Filipi 2:9 - Kaa n Kəzə̀ n fəghə mə

⁹ Sey, Zə̀ kə n ney kɔʼlə naŋa nay kɔʼ ndow wi idəŋ idəŋ, N luʼu key kə tsəghəshi luʼu tə tədzəm. Tə n fu wi n zəd i nii zə, Zəd zey i tsəghəshinə zəd ghə adzəm.

Filipi 2:9 Mawu Ofanana

Matyo 11:27

Nghee tə̀ Yeso gɔŋŋə may tsunə, tə n dza tə̀ ghə̂ ghə nə̀, “Bày wuŋ n fuu ghəə ghə adzəm tə̀ mə, wù loʼ khə way Waa tii à may kə Bày, wù loʼ khə soʼo way Bày à may kə Waa nsə wù wey Waa tsəm tsunə ni dii Bày tə̀ wi.”

Matyo 28:18

Yeso n bə n səə ghə, dza tə ghə nə̀, “Zə̀ kə n fuu mə n daʼa kə ni saʼ fə wən udzəm u loʼnə idəŋ nsə fa a ghəlitsə.

Lukas 10:22

“Bày wùŋ n fu may fə wə udzəm tə̀ mə, wù lo khə way Waa tsəghəshiə way Bày, ighələ tə̀ wù way tə khənə Bày tsəghəshiə way Waa, nsə ghə̂ ghey Waa say kɔʼnə ni dii fu wi tə̀ ghə.”

Tùm i dzuŋu zə kuum Yeso Klisto tə Jɔn â tɔɔnə 13:3

Yeso â khənu nə̀ Bày n fuu naŋa ghəə ghə adzəm n wɔɔ a wi. Tə n khə soʼo nə̀ tə â nuu bə n səə Zə̀ kə, tə ndow dzəŋŋə n səə Zə̀ kə.

Tùm i dzuŋu zə kuum Yeso Klisto tə Jɔn â tɔɔnə 17:11

N nya zəghə taʼa tsuu ghə fa n mbi, mə n nuulə bə n səə wɔ. Bày wuŋ u zow wə, tsəd naŋa tsu ghə n daʼa key kə loʼnə n zəd zə, zəd zey wə â fuunə tə̀ mə, tə ghə doʼo nə kəfə kəmɔʼ ighələ tə̀ n loʼnə ghi wɔ nə kəfə kəmɔʼ.

Tùm i dzuŋu zə kuum Yeso Klisto tə Jɔn â tɔɔnə 17:12

Nəŋə zey mə â loʼ ghi ghə, mə â tsəd naŋa ghə n daʼa key kə loʼnə n zəd zey wə â fuu tə̀ mə. Mə n keyyə ghə, wù ghə umɔʼ ka nay shi tii a may kə wù wey tə â khə ni teeli nay, ni luulə ghɔɔmə zey i tɔ̀ɔ doʼo n màʼlə K-a-zə̀.”

Tùm i dzuŋu zə kuum Yeso Klisto tə Jɔn â tɔɔnə 17:5

Bày, ney naŋa mə n səə wɔ tə̀ mə i khə kɔʼlə mə, kɔʼlə n mɔʼɔ mey ghi wɔ â khə tsə tə mbi a nə zey tsu.

Kəfwaʼ 5:31

Zə̀ kə n wi kɔʼlə naŋa kɔʼ n kpi u wi u təmə wə tə a loʼ kətow nsə bəghəshi, nə̀ tə loʼ ni fuu ghə̂ ghə Izree n bùʼ kə tə ghə kweyyə fə̀ŋ tə ghə, nsə nə Zə̀ kə neyzəə ghəə a ghə a bəbə ghə.

Efesus 1:10

Zə̀ kə â bayyə naŋa nə̀, abə nəŋə zey tə sàynə î kpii tsunə, tə i ney naŋa bə fə udzəm fa n mbi n tənnə Klisto, tɔŋŋə, fə wey u loʼnə idəŋ nsə u wən u loʼnə fa a ghəlitsə.

Kolose 1:18

Klisto loʼ tow kə dzəŋi kə dzûmə tə Klisto, i loʼnə wû u wi wə. À loʼ wi wù sə isə Zə̀ kə â zhəm dzəŋŋə bənə nə ivə ni ghəŋə nə̀ tə i loʼ tow kə nə aghəə adzəm.

2 Tesalonika 1:12

Ghey gɔŋŋə nə̀ ghə̂ ghə i fuu kɔʼləmə tə̀ Mûkəbii saa Yeso bòʼ ghaa, Mûkəbii i fuu soʼo ghaa n kɔʼləmə, bòʼ fə̀ŋ i dzuŋu zey Zə̀ kə saa ghi Mûkəbii saa Yeso Klisto i diinə tə̀ ghaa.

Hibru 1:4

À loʼ ghəə zən Klisto â ghəŋənə, i dii bənə nə̀ tə tsəghəshi tsətəndəghə tə Kəzə̀ tədzəm, ighələ tə̀ zəd zən Zə̀ kə fuunə tə̀ wi, i tsəghəshinə zəd i tsətəndəghə tə Kəzə̀ tə tədzəm.

Hibru 1:9

Wə ləghə kə ghəə ghey ghə̂ a ghəŋŋə nə̀ a kpiinu, bàa ghəə a bəbə ghey ghə̂ a ghəŋŋənə. À wey loʼ ghə i tii zə, Zə̀ kən kə loʼnə Zə̀ kə kə̀ sày naŋa kɔʼnə wɔ Ghəŋə nə̀ wə tsəghəshi ghə̂ ghey ghə dzəŋi loʼnə ghi wi adzəm, nghee tə tsoʼlənə wɔ n mbvə mey n ghəŋŋənə nə̀ wə i ngii khə duʼlə zə.”

Hibru 12:2

Saa bɔɔmə naŋa ndow kə sə a saa n kow Yeso wən tə â ghəŋə nə̀ saa bəghəm tə̀ Zə̀ kə, gaamə soʼo saa nə̀ bəghəm i fə̀ŋ i saa zə i taw. Tə n kow tsu kə fə̀ŋ ni fəghə, tə bə kpu n zat kə fəkaʼ. Tə n ka dədlə kətow n ghə i tii zə n təŋkey, tə â khənu duʼlə zey tə i keelinə isə. Tə nya doʼ n kpii kə təmə kə n kuu kə fɔɔ K-a-zə̀.

Hibru 2:9

Saa kee koʼo ndownu Yeso wey Zə̀ kə â ghəŋə tsu nə̀ tsətəndəghə tə Kəzə̀ tə nyaʼi tsəghəshi tsu wi n kəmə fə inəŋə. Nya, Zə̀ kə n tsuʼ naŋa kɔʼ wi nə̀ tə i khə kɔʼlə mə nsə ngɔɔmə zə nghee tə â fəghənə, bə kpu soʼo n tow u saa. À loʼ bòʼ fə̀ŋ i dzuŋu zən Zə̀ kə khənə n kow saa tə â ghəŋənə nə̀ Yeso bə kpu n tow wə aghə̂ adzəm.

1 Pita 3:22

Klisto n kɔʼ idəŋ, tə u doʼnə n kpi u Kəzə̀ u təmə wə, saʼa tsətəndəghə tə Kəzə̀ nsə daʼa wey udzəm u loʼnə idəŋ.

2 Pita 1:17

Ghey â loʼnu fu n nəŋə zey Zə̀ kə tə loʼnə Bày â fuu wi ngɔɔmə zə nsə kɔʼlə mə. Dzə̀ i loʼ zə n dəb dza shi tsu bə fu idəŋ nə̀, “À wən loʼ waa wuŋ wən n ngii ləghənə, n ngii duʼlənu ghi wi!”

3 Jɔn 1:7

Boʼnə à loʼ n zəd i Klisto ghə â bwey fwaʼanə fwaʼ kən, nə ghə ney way fə kə n wɔ ghə̂ ghən ghə bəghəm way tə̀ Klisto

Chi dii 1:5

N gɔŋŋə nə̀ Yeso Klisto wən tə dii bənə isəŋə zən saa loʼ ni gaʼ fə̀ŋ tii, tə loʼnə wù sə isə ni zhəm dzəŋŋə bə nə ivə, tə saʼa soʼonə dəŋ wə fa a ghəlitsə, dii ghaa n ndzuŋ ə wi, tə fuu soʼo ghaa n buulə zə. Tə ləghənu saa, tə u bəghəshi saa n ghəə a saa a bəbə ghə, nghee tə â fuu ndow wû u wi wə n tow u saa n kaŋ tə wi tən tə â fəələnə n zat kə fəkaʼ.

Chi dii 11:15

Jim wə n kəm bə mə. N jim u tii wə, tsəndəghə Kəzə̀ zey nə ulii usəghəmbəghə n tɔŋ tsu sɔŋ i wi, mə n zow ndow dzə̀ tə taw tə loʼ tə, tə fuŋunə idəŋ, dza bə nə̀, “Daʼa key ni saʼ fɔɔ u mbi zən Loʼ n wɔɔ kə Zə̀ kə saa ghi wù wey tə â dza naŋa nə̀ i tûm bənu, Tə i saʼa saa tə̀ mbi nə bə may.”

Chi dii 19:16

Zəd i tii zə â tɔ̀ɔ doʼo n saŋ ə wi nsə n bey kə wi. Zəd i tii i loʼ nə à loʼ, “Dəŋ kə udəŋ nsə nə Mûkəbii tə ghə Mûkəbii adzəm.”

Chi dii 3:21

Wù wən tə taw tsəghənə ghəə a bəbə ghə, mə i fuu wi n bùʼ kə, tə doʼo dzəŋi ghi mə n kuu kə fɔɔ kuŋ. Ighələ tə mə â taw tsəghənə ghəə a bəbə ghə, doʼo dzəŋi tsu ghi Bày wuŋ n kuu kə fɔɔ kə wi.

Chi dii 5:12

Ghə n zhim shiə kɔʼɔ idəŋ nə̀, “A kɔʼ kpi waa njì zən ghə â weynə ni keeli kədaʼa, ikum, utɔb, nsə nùŋ wə ingɔɔmə, ibuulə nsə kɔʼlə mə!”