Filipi 2:30 - Kaa n Kəzə̀ n fəghə mə

³⁰ Tə â kay n fə̀ŋ n muu i wi, nɔb tə i kpu daŋŋə bòʼ fwaʼ kə Klisto kən tə fwaʼanə ni fu gaamə zey ghaa a way ni fuu n mgbaŋ.

Filipi 2:30 Mawu Ofanana

Kəfwaʼ 20:24

N tsəm ə buʼu ney way muu zuŋ zə tə a loʼ fə loʼ kə, n ləghə kə ni mayyə kɔʼ fwaʼ kən Mûkəbii Yeso fuu naŋanə tə mə. Fwaʼ kə tii kə loʼ ni təmi tiilə tûm i dzuŋu zə bòʼ ndzuŋ zən Zə̀ kə khənə n kow saa.

Roma 16:4

Ghə kpu kìi bòʼ mə. A way tən kə mə n fuunə zɔŋŋə kə tə ghə, dzûmə tə Klisto tən tə loʼnə n naʼ i ghə̂ ghən ghə way ghə̂ a Təjuu ghə, ghə fuu soʼo zɔŋŋə kə ghə.

1 Kɔrint 15:53

Isəŋə loʼ nə̀, wû u wù sɔŋtsuʼ wən u fwaynə, u khə ni teeli kwey doʼo bə wû wən u way ni fway koʼ. Wû wən u kpunə, khə soʼo ni teeli kwey doʼo bə wû wən u way ni kpu koʼ tsə.

1 Kɔrint 16:10

Abə Timoti kpaʼi bənə fey n səə ghaa, ghaa ney naŋa wi n wɔɔ a dzuŋu ghə n fəŋŋə kə ghaa n təŋkey, tə bɔɔmə fwaʼa soʼo fwaʼ kə Mûkəbii kən n fwaʼanə.

1 Kɔrint 16:17

N ngii duʼlənu nghee Stefanas, Fɔchunatus nsə Akaykus bənə fa, n təŋkey, ghə n mə fa ngii gaamə nghee ghaa â way fa.

2 Kɔrint 12:15

Sey, mə i fuu maynu fə̂ wey n khənə tə̀ ghaa, n buʼ fuu daŋŋə soʼo wû wuŋ ni ghəŋə nə̀ ghaa nyim n bəghəm i fə̀ŋ i ghaa. Nghee tə̀ n ngii ləghənə ghaa, à kee loʼ kee ghaa ləghə way mə ə?

2 Kɔrint 4:12

Sey ghey sa koʼo ivə nə̀ ghaa keeli imuu.

Filipi 2:17

Sey, abə n tsəm ney fə̀ələ tsu kə nə kaŋ tuŋ tə tə̀ a loʼ umaʼlə n fwaʼ kən ghaa fwaʼanə bòʼ bəghəm i fə̀ŋ i ghaa tə Zə̀ kə, mə i nam duʼlənu, mə î saŋŋə ghi ghaa adzəm.

Filipi 2:27

Tə mâ ndzəm dzaŋ, nɔb sa tə̀ tə â kpu. Zə̀ kə n kee kwɔɔlə isî n kow wi, nsə n kow mə̀, nə̀ kə̂ ghəə ghuŋ a nə̂ dow kpiʼinə. Zə̀ kə â ghəŋə sey nə̀ kə mə̀ î ngii mow.

Filipi 4:10

N ngii duʼlənu, mə n fuu soʼo zɔŋŋə kə n doʼo zuŋ ghi Mûkəbii, n təŋkey, ghaa n ndzəm dii ləghə i ghaa zə tə̀ mə. N khənu nə̀ ghaa â moʼlənu mə, ghaa n kee khə way jii ni dii bə moʼlə i tii zə.

Filipi 4:18

N loʼ ni dza nə̀ mə n naamə kuŋ kə keeli kpi, buʼ tsəghəshi. Mə n zə̂ kow fə̂ wən ghaa â tûm bənə tə̀ mə n wɔ̂ Epafroditus. Fə̂ u tii u loʼ tə̀ a loʼ naamə kə lə̀mmə dzɔbə kə tə̀ Zə̀ kə, fə̂ u tii u loʼ soʼo tə̀ a loʼ maʼlə u dzuŋu wə n sə̂ K-a-zə̀.

Filemun 1:13

Abə à mə loʼ kə tə mə, n mə dza nə̀ tə doʼo səə tsu fa ghi mə, tə i gaamə kɔʼɔ mə n tow kə nghee tə n loʼnə n ndaw tsaʼ boʼnə n naʼlə tûm i dzuŋu zə.

Chi dii 12:11

Ghə â təm zə̂ wi n kaŋ tə Waa Nji tən ghə â fəələnə n zat kə fəkaʼ nsə nə isəŋə zən ghə â naʼlənə, dii tsu nə̀ ghə â tsəmə ləghənu ni fuu nuu muu i ghə, abə à buʼ loʼ kə ni kpu daŋŋə.