Filipi 3:15 - Kaa n Kəzə̀ n fəghə mə

¹⁵ À wən loʼ jìi zey saa ghən adzəm saa beyyə dzənə n ghəə a Kəzə̀, saa khə ni koʼo ghəə ghə tii. Abə wù loʼ khənə ghə i loʼ zə tə tɔʼɔ zowkeeli way, n moʼlə nə̀ Zə̀ kə î chiə diinu ghə i tii zə soʼo tə̀ wi.

Filipi 3:15 Mawu Ofanana

Matyo 5:48

I sey dii nə̀, ghaa khə ni loʼ tsətsəghə ighələ tə̀ Bày ghaa idəŋ loʼnə tsətsəghə.”

Lukas 11:13

Abə ghaa ghə̂ a bəbə ghə, ghaa khənə ni fu fə u dzuŋu wə tə̀ waa a ghaa ghə, Bày idəŋ i boʼo fu ngee Zay kə Zow kə tə̀ ghə̂ ghey ghə bəb bənə tə wi!”

Tùm i dzuŋu zə kuum Yeso Klisto tə Jɔn â tɔɔnə 6:45

I loʼ n maʼlə key tûm tə Kəzə̀ tə â tɔ̀ɔ naŋa nə̀, ‘À loʼ Kəzə̀ kə î diinə ghə̂ ghə adzəm n ghəə ghə’. Ghə̂ ghey ghə zownə ghɔɔmə i Kəzə̀ zə̀, zoʼlə aghəə n wɔ wi, i bə doʼlənu ghi mə.

Tùm i dzuŋu zə kuum Yeso Klisto tə Jɔn â tɔɔnə 7:17

Wù wey tə ləghənə ni ghəŋŋə ghəə ghey Zə̀ kə ləghənə, tə i keelinu nə̀ ghəə ghən n diinə fa, a nuu bə n wɔ Zə̀ kə mɔ n ghɔɔmə n ngəŋ zuŋ ə.

Roma 15:1

Saa ghən bəghəm i fə̀ŋ i saa i loʼnə nə̀ zə n beyyə, saa khə ni kow tsuu fə̀ŋ ghi dzûmə tə Klisto tə loʼ tey bəghəm i fə̀ŋ i ghə i ka kam tɔʼ beyyə. Kə saa nə ghəŋŋənə ghəə ghey a dzɔbə kənə tə saa.

1 Kɔrint 14:20

Waazə ghə, kə ghaa nə moʼlə nə̀ ghəə ghə tə̀ a loʼ aghinətəghə. Abə i bənə ni ghəŋə ghəə a bəbə ghə, ghaa khə ni loʼ tə a loʼ aghinətəghə. A kee bə n jìi zey ghaa zowkeelinə ghəə ghə tii, ghaa khə ni loʼ tə a loʼ agheynyim.

1 Kɔrint 2:6

Abə n loʼnə n fəŋŋə kə dzûmə tə Klisto tey tə loʼ nə̀ tə n beyyə n bəghəm i fə̀ŋ i ghə, mə n naʼlə tûm tə̀ ghə n tɔb wən Zə̀ kə fuunə. N kee naʼlə dzə way tûm tə̀ ghə n tɔb wən a khənə ghə̂ ghən ghə muunə fa n mbi nkee ghə̂ ghən ghə saʼanə mbi zən. Ghə̂ a mbi ghən loʼ nə̀ daʼa u ghə u nya may bənu.

Galeshia 5:10

Fə̀ŋ baŋa dzə way mə n kow ghaa, n təŋkey, n khənu nə nghee tə ghaa loʼ dzənə nə kəfə kəmɔʼ ghi Mûkəbii, ghaa kəm way ni ney dzuu i nuu zə, tsəghəshiə way i zən n fuunə tə ghaa. Sey, keeli tsu na nə̀ Zə̀ kə i chɔdlɔ wù wey tə ləghənə ni fwɔd maʼa ghaa abə a loʼ kə ndee.

Efesus 1:17

N gɔŋŋə nə̀ Zə̀ kə, tə khənə ghaʼ zə idzəm, tɔŋŋə bày Mûkəbii saa Yeso Klisto fuu ghaa n zay kən kə fuu tɔb wə nsə zay kən kə chiə diinə ghəə a Kəzə̀ ghə sey nə̀, ghaa tɔʼ keeli tsu wi.

Kolose 1:28

Sey, ghey naʼlə tûm i dzuŋu zə bòʼ Klisto tə ghə̂ ghə adzəm. Kii naŋŋə ndow ghə n ghəə ghən a kpiilə way, də̀ŋ ə kɔʼɔ bə ghə nə təjìi tədzəm, sey nə̀, ghey i loʼ ni ney bə ghə n sə K-a-zə̀, nə̀ ghə n beyyə dzɔb, loʼ nə kəfə kəmɔʼ ghi Klisto.

Kolose 4:12

Epafras wən tə loʼnə wù naʼ i ghaa, loʼ soʼo wù kəfwaʼ a Yeso Klisto tɔŋɔ zow bə ghaa. Tə gɔŋŋə tə ghaa nəŋə tədzəm n fə̀ŋ ə wi idzəm. Gɔŋŋə nə̀ Zə̀ kə ghəŋŋə nə̀ ghaa i tɔʼɔ taw n bəghəm i fə̀ŋ i ghaa, sey nə̀, ghaa loʼ ni tɔʼ zowkeeli ghəə a səŋi ghey Zə̀ kə ləghə nə̀ ghaa ghəŋə.

1 Tesalonika 4:9

Ni ghɔɔmə nya kuum ləghə zey ghaa khənə ni khə n wû i ghaa tə̀ a loʼ awaazə, ghey kəm khə dzə way ghəə i loʼ zə ni dza tə̀ ghaa, n təŋkey Zə̀ kə n ghaa dəŋ n jìi zey ghaa khənə ni ləghə tiillə wù zə.

2 Timoti 3:17

Zə̀ kə ney ghɔɔmə i wi zən ni tɔʼ bayyə ghə̂ a wi tii ni fwaʼ fwaʼa tə wi tə dzuŋu tə tədzəm.

Hibru 5:14

Fəzəə u taw u loʼ tə̀ gheynyim ghən ghə beyyə dzənə, zoʼlə keeli kɔʼ aghəə n jìi zey ghə loʼ ni keeli ghəə zey i dzɔbənə zə nsə ghəə zey i bəbənə.

1 Jɔn 2:5

Wù wey tə naŋŋənə ghɔɔmə i Kəzə̀ zə, tə ndzəmə dii bənu nə̀ tə ləghənu Zə̀ kə. Jìi zən saa keelinə nə̀ muu i saa i loʼ dzəŋi ghi wi, loʼ nə,