Filipi 3:19 - Kaa n Kəzə̀ n fəghə mə

¹⁹ Muu i ghə zə î may nə̀ uchɔd, n təŋkey, zə̀ kə ghə kə loʼ fə key nə̀ghə̀ n ghə n ləghənə, ghə kɔʼlə iwû n ghəə ghey ghə mə khənə ni dədlə n tow kə tii, fə̀ŋ tə ghə tə loʼ kə n fə̂ u mbi.

Filipi 3:19 Mawu Ofanana

Matyo 16:23

Yeso n khə̂mə tsəghə bə, dza tə̀ Pita nə̀, “Nuu n baa mə, Satan! Wə təʼlə maʼa mə n təŋkey, wə moʼlə dzə way ghəə ghey Zə̀ kə moʼlənə, wə fədlə moʼlə ndòw kə ghəə ghey wù sɔŋtsuʼ moʼlənə.”

Matyo 25:41

“Tə i dza ndòw tə̀ ghə̂ ghey n kpii kə wi kə kwɔ kə nə̀, ‘Nuu na n səə mə, ghaa ghən Zə̀ kə ləŋ naŋanə, ndòw na n vəllə wey u nəmmə tsə way ghə bayyə naŋanə tə̀ Satan nsə tsətəndəghə tə wi.

Lukas 12:19

Abə n fwaʼ may tsunə ghəə ghən, mə i daŋŋə kaali tsu wû wuŋ nə̀, ‘mbwɔɔ, wə̀ tsəm khə ndəmə ufəzəə, ni zə n ndəmə tənum. Zə̀ələ doʼo tsu izəzə, wə i zəə, zow kədzuŋ.’”

Lukas 16:19

Wù kûm u loʼ wə a loʼ tsənu, tə n labə tənnə tsə uwû n ndzə tə wən i taw zə. Tə n zəələ tsə kə uwû tsuʼ ndzəm.

Lukas 18:4

Wù saʼa u təsaʼ wey n taw tuutsə. Ambə n tsuʼ fə loʼ fə, tə n dza tsu n wû u wi wə nə̀, ‘Bə n tsəŋə kə way Zə̀ kə, khə soʼo way nəŋə i wù zə.

Roma 16:18

N dza sey n təŋkey ghə̂ ghey ghə ghəŋŋənə ndzoʼo ghəə a tii ghə, ghə fwaʼa way tə Mûkəbii saa Klisto, ghə fədlə fwaʼa tə̀ nəghə u ghə wə. Nyim kə ghə kə tsəghə dzɔbə nə idzuu, ghə a khə ghɔɔmə i tsìi zə ni nəb ghə̂ ghən ghə tɔʼ khə way ghəə ghə.

Roma 6:21

Ghaa â keeli naamə kə ghaa kə n ghəə a tii ghə, ghaa sə̀ loʼ nə̀ ghaa nya buʼu dədlə n tow kə n ghəə a tii ghə? Ghaa koʼo way nə̀ ghəə ghən adzəm a ney bə ivə ə?

1 Kɔrint 3:3

I loʼ sey n, n təŋkey, ghaa nam muu ndzoʼo muu zən ghə̂ a mbi a muunə. Abə ghaa nam khənə ghoʼ kə n fəŋŋə kə ghaa, zuulə soʼo n wû i ghaa, i dii bənu nə̀ ghaa loʼ ghə̂ a mbi, ghaa a ghəŋŋə soʼo ghəə ghə tə a maŋ loʼ wù sɔŋtsuʼ wən tə khə way Zə̀ kə.

1 Kɔrint 5:2

Ghaa loʼ ngee ni ghaŋŋə wû zə n ndzoʼo ghəə ghən ə? À wən loʼ ighəə ghaa mə khə ni mow tii, ghaa bùʼ dzùm nuu shi daŋŋə wù wey tə ghəŋŋə ndzoʼo ghəə ghən n fəŋŋə kə ghaa.

1 Kɔrint 5:6

I dzɔbə way nghee ghaa bwey ghaŋŋə kaabənə wû zə. Ghaa khə way nə̀ nyaŋi fə mbvuŋ nə nfuŋ, fə ghəŋŋə nə̀ fuŋ n tii mə ndzəm n kɔʼ kɔʼ ə?

2 Kɔrint 11:12

Mə i tsəghə ndòw kə n sə̂ kə ni fwaʼa fwaʼ key n fwaʼanə, sey nə̀ kə n nə̂ fuunə bùʼ kə tə̀ ghə̂ ghey ghə ləghənə ni baalə kɔʼ bə ghi ghey, ghaŋŋə iwû nə̀ ghə fwaʼa soʼo tə̀ a loʼ ghey.

2 Kɔrint 11:15

Dzuu i way ni kee zum dzə mə abə ghə̂ a kəfwaʼ a wi a nəbənə sə̂ a ghə̂ ghə nə̀ ghə loʼ ghə̂ a kəfwaʼ ghey ghə ghəŋŋənə ghəə ghey a kpiinə. Nəŋə zə i bəghənu, ghə i bɔɔmə keelinə fə key kə kpiinə n fwaʼ kə ghə.

Galeshia 6:13

Wû i ghə̂ ghən ghə loʼ nə ghə n səghə tyi u ghə wə, ghə naŋŋə way laŋ kə, ghə kee ləghə kə nə ghaa səghə tyi u ghaa, sey nə̀ ghə i ghaŋŋə wû zə nə̀ ghaa n bəghəm fu tə ghə.

Filipi 2:21

Ghə̂ a loʼ ghey adzəm, kay wù laalə tsu kə ghəə a wi, laalə way ghəə a Yeso Klisto ghə.

Kolose 3:2

Ghaa khə ni moʼlə tənə kə ghəə ghən a loʼ idəŋ, a way dzə ghəə ghən a loʼnə fa mbi,

2 Tesalonika 1:9

Tə i ney nuulə kɔʼɔ ghə n səə Mûkəbii, ghə i ka keeli soʼo kɔʼlə n wi, tə fuu ghə n ngoʼ zən i may way n vələ wən u nəmmə way.

2 Tesalonika 2:12

Ghəə ghən a ghəŋə nə̀ ghə̂ ghən adzəm ghə ka bəghəm isəŋə ghə i ghəŋə ghəə a dzəə ghə dza ghə sey zəə i wû. A wey loʼ ghəə i tii zə Zə̀ kə khənə ni chɔd ghə.

2 Tesalonika 2:8

Abə ghə i ney nuu tsunə wù wey tə kwɔɔ ghəə ghən, wù wən tə sii ndzəŋŋənə ghə̂ ghə i dii bə uwû. A kee loʼ nə̀, Mûkəbii Yeso i bəghə wey maʼa daʼa kə wi n zuʼ tə idzuu tə wi, tə ləŋi maʼa wi n nyiələ i wi.

1 Timoti 6:5

Ghə̂ ghən loʼ tən tsə kə ni zuulə n təŋkey, ghə moʼlə tənə kə ghəə a bəbə ghə, kəm ləghə soʼo way isəŋə. Ghə moʼlə kə nə̀ fwaʼ K-a-zə̀ kə loʼ luʼu key ghə loʼ ni keeli ikum tii.

2 Timoti 3:4

ghə nə fìilə fuu shiə ghə̂ ghə, ghəŋŋə zɔ̀ʼ tə aghəə, ghə nə khə nə̀ a bɔɔmə may kə ghə, ghə nə ləghə ghəə ghən a dzɔbənə tə ghə, kee ləghə way Zə̀ kə,

Jems 4:16

A fa loʼ nə̀ ghaa fəllə ghaŋŋə iwû n fwaʼa tə ghaa tən ghaa moʼlənə ni fwaʼ. Abə ghaa ghaŋŋənə wû zə sey, ghaa sey ghəŋŋə ghəə a bəbə ghə.

2 Pita 2:1

N num tə ibam tə, tûm tə Kəzə̀ tə tsɔŋɔ tə â loʼ tsənu n fəŋŋə kə aghə̂. N jìi i mɔʼɔ zə, ghə̂ a dii a tsɔŋɔ ghə i shiə kɔʼɔnu n fəŋŋə kə ghaa. Ghə nə tsɔŋ nyi bə n fəŋŋə kə ghaa nə̀ ghaa khə way, ghə dii ghəə ghey ghə i ghəŋŋə nə̀ ghaa nyəŋ laʼ. Ghə nə tuu maʼa daŋŋə Mûkəbii wey tə kuum nuu shi bə tow u ghə wə. À wey loʼ ghə i tii zə, ghab kə i kəm shi way tə̀ Zə̀ kə ni ləŋi maʼa ghə.

2 Pita 2:13

Zə̀ kə i chɔdlɔ ghə̂ ghən ni tsə dzəŋŋə ghə n ghəə a bəbə ghən ghə ghəŋŋənə. Ghə ney nə̀ à loʼ ghə i dzuŋu zə tə̀ ghə ni zəələ wû i ghə zə, ghəŋŋə kaabə tsə dzəə dzəə tə aghəə n mgbala tsə tə. Ghə loʼ tə a loʼ tɔɔlə tə dzəə tə, tə ngii ney bənə tow kə dədlə kə n fəŋŋə kə ghaa abə ghə zəələnə wû zə n ghəələ n ghə n tsɔŋɔ mey.

2 Pita 2:3

N sə a ghə a shiə ghə, ghə̂ a dii a tsɔŋɔ ghən nə dza bə zəzəə mən n fiilənə isəŋə tə̀ ghaa ni nəəbə ney ukhəə n wɔ ghaa. Zə̀ kə mâ khə bayyə naŋa nə̀ tə i chɔdlɔ ghə̂ ghən, tə kam bweeli soʼo way.

Màʼlə kə Jud tə̀ ghə̂ a Kəzə̀ ghə 1:10

Ghə̂ ghən a maŋa kpaalə kənə fə kə nə̀ ghə buʼ khə way fə kə tii kə. Ghə maŋa ghəŋŋə ghəə zey ghə moʼlə kɔʼnə ni ghəŋə tə a loʼ nyam tə mbvən tə. Ndzoʼo ghəə ghən ghə ghəŋŋənə loʼ ghəə ghey a ləŋi maʼanə ghə.

Màʼlə kə Jud tə̀ ghə̂ a Kəzə̀ ghə 1:16

Ghə̂ ghən khə kə ni nyuŋŋə ghɔɔmə nsə ni kəŋə chɔd wə n kow ghə̂ a loʼ ghə. Ghə dzûmə ndow kə ghəə a ghə a bəbə ghey fə̀ŋ tə ghə tə ləghənə. Ghə ghaŋŋə kaabə tsə iwû, nəəbə soʼo aghə̂ nə idzuu ni keeli fə key ghə ləghənə.

Màʼlə kə Jud tə̀ ghə̂ a Kəzə̀ ghə 1:4

N dza sey n təŋkey, ghə̂ a loʼ ghə n bə tsɔŋ tsəghə nyi fey n fəŋŋə kə ghaa nə̀ ghə khə way Zə̀ kə. Ghə ney kɔʼ ndzuŋ zən Zə̀ kə diinə tə saa fəd naŋa kɔʼ nə̀ a loʼ jii tə ghə ni ghəŋŋə ghəə a laŋŋə ghə. Ghə tuu maʼa soʼo Yeso Klisto wən à loʼ kənə wi Bày saa nsə Mûkəbii saa.

Chi dii 18:7

Ghaa ghəŋə tsu tə zow ifɔɔbə, tə mow soʼo Ighələ tə̀ tə â kɔʼlənə wû wə, zəələ soʼo uwû. Tə â tsɔbə fə̀ŋ ə wi nə̀, ‘Mə wən n doʼnə, n loʼ naʼtum! N way dzə wey kpusə, mə i dey koʼ way.’

Chi dii 19:20

Ghə n fəd kwu fìi naŋa ndow faalə kə nyam mbvən key ghi tûm tə Kəzə̀ tə tsɔŋɔ tən tə â ghəŋŋənə faalə n tsɔŋɔ mə n sə kə wi. (À loʼ faalə n tsɔŋɔ mən tə a diinə, mə â ghəŋənə nə̀ ghə̂ ghən ghə â neynə tsə̀ə faalə kə nyam mbvən kən nsə ghə̂ ghən ghə â ngɔɔmənə muʼu fən fə fiilənə wi nə̀ ghə nyəŋ laʼ n baa wi). Ghə n kwu tsu faalə kə nyam mbvən key ghi tûm tə Kəzə̀ tə tsɔŋɔ tən maʼa nyi tsu utaw n nyî zə uvələ u bəʼlə ghi fə kə loʼ ghə tɔŋŋə nə̀ a loʼ sɔlfɔ.

Chi dii 21:8

A kee bə ghə̂ ghən ghə tsəŋənə, khə way bəghəm i fə̀ŋ zə, ghə nəb ityim, ghə̂ ghey ghə weynə ghə̂ ghə, ghə̂ a laŋŋə ghə, ghə̂ a fənnə ghə, ghə̂ ghən ghə ngɔɔmə muʼu mə nsə ghə̂ ghey ghə badlanə ghəə ghə, luʼu kə ghə kə loʼ n nyî zə uvələ zey sɔlfɔ bəʼlənə fu. À wən loʼ və zən i dzûmə ndow i sə̂ isə zə.”

Chi dii 22:15

Ghə̂ ghey ghə i kee nyi way fu inaʼ, loʼ ghə̂ ghey ghə ghəŋŋə ghəə a dzəə ghə nsə ghə̂ ghən ghə ghəŋŋə ghəə a fənnə ghə, ghə̂ ghey ghə ghəŋŋə ghə a laŋŋə ghə nsə ghə̂ ghey ghə weynə ghə̂ ghə, ghə̂ ghey ghə ngɔɔmə muʼu mə nsə ghə̂ ghey adzəm ghə ləghənə ni badla ghəə ghə n ghɔɔmə i ghə nsə n ghəə ghey ghə ghəŋŋənə.