Filipi 3:10 - Kaa n Kəzə̀ n fəghə mə

¹⁰ Ghəə zey n ləghənə nya, à loʼ ni keeli Klisto nsə ni keeli daʼa kən Klisto â khənə n nəŋə zey Zə̀ kə â zhəm dzəŋŋə bənə wi nə ivə. N ləghə ni fəghə tə̀ tə â fəghənə, abə a loʼ kə ni kpu soʼo tə̀ tə â kpunə.

Filipi 3:10 Mawu Ofanana

Matyo 20:23

Yeso n dza ndòw tə̀ ghə nə̀, “N khənu nə̀ ghaa i ndzəm loʼnu ni fəghə, abə ni doʼo n kpii kuŋ kə təmə kə nkee n kpii kuŋ kə̀ kwɔɔ kə, luʼu tə tii tə loʼ tə̀ ghə̂ ghey Bày wuŋ bayyə naŋanə tə̀ ghə.”

Tùm i dzuŋu zə kuum Yeso Klisto tə Jɔn â tɔɔnə 10:18

Wù way ni wey maʼa mə nə̀ a ka mə bəghəm, à kee tsəm tsu mə ni fuu nuu ndòw muu zuŋ. N khənu daʼa kə tii kə ni fuu, khə soʼo daʼa kə tii kə ni ney dzəŋŋə. À loʼ Bày wuŋ tə fuunə mə n laŋ kə nə̀ n loʼ ni ghəŋə sey.”

Tùm i dzuŋu zə kuum Yeso Klisto tə Jɔn â tɔɔnə 17:3

Muu zə itsali zən loʼ tə̀ ghə ni khə wɔ, nə̀ a may kə wɔ wə ndzəm loʼnə Zə̀ kə, nsə ni keeli soʼo Yeso Klisto wən wə â tûm bənə fa n mbi.

Roma 8:17

Nghee saa loʼnə waa a Kəzə̀ ghə, saa i zə̂ə soʼonu fə wey Zə̀ kə â təb naŋanə tə ghə̂ a wi ghə. Saa ghi Klisto i dzəŋi zə̂ə soʼonu fə key Zə̀ kə â naŋanə tə wi. I loʼ sey n təŋkey, abə saa ndzəmə fəʼlə dzəŋinə ghi Klisto, saa i keeli soʼonu kɔʼlə mey tə khənə.

Roma 8:29

I loʼ sey n təŋkey, ghə̂ ghey Zə̀ kə â khənə nə̀ ghə i bə doʼlə ghə̂ a wi, tə â khənu nə̀ ghə i kweyyə nuulə bənu, ghə doʼo bə tə a loʼ waa wi, sey nə̀ waa wən i loʼ waa u sə isə wə n fəŋŋə kə ndəmə ghə̂ ghən ghə loʼnə dzûmə tə Klisto tə.

Roma 8:36

À wey loʼ ghə i tii zə i tɔ̀ɔ doʼo n màʼlə K-a-zə̀ nə̀, “À loʼ bòʼ wɔ a Zə̀ kə, ghey koʼonə və zə nəŋə tədzəm, Ghə ghəŋŋə ghi ghey tə a loʼ tənjì ghə dza i ndow wey.”

2 Kɔrint 1:10

Tə mâ bəghəshi ghey n ndzoʼo ngoʼ i faalə zən zə â loʼnə ni ney nuu tow kə wù. Tə nə nam bəghəshiə kənu ghey. Ghey sey gaʼ fə̀ŋ tə ghey n kow wi nə̀ tə i ndow kə n sə kə ni bəghəshiə ghey.

2 Kɔrint 1:5

I loʼ sey n təŋkey, nghee tə̀ saa ndəŋə fəʼlənə bòʼ Klisto, a loʼ ighələ Zə̀ kə tsəmmə soʼonə saa naʼ idzəm bòʼ wi.

2 Kɔrint 13:4

N ghəə ghən dza n təŋkey, nghee tə̀ ghə â baanə wi n zat kə fəkaʼ tə â ndzəm khə way daʼa kə, tə kee nya muu n daʼa K-a-zə̀. Nghee tə̀ saa loʼnə ghi wi nə kəfə kəmɔʼ, i sey dii nə̀ saa khə soʼo way daʼa kə. À kee bə n doʼo i ghey ghi ghaa, saa i dzəŋi keeli ndzoʼo muu zey tə khənə n daʼa K-a-zə̀.

Galeshia 2:20

N nya loʼ tə ghə â baa dzəŋi mə n zat kə fəkaʼ ghi Klisto. N kəm khə way daʼa kə n muu zuŋ, a loʼ Klisto tə khənə daʼa kə n muu zuŋ. Mùu zən n muu nə nya, n muu bòʼ bəghəm i fə̀ŋ zən n khənə n kow waa Kəzə̀ wən tə â ləghənə mə, bəghəm ni kpu n tow kuŋ.

Galeshia 6:17

Ni ney nuu tsu nya, ndow n sə kə, i kə wù nə kəm fəmmə, bòʼ nə̀, tɔ̀ɔ tən n kow mə tə dii may bə nə̀ n loʼ kɔd kə Yeso.

Efesus 4:13

Fwaʼ K-a-zə̀ kən khə ni ndow kə sey ni ndow kuum n nəŋə zey saa adzəm i doʼo bənə nə kəfə kəmɔʼ n bəghəm i fə̀ŋ i saa nsə nə̀ saa tɔʼ keeli tsu wù wey Waa Kəzə̀ loʼ ghii kə. N nəŋə zey saa i tɔʼ beyyə tsunə n doʼo i saa ghi Klisto, saa i loʼ ni muu n jìi zey Klisto â muunə tii.

Filipi 3:8

N ney ghəə a tii ghə adzəm tə a loʼ ghəə a kənunu tə̀ mə̀. Mə n maʼa ndow ghəə a tii ghə adzəm n tənkey, à dzɔb tsəghəshi ni tɔʼ keeli tsu Yeso Klisto, Mûkəbii wuŋ. Kùmnə a loʼ bòʼ wi mə â ndzəm maʼanə fə̂ wə udzəm, naŋa ndow nə̀ a loʼ udzə, sey nə̀ n keeli tsu kə Klisto,

Kolose 1:24

N duʼlənu n fəghə zən n fəʼlənə nya bòʼ ghaa, fəghə zən n fəʼlənə loʼ tə a loʼ tuʼ zuŋ n fəghə zən Klisto â fəghənə tə dzəŋi kə dzûmə tə Klisto, tɔŋɔ wû u wi.

Kolose 2:13

Ghaa â loʼ tsə tə a loʼ ghə̂ a kpuu ghə n sə K-a-zə̀ bòʼ ghəə a ghaa a bəbə ghə nsə nə ghaa a loʼ nə ghə ka kam səghə tyi u ghaa wə. Abə nya, Zə̀ kə n ghəŋə nə̀ ghaa doʼo bə utaw ghi Klisto, n təŋkey, tə n neyzəə ghəə a ghaa a bəbə ghə n ndzuŋə wi.

Kolose 3:1

Nya wən Zə̀ kə zhəm dzəŋŋə bə dzənə ghaa nə ivə ghi Klisto, gaʼ na fə̀ŋ tə ghaa tə n fə̂ wən u loʼ idəŋ, n luʼu key Klisto doʼnə tii n kpii u Kəzə̀ u təmə wə.

1 Pita 1:3

Saa fuu kəzɔŋŋə tə̀ Zə̀ kə tə loʼnə Bày tə Mûkəbii saa Yeso Klisto! Nghee tə ngii khənə sî i kwɔɔlə zə, tə n ghəŋə nə̀ saa i khə muu i fəghə zə nghee tə zhəm dzəŋŋə bənə Yeso Klisto nə ivə. À wən loʼ ghə i tii zə, saa muunə, ləmmə tənə nə̀ Zə̀ kə i fuunu saa n fə key tə â təb naŋanə tə̀ saa.

2 Pita 1:13

N moʼo nə̀ i ndzəm kpiinu tə mə ni zəŋŋə zeeli bə ghaa nya wən n nam loʼnə n tow kə nə̀ kə wù ghaa u loʼ u nə neyzəənə ghəə a tii ghə.

1 Jɔn 2:3

Abə saa naŋŋənə laŋ u Kəzə̀ wə, i sey dii nə̀ saa kuum khənu wi.

1 Jɔn 2:5

Wù wey tə naŋŋənə ghɔɔmə i Kəzə̀ zə, tə ndzəmə dii bənu nə̀ tə ləghənu Zə̀ kə. Jìi zən saa keelinə nə̀ muu i saa i loʼ dzəŋi ghi wi, loʼ nə,

Chi dii 1:18

N loʼ wù wey tə loʼnə utaw. N mâ kpu, nyisa n khə muu zən i nə may koʼ way. À loʼ mə n khənə daʼa kə n kow və zə nsə n kow naʼ zə ivə zə.