Filipi 2:21 - Kaa n Kəzə̀ n fəghə mə

²¹ Ghə̂ a loʼ ghey adzəm, kay wù laalə tsu kə ghəə a wi, laalə way ghəə a Yeso Klisto ghə.

Filipi 2:21 Mawu Ofanana

Matyo 16:24

Sey, Yeso n dza ndòw tə̀ ngəd tə wi tə nə̀, “Abə wù dza i dzûmə mə̀, tə khə ni ney tsu nə̀ wû u wi u way dzə fə kə loʼ kə, tə boʼo kɔʼ zat kə fəkaʼ kə wi, tə dzûmə bə mə.

Lukas 14:26

“Abə wù dza i doʼo dzûmə wuŋ, tə khə ni ləghə mə tsəghəshi jìi zey tə ləghənə bày wi ghi này wi, wey wi ghi waa a wi ghə, nsə waazə a wi ghə, tə buʼ ləghə mə tsəghəshi jìi zey tə ləghənə wû u wi wə tii. Nə a way sey, tə way ni doʼo dzûmə wùŋ.

Kəfwaʼ 13:13

Pɔl nsə ghə̂ ghey tə â loʼ dzəŋinə ghi ghə n zəghə tsu Pafos, nyi kɔʼ nə kəfən, daŋ shi ndow n naʼ i Pega n mboʼo Pamfilya. À loʼ fu Jɔn Mak a zəghə tsunə ghə, nuu dzəŋŋə ndow n Yerosalem.

Kəfwaʼ 15:38

Pɔl n ka ləghə dzə way saalə kə tii kə, n təŋkey, ghə mâ buʼ shi ghi Jɔn Mak, tə n ndow khə̀mmə dzəŋŋə kɔʼ n jii n Pamfilya nə ghə ka mayyə fwaʼ kə ghə kə.

1 Kɔrint 10:24

Kə̂ wə nə ghəŋŋənə ghəə ghə nə̀ wə laalə tsu kə i zey i dzɔbənə tə̀ wɔ, i laalə ndow soʼo a ghey a dzɔbə soʼonə tə̀ ghə̂ a loʼ ghə.

1 Kɔrint 10:33

À wey loʼ soʼo nghee n dəmənə ni muu nə̀ n khə way chɔd wə ghi wù loʼ n ghəə ghey n ghəŋŋənə. N ghəŋŋə dzə way ghəə ghey a dzɔbə kənə tə̀ mə, n fədlə ghəŋŋə ghəə ghey ghə i gaamənə ndəmə aghə̂, sey nə̀, ghə i loʼ ni keeli ibəghəshi.

1 Kɔrint 13:5

Ləghə i ghəŋŋə way nə̀ wù i tsayyə ghə̂ a loʼ ghə. I ghəŋŋə way nə̀ wù i dey tənə kə sə̂ fə wi fə. I ghəŋŋə way nə̀ wù i zaŋŋə fəələ n nəghə wə. I ghəŋŋə way nə̀ wù i kwɔɔ naŋŋə wù n fə̀ŋ ə wi.

2 Kɔrint 1:5

I loʼ sey n təŋkey, nghee tə̀ saa ndəŋə fəʼlənə bòʼ Klisto, a loʼ ighələ Zə̀ kə tsəmmə soʼonə saa naʼ idzəm bòʼ wi.

Filipi 2:4

Kə̂ ghaa nə̂ laalə tsu kənə ghəə ghey a dzɔbənə tə ghaa, i laalə ndow na ghəə ghey a dzɔbənə tə ghaa, dzɔbə soʼo nə tə ghə̂ a loʼ ghə.

2 Timoti 1:15

Wə khənu nə̀ aghə̂ adzəm n mboʼo Eshya n tyi zəghə mə. Fijelus ghi Hemojenis u tyi zəghə daŋŋə soʼonə mə.

2 Timoti 3:2

Ghə̂ ghə i bɔɔmə ləghə kə wû i ghə zə, shiə n sə̂ ghə n ghəə ghə ukhəə, ghaŋŋə iwû, kpaalə aghə̂, zow way tə ghə bày a ghə ghə, ney way wù n taŋ, fuu way zɔŋŋə kə tə ghə̂ ghey ghə gaamənə ghə, ghə nə ney way ghəə a Kəzə̀ ghə n taŋ,

2 Timoti 4:10

n təŋkey, Demas n keeli ləghə zə n fə u mbi, tə u zəghə maʼa tsu mə, nuu ndow n Tesalonika. Kresens mâ nuu ndow n Galeshya, Taytus n nuu ndow soʼo n Damashia.

2 Timoti 4:16

N nəŋə i sə̂ isə zey ghə â ney ndow mə n tay i saʼ, wu umɔʼ ka tsəm bə taʼ dzə ghi mə, ghə adzəm n fəd tûmmə naŋa mə. N gɔŋŋə nə̀ Zə̀ kə neyzəə ghəə a ghə a bəbə ghə.