Filipi 2:6 - Kaa n Kəzə̀ n fəghə mə

⁶ Nghee tə â buʼ loʼ kə tə à loʼ Kəzə̀, Tə n ka tsəm moʼlə koʼ ni wû u wi nə̀ i loʼ ighələ tə a loʼ Kəzə̀.

Filipi 2:6 Mawu Ofanana

Matyo 1:23

“Weyzən, nə̀ tə ka kam nyəŋi koʼ tsə ghi weynum, î bɔŋɔ waa nə̀ tə ka nyəŋi ghi weynum. Tə̂ i ji bə waa ù nûm wə̀, Ghə i tɔŋŋə waa u num u tii wə nə̀ a loʼ Imanwe I dii tsunə nə̀, Zə̀ kə loʼ ghi saa.”

Tùm i dzuŋu zə kuum Yeso Klisto tə Jɔn â tɔɔnə 1:18

Wù loʼ ka kam kòʼ koʼ Zə̀ kə, a loʼ kə sɔʼi fə Waa wi wən tə loʼnə n səə Bày, tə dii bənə wi tə̀ saa.

Tùm i dzuŋu zə kuum Yeso Klisto tə Jɔn â tɔɔnə 10:30

Mə ghi Bày a loʼ kəfə̂ kəmɔʼ.”

Tùm i dzuŋu zə kuum Yeso Klisto tə Jɔn â tɔɔnə 10:33

Ghə̂ a Təjuu ghey n dza tə̀ wi nə̀, “Ghey dza i təmmə wey wɔ n təŋkey, wə tsayyə Kəzə̀, a way dzə bòʼ ghəə a dzuŋu ghey wə ghəŋŋənə. Wə maŋ loʼ wù sɔŋtsuʼ, wə u ney naŋa kɔʼnə wû wə wə̀ nə̀ wə loʼ Kəzə̀.”

Tùm i dzuŋu zə kuum Yeso Klisto tə Jɔn â tɔɔnə 10:38

Abə a kee loʼ nə̀ n fwaʼanu fwaʼ key Bày tûmnə mə nə̀ n bə fwaʼ, nə ghaa ləghə kə way ni bəghəm tə̀ mə, labi bəghəm kɔʼ kə na nə̀ ghəə ghey n fwaʼanə, loʼ ghəə a dzuŋu ghə. Sey ghaa i zowkeeli tsu nə Bày nsə mə loʼ kəfə kəmɔʼ.”

Tùm i dzuŋu zə kuum Yeso Klisto tə Jɔn â tɔɔnə 14:28

Ghaa mâ zow nghee mə â dzanə tə̀ ghaa nə̀, ‘N nuulə ndownu, a kee loʼ nə̀ mə i kəm bəghə dzəŋŋənu n səə ghaa.’ Abə ghaa mə ləghənə mə, ghaa mə khə ni duʼlə nə̀ n ndow n səə Bày, n təŋkey, Bày tsəghəshi mə.

Tùm i dzuŋu zə kuum Yeso Klisto tə Jɔn â tɔɔnə 14:9

Yeso n beeli ndow wi nə̀, “I sey dii nə̀ wɔɔ kə tìi tìi key n doʼo kəŋə bənə fa ghi ghaa a Filip, wə nam məʼlə kə wù wey n loʼnə ghii wə ə? Wù wey tə loʼ nə̀ tə n mə koʼ, tə n koʼ soʼo Bày. À loʼ kee ghaa sə nam dza kə nə̀, ‘Dii bə ghey n Bày ə?’

Tùm i dzuŋu zə kuum Yeso Klisto tə Jɔn â tɔɔnə 17:5

Bày, ney naŋa mə n səə wɔ tə̀ mə i khə kɔʼlə mə, kɔʼlə n mɔʼɔ mey ghi wɔ â khə tsə tə mbi a nə zey tsu.

Tùm i dzuŋu zə kuum Yeso Klisto tə Jɔn â tɔɔnə 20:28

Tɔmɔs n beeli ndow wi nə̀, “Wə loʼ Mûkəbii wuŋ nsə Zə̀ kuŋ kə.”

Tùm i dzuŋu zə kuum Yeso Klisto tə Jɔn â tɔɔnə 5:18

À wən loʼ ghɔɔmə zən zə â faalə ghəŋə may soʼonə ghə̂ a Təjuu ghə nə̀ ghə nuu təmi kɔʼ nə̀ ghə khə ni wey wi, kuum nə̀, tə â ka kad zaʼ kə laŋ kə tsuʼ inaʼ u ghə wə, tə â dza soʼo nə̀ Zə̀ kə loʼ Bày wi, dii tsunə wi ghi Zə̀ kə ghə loʼ ighələ.

Tùm i dzuŋu zə kuum Yeso Klisto tə Jɔn â tɔɔnə 5:23

Tə ghəŋə sey nə̀ ghə̂ adzəm ghə i ngɔɔmə Waa, ighələ tə̀ ghə ngɔɔmənə Bày. Wù wey tə ngɔɔmə way Waa sey ngɔɔmə soʼo way Bày wey tə tûmnə wi.

Roma 9:5

Ghə loʼ waa a waa ghə Abraham Ayzik nsə Yakɔb. Ghə â ji bə Klisto wən Zə̀ kə â dza naŋa nə̀ i tûm bənu n naʼ zə Izree tə a loʼ wù sɔŋtsuʼ. Tə loʼ Kəzə̀, à saʼa wi fə wə udzəm, saa ndzəm khə soʼo ni fuu wi n kɔʼləmə nəŋə tədzəm. Zə i loʼ sey.

2 Kɔrint 4:4

Nghee tə̀ ghə̂ ghən ka bəghəm tə̀ Zə̀ kə, zə̀ kə mbi kən tɔŋŋə Satan n ghəŋə naŋa ləm kə n fə̀ŋ tə ghə, sey nə̀ kə ghə nə koʼonə tsə u tûm i dzuŋu wey u dii bənə kɔʼlə n Klisto wən tə loʼnə tə̀ a loʼ Kəzə̀.

2 Kɔrint 8:9

Ghaa khənu ndzoʼo ndzuŋ zey Mûkəbii ə saa Yeso Klisto â khənə. Tə â kûmnu, tə n fəd doʼo bə wù laa wə bòʼ ghaa, sey nə̀ n bam i laa i wi, ghaa i loʼ ni kûm.

1 Timoti 1:17

N gɔŋŋə nə̀ ghə̂ a mə fuu ngɔɔmə zə nsə kɔʼləmə tə Zə̀ kə nəŋə tədzəm. Tə loʼ də̀ŋ kən kə loʼnə nya, loʼ nə tənəŋə tədzəm, də̀ŋ key kə kpuu koʼo tsə way, kə key wù loʼ ka kam koʼ koʼ tsə. A may kə wi tə mbi nə bə may. Zə i loʼ sey.

1 Timoti 3:16

Isəŋə loʼ nə̀, wù loʼ tsəm way ni tuu maʼa ghəə zey i nyi doʼonə n ghəə a Kəzə̀ nə̀, Klisto â bə tə a loʼ wù sɔŋtsuʼ, Zay kə Zow kə n dii bə nə tə loʼ tsətsəghə, Tsətəndəghə tə Kəzə̀ tə koʼ ndow wi, Ghəŋə nə̀ ghə naʼa tûm kùm wi tə ghə̂ ghən ghə ka bəghəm tə Zə̀ kə n naʼa tə mbi tədzəm. Ghə̂ a mbi ghə n bəghəm fuu tə wi. Ni fuu wi n kɔʼləmə, Zə̀ kə n ney kɔʼ ndow wi idəŋ, naŋa ndow wi n kpii u wi u təmə wə.

Taytus 2:13

Nghee tə saa ndzəmə ləmmənə tsuʼ fə nii fey saa khənə nə̀ fə i bə ghəŋŋə nə̀ saa ngii duʼlə, saa keyyə tənə nə̀ Zə̀ kə saa kə səŋi kə nsə bəghəshi ə saa tɔŋŋə Yeso Klisto, bə n wû u kədə̀ŋ.

Hibru 1:3

À loʼ wi tə dii bənə nghee tə kɔʼlə mən Zə̀ kə khənə nyiəllənə tii. Tə bɔɔmə fiilə kə Kəzə̀ nghee tə kwu keelinə mbi n daʼa kə ghɔɔmə i wi. Ambə tə sow maʼa tsunə ghəə ghə aghə̂ a bəbə ghə, tə n nuu kɔʼ ndow idəŋ, ndow doʼo tsu n kpii u Kəzə̀ u təmə wə, tə khənə daʼa kə tsəghəshi ufə udzəm.

Hibru 1:6

I loʼ soʼo n màʼlə K-a-zə̀ nə̀ nghee Zə̀ kə â tûm bənə Waa wi u sə isə wə fa n mbi, tə n dza tsu nə̀, “Tsətəndəghə tə Kəzə̀ tədzəm tə khə ni teeli ngɔɔmə wi.”

Hibru 1:8

Zə a tɔ̀ɔ doʼo kuum Waa wi nə̀ Zə̀ kə dza nə̀, “Zə̀ kə! Fɔɔ wə u nə̂ may koʼ way. Wə i kwɔɔ keeli ghə̂ ghə n jìi zey i loʼnə tsətsəghə.

Hibru 13:8

Yeso Klisto loʼ wù wey tə loʼnə ighələ azɔy, na, nsə nə tənəŋə tədzəm.

Chi dii 21:6

Tə n daŋŋə dza bə tə̀ mə nə̀, “Mə n ghəŋə may ghəə ghə adzəm! N loʼ ney kə sə nsə fii kə bam. À zey mə ghəə ghə adzəm, à mayyə soʼo mə ghəə ghə adzəm. Ghə̂ ghən fə̀ŋ ə mmuu zuʼlənə ghə, mə i fuu ghə n mmuu mə n shiə bənə n tɔŋ fə dzuu fey fə fuu muu zə nə̀ ghə ka fə kə tsə.