chi dii 2:9

n khənu chɔd wə wə̀ nsə nghee wə laanə tii loʼ sey nə̀ wə kee kuumnu n ghəə a Kəzə̀. N khənu ghəə a bəbə ghey ghə̂ ghən ghə tɔŋŋə wû i ghə zə nə̀ à loʼ ghə̂ a Təjuu loʼ sey nə̀ ghə way dzə dza kaabə tsənə n tow kə. À ndaw kədzəŋi ghə khə Satan.

Chi dii 21:8

A kee bə ghə̂ ghən ghə tsəŋənə, khə way bəghəm i fə̀ŋ zə, ghə nəb ityim, ghə̂ ghey ghə weynə ghə̂ ghə, ghə̂ a laŋŋə ghə, ghə̂ a fənnə ghə, ghə̂ ghən ghə ngɔɔmə muʼu mə nsə ghə̂ ghey ghə badlanə ghəə ghə, luʼu kə ghə kə loʼ n nyî zə uvələ zey sɔlfɔ bəʼlənə fu. À wən loʼ və zən i dzûmə ndow i sə̂ isə zə.”

Chi dii 22:15

Ghə̂ ghey ghə i kee nyi way fu inaʼ, loʼ ghə̂ ghey ghə ghəŋŋə ghəə a dzəə ghə nsə ghə̂ ghən ghə ghəŋŋə ghəə a fənnə ghə, ghə̂ ghey ghə ghəŋŋə ghə a laŋŋə ghə nsə ghə̂ ghey ghə weynə ghə̂ ghə, ghə̂ ghey ghə ngɔɔmə muʼu mə nsə ghə̂ ghey adzəm ghə ləghənə ni badla ghəə ghə n ghɔɔmə i ghə nsə n ghəə ghey ghə ghəŋŋənə.

Chi dii 3:9

Koʼo na! Ghə̂ ghey ghə loʼnə n ndaw kədzəŋi ə Satan, ghə̂ a badla ghə aghəə ghey ghə dza nə̀ ghə loʼ ghə̂ a Təjuu loʼ sey nə̀ ghə way, mə i ghəŋŋə tsu ghə nə̀ ghə bə təm tənguʼ n tənə wɔ, ghə bəghəm kɔʼ soʼo nə̀ mə n wɔ ləghə tən.