Filipi 2:22 - Kaa n Kəzə̀ n fəghə mə

²² A kee bə Timoti, ghaa khənu nə̀ tə n dii fwaʼ kə wi kə, tə n fwaʼ ghi mə tə̀ waa nə̂ fwaʼanə ghi bày ni naʼa tûm i dzuŋu zən.

Filipi 2:22 Mawu Ofanana

Kəfwaʼ 16:2

Dzûmə tə Klisto tey n Listra nsə n Ikonum â ngii kali Timoti bòʼ mwam u wi.

Roma 5:4

Abə saa kownə fə̀ŋ nə ighəə, saa keeli mwam wey Zə̀ kə ləghənə. Ambə saa keeli kɔʼnə mwam u tii wə, wə n ghəŋə nə̀ saa i ləmmə tənə nəŋə zey saa i doʼlə dzəŋinə ghi Zə̀ kə.

1 Kɔrint 16:10

Abə Timoti kpaʼi bənə fey n səə ghaa, ghaa ney naŋa wi n wɔɔ a dzuŋu ghə n fəŋŋə kə ghaa n təŋkey, tə bɔɔmə fwaʼa soʼo fwaʼ kə Mûkəbii kən n fwaʼanə.

1 Kɔrint 4:17

À wən loʼ zuŋ key n tûm bənu Timoti tə̀ ghaa. Tə loʼ tə̀ a loʼ waa wuŋ wən n ngii ləghənə, tə u ngii gaʼ soʼonə fə̀ŋ n kow Mûkəbii. Tə i zəŋŋə bə ghaa n jìi zey n muu kɔʼ bənə tii tə̀ a loʼ dzûmə Yeso Klisto. À loʼ n jìi i mɔʼɔ zə n diinə n dzəŋi u dzûmə tə Klisto tə udzəm, nə təluʼu tədzəm.

2 Kɔrint 2:9

Ghəə zey mə â tɔ̀ɔ bə soʼonə màʼlə key tə̀ ghaa, â loʼ ni mɔm koʼ ghaa, ni koʼ nə̀ ghaa i naŋŋə kənu ghəə ghey mə â dzanə tə̀ ghaa adzəm.

2 Kɔrint 8:22

Ghey tûm bə soʼo waazə saa u loʼ wə ghi ghə. Ghey n wi mɔm koʼ n ndəmə tənəŋə, koʼ tsu nə̀, tə khənu zày ni gaamə n ndəmə tə aghəə. Tə baa khə zày ni gaamə nya tsəghəshi nghee tə â bùʼ khə tsənə n təŋkey, tə ngii gaʼ fə̀ŋ n kow ghaa.

2 Kɔrint 8:24

Sey dii ndòw na tə̀ ghə nə̀ ghaa ndzəm ləghənu ghə̂ ghə, sey nə̀, dzəŋi u dzûmə tə Klisto u keeli tsu nə̀ ghey tsɔbə dzə way fə̀ŋ bòʼ ghaa tə̀ ghə nə kənunu.

2 Kɔrint 8:8

N dza dzə way ghəə ghən tə̀ n tsəʼlə bə kəlaŋ. N kee dii bə səŋ zey ghə̂ a loʼ a kuunə n fwaʼ kə ghə ni koʼ nə̀ ləghə i ghaa i kuum loʼnu isəŋə.

Filipi 1:12

Waazə ghuŋ ghə, n ləghə nə̀ ghaa keeli tsu nə̀ ghəə ghən a shiənə n kôw mə, a ndzəmə gaamə ni ghəŋə nə̀ tûm i dzuŋu zən zaamə tə ndəm aghə̂.

Filipi 1:16

A ghən ghə naʼlə tûm n fə̀ŋ tə dzuŋu tə, ghə ghəŋŋə sey təŋkey ghə ləghə mə. Ghə khənu nə Zə̀ kə naŋa mə fa nə̀ n təm tsam ə tûm i dzuŋu zə.

Filipi 1:5

N fuu zɔŋŋə K-a-zə̀ nghee ghaa â gaamənə mə ni ghəŋə nə̀ n naʼa tûm Kəzə̀, ni ney nuu tsu n tsuʼ fey ghaa â bəghəm tûm i dzuŋu zə, bə kùm bə nya.

Filipi 1:7

À loʼnu ghə i dzuŋu zə tə̀ mə̀ ni moʼlə ghaa n ndzoʼo jii zən, boʼnə n khə ghaa n fə̀ŋ i dzuŋu zə̀. Abə n loʼ kə n ndaw tsaʼ nkee n təmənə tsam, təmi tiilə kùm tûm i dzuŋu zə̀, ghaa loʼ dzəŋi ghi mə̀ nə kəfə kəmɔʼ n ndzuŋ ə Kəzə̀ zən tə funə tə̀ mə.

Filipi 2:20

N kəm khə way wù loʼ tə̀ a loʼ wi, tə ndzəm khənu fə̀ŋ n kow ghaa.

1 Timoti 1:18

N waa, Timoti, n ghəə ghən dza bə tə wɔ n təŋkey a bəghəm dzəŋi ghi ghəə ghey wù tûm Kəzə̀ â naʼa naŋanə kuum wɔ, sey nə̀ wə i loʼ ni ney ghɔɔmə i tii zə, wə təm zə̂ ghə̂ ghey ghə diinə ghəə a badla ghə.

1 Timoti 1:2

N màʼlə kən tɔ̀ɔ bə tə wɔ a Timoti, wə ndzəm loʼnə tə a loʼ waa wuŋ n təŋkey saa dzəŋi bəghəm tə Klisto. N gɔŋŋə nə̀ Zə̀ kə, tə loʼnə Bày saa nsə Yeso Klisto tə loʼnə mûkəbii saa, dii wɔ n ndzuŋ, tə dii wɔ n sî i kwɔɔlə zə, tə ghəŋə soʼo nə̀ wə i muu nə ibuulə.

1 Timoti 4:6

Abə wə tiillə dza ndownə ghəə ghən n dii kɔʼ bənə tə wɔ tə̀ dzûmə tə Klisto tə, ney soʼo fə̀ŋ zə n ghɔɔmə i Kəzə̀ zən wə bəghəmnə tii nsə isəŋə zən wə bweynə tii, wə i doʼo wù kəfwaʼ a Yeso Klisto u dzuŋu wə.

2 Timoti 1:2

N màʼlə kən tɔ̀ɔ bə tə wɔ a Timoti, wə loʼnə waa wuŋ u tsuʼu wə. N gɔŋŋə nə̀ Zə̀ kə, tə loʼnə Bày saa nsə Yeso Klisto, tə loʼnə Mûkəbii saa, fuu wɔ n daʼa kə, tə keeli fə̀ŋ i dzuŋu zə n kow wɔ, tə ghəŋə soʼo nə̀ wə i muu nə ibuulə.

2 Timoti 3:10

A kee bə wɔ a Timoti, wə khənu ghəə ghey mə â diinə ghə̂ ghə tii nsə muu zuŋ zə idzəm. Wə khənu jìi zey n bəghəmnə tii tə̀ Klisto nsə fə key n kəŋənə fa n mbi, ləghə zey n khənə n kow ghə̂ ghə, nsə nə̀ n khənu ni kow fə̀ŋ n fwaʼ K-a-zə̀ abə ghəə a taw kə ngee.

Taytus 1:4

N tɔ̀ɔ bə màʼlə kən tə̀ wɔ a Taytus, wə ndzəm loʼnə tə̀ a loʼ waa wuŋ u səŋi wə n təŋkey saa dzəŋi bəghəm tə̀ Klisto. N gɔŋŋə nə̀ Zə̀ kə, tə loʼ Bày nsə Yeso Klisto, tə loʼ Bəghəshi saa, dii wɔ n fə̀ŋ i dzuŋu zə, ghə fuu soʼo wɔ n buulə zə.