Filipi 2:5 - Kaa n Kəzə̀ n fəghə mə

⁵ Ghaa khə ni bɔɔmə khə ndzoʼo mwam wey Klisto â khənə n wû i ghaa.

Filipi 2:5 Mawu Ofanana

Matyo 11:29

Ney kɔʼ na fwaʼ kuŋ kə n wû i ghaa zə, ghaa zoʼlə tsu aghəə n wɔ mə̀, n təŋkey, n loʼ zəələ kə wù, khə soʼo fə̀ŋ i dzuŋu zə, ghaa i keeli izayyə.

Lukas 22:27

À lòʼ ndee wù kətow n ghə̂ ghən abəghə ə? Wù wey tə doʼo tsu n bənə kə zəə kə ghə a tsəʼlə bə wi n fəzəə wə mɔɔ wù wey tə tsəʼlə fu nə fəzəə wə ə? N dza a mgbaŋ loʼ wù wey tə doʼnə zəə ə? À wey loʼ ghə i tii zə n lòʼ ghi ghaa tə a loʼ wù kəfwaʼ.

Kəfwaʼ 10:38

Ghaa khənu nghee Zə̀ kə â tsuʼ naŋanə Yeso, wù Nazaled, fuu tsu wi n Zay kə Zow kə nsə daʼa kə. Ghaa khə soʼonu nghee tə â bwey kaabənə, ghəŋŋə ndzuŋ, baŋŋə ghə̂ ghən adzəm ghə a loʼ nə n tənnə daʼa kə avəətsəə, n təŋkey, Zə̀ kə â loʼ ghi wi.

Kəfwaʼ 20:35

N ghəə ghən adzəm, mə â dii bə tə ghaa nə abə wə fwaʼa tsu nə isəŋ, wə khə ni gaamə ndow ghə̂ ghey ghə taw way, moʼlə tsu ghɔɔmə zey Mûkəbii Yeso n wû u wi wə â dzanə nə̀, ‘Wù keeli ibuulə abə tə fuunə tsəghəshi abə tə neynə.’”

Roma 14:15

Abə à loʼ nə̀ fə key wə zə̂ənə ghəŋŋə nə̀ dzûmə Klisto u loʼ wə i khə fəmmə kə n fə̀ŋ ə wi, à sey loʼ nə̀ wə dii dzə way ləghə zə tə wi nghee wə nam zə̂ə ndow kə fə kə tii kə. Kə wə nə ghəŋŋə nə̀ fə key wə zə̂ənə, kə bəəbə maʼa wù nə̀ Klisto mâ kpuu n tow kə wi.

Roma 15:3

N dza sey təŋkey, Klisto n wû u wi wə â ka ghəŋə dzə ghəə ghey a dzɔbə kənə tə wi. I loʼ tə i tɔ̀ɔ doʼonə n màʼlə K-a-zə̀ nə̀, “Kpaalə zən ghə̂ ghə â kpaalənə wɔ, À loʼ mə n boʼonə kpaalə i tii zə.”

Roma 15:5

N gɔŋŋə nə̀ Zə̀ kən kə kuunə fə̀ŋ tə ghə̂ tə, ghəŋŋə soʼo nə̀ ghə̂ ghə i loʼ ni kow fə̀ŋ, kə ghəŋə nə̀ ghaa i loʼ ni khə ndzoʼo fə̀ŋ zey Klisto â khənə n fəŋŋə kə ghaa.

1 Kɔrint 10:33

À wey loʼ soʼo nghee n dəmənə ni muu nə̀ n khə way chɔd wə ghi wù loʼ n ghəə ghey n ghəŋŋənə. N ghəŋŋə dzə way ghəə ghey a dzɔbə kənə tə̀ mə, n fədlə ghəŋŋə ghəə ghey ghə i gaamənə ndəmə aghə̂, sey nə̀, ghə i loʼ ni keeli ibəghəshi.

Efesus 5:2

Ghaa khə ni khə ləghə zə n wû i ghaa, ighələ tə̀ Klisto â ləghənə saa, tə n fuu nuu ndow muu i wi ni kpu n tow u saa. Tə n fəələ ndow wû u wi tə a loʼ maʼlə u ləmmə dzɔbə wə tə̀ Zə̀ kə.

Filipi 1:1

À màʼlə kən tɔ̀ɔ bə mə̀ Pɔl nsə Timoti, ghey loʼnə ghə̂ a kəfwaʼ a Yeso Klisto ghə. N tɔ̀ɔ bə tə̀ ghə̂ a Kəzə̀ a zow ghə, ghə loʼnə nə kəfə kəmɔʼ ghi Yeso Klisto n naʼ i Filipi. N tɔ̀ɔ bə soʼo tə̀ ghə̂ ghey ghə loʼnə tow wə n Ndaw Kəzə̀ nsə ghə̂ ghən ghə fuunə gaamə zə n Ndaw Kəzə̀.

1 Pita 2:21

À wən loʼ ghəə zey Zə̀ kə â tɔŋɔnə ghaa tii n təŋkey, Klisto n wû u wi wə mâ fəghə soʼo n tow u ghaa, dii naŋa tsu ghaa n jìi zey ghaa khə ni ghəŋŋə ghəə ghə tii, sey nə̀ ghaa loʼ ni ney ghow kə ibwey kə wi.

1 Pita 4:1

Nghee i loʼnə nə̀ Klisto â fəghə tə a loʼ wù sɔŋtsuʼ fa n mbi, ghaa khə ni teeli keeli tsu soʼo ndzoʼo fə̀ŋ zey tə â khənə n nəŋə zey tə â bəghəmnə ni fəghə, n təŋkey, wù wey tə fəghənə tə a loʼ wù sɔŋtsuʼ fa n mbi, kəm way ni ghəŋə ghəə a bəbə ghey tə â buʼu ghəŋŋə tsənə.

1 Jɔn 2:6

wù wey tə dzanə nə̀ tə loʼ nə kəfə kəmɔʼ ghi Zə̀ kə, tə khə ni muu ighələ tə Yeso Klisto â muunə.