Filipi 2:15 - Kaa n Kəzə̀ n fəghə mə

¹⁵ Sey nə̀ ghaa i zow, khə way bwu i loʼ zə. Ghaa i loʼ waa a Kəzə̀ ghey ghə khə way dzə̂wə n fəŋŋə kə mbi i bəbə zən doʼo i ghə i gaŋa doʼonə, way tsətsəghə. Ghaa khə ni teeli baŋa tə a loʼ nsəghəbələ n fəŋŋə kə ghə̂ a bəbə ghən fa n mbi.

Filipi 2:15 Mawu Ofanana

Matyo 10:16

Ni ndow isə Yeso n dza tə̀ ngəd tə wi tey nə̀, “Koʼo! N ghaa fa tûm shiə ndòw tə̀ a loʼ tənjì n fəŋŋə kə ubəghə. I sey dii nə̀ ghaa khə ni ghə̂mə n ghow kə ibwey kə ghaa tə̀ a loʼ təzuu, ghaa i buulə tə̀ a loʼ ufə̀.

Matyo 17:17

Yeso n beeli ndòw wi dza nə̀, “Ghaa ghə̂ a num tə tən, ghaa khə way bəghəm i fə̀ŋ zə, ghaa khə kə ghəə a bəbə ghə. Mə i boʼo muulə ghi ghaa ni ndòw kùm zeeli? Mə i kow fə̀ŋ ghi ghaa ni ndow kùm zeeli? Ney bə na waa tii fa.”

Matyo 5:45

Abə ghaa ghəŋŋənə sey, ghaa i doʼo waa a Bày ghaa wey tə lòʼnə idəŋ, n təŋkey, tə ghəŋŋə tsə ə wi nə̀ i baŋ n kow ghə̂ a bəbə ghə nsə n kow ghə̂ a dzuŋu ghə. Tə fuu soʼo ighow tə̀ ghə̂ ghey ghə loʼ tsətsəghə nsə ghə̂ ghey ghə way tsətsəghə.

Matyo 5:48

I sey dii nə̀, ghaa khə ni loʼ tsətsəghə ighələ tə̀ Bày ghaa idəŋ loʼnə tsətsəghə.”

Lukas 1:6

Ghə n dzəŋi muu muu i dzuŋu zə n sə̂ K-a-zə̀, naŋŋə laŋ u Kəzə̀, khə way bwù i loʼ zə.

Lukas 6:35

Sey, i ləghə na ghə̂ a təngəmə a ghaa ghə, ghəŋə ndzuŋ tə̀ ghə̂ ghə, fuulə fuu shiə fə u ghaa, moʼlə way nə ghə i teeli fu dzəŋŋə. Abə ghaa ghəŋənə sey, ghaa i keeli naamə kə nii kə, ghaa i loʼ luʼu wey waa a Kəzə̀ a səŋi a loʼnə tii, n təŋkey, tə ghəŋə ndzûŋ tə̀ ghə̂ à məə ghə nsə ghə̂ a bəbə ghə.

Tùm i dzuŋu zə kuum Yeso Klisto tə Jɔn â tɔɔnə 5:35

Jɔn â loʼ tə̀ a loʼ kədaa kə baŋanə, ghaa n saŋŋə n ghɔɔmə i wi zən zə â loʼnə tə a loʼ kədaa tə̀ ghaa n tɔŋɔ fə inəŋə.

Kəfwaʼ 2:40

Pita n tsə̀ ghə n ndəmə təghɔɔmə, buʼ ghə n wɔɔ kə nə̀, “Bəghəshi na wû i ghaa zə n mbi i bəbə zən.”

Kəfwaʼ 20:30

Ghə̂ a loʼ ghə i buʼu shiə kɔʼɔ soʼonu n fəŋŋə kə ghaa ghə i badla bə ghəə ghə, ni sìi laʼ dzûmə tə Klisto ghi ghə.

Roma 16:19

Ghə̂ adzəm keeli may nə̀ ghaa dzûmə i dzuŋu zən ghə diinə ghaa tii. Ghə i tii zə n ghəŋə nə̀ mə i duʼlə. N ləghə nə̀ ghaa tɔʼ chi kɔʼ sə̂ a ghaa ni keeli ghəə zey i dzɔbənə, khə soʼo way wɔɔ kə n ghəə zey i bəbənə.

1 Kɔrint 1:8

Tə i keyyə ghaa nə̀ ghaa i taw n bəghəm i fə̀ŋ i ghaa ni ndòw kùm ndow, sey nə̀, ghaa i khə way bwu i loʼ zə n muu i ghaa n tsuʼ fey Mûkəbii saa Yeso Klisto i bəghə dzəŋŋənə tii.

2 Kɔrint 6:17

Sey, Mûkəbii dza nə̀, “Nuu shi bə na n fəŋŋə kə ghə, Ghaa doʼo bə n nəŋ. Kə̂ ghaa nə̂ kuunə wɔɔ a ghaa ghə nə udzə̂, Mə i daŋŋə kpii ney ghaa.”

Efesus 5:27

Sey nə, ndaw Kəzə̀ i loʼ n sə kə wi nə̀ i nyiələ dzɔbə, khə way dzə u loʼ wə, njuʼlə way soʼo. Zə i loʼ nə̀ zow dzɔbənu khə soʼo way bəb i loʼ zə.

Filipi 1:10

sey nə̀ ghaa i loʼ ni sày ghəə ghey a kpiilənə ni ghəŋə, nə̀ abə n tsuʼ fey Yeso Klisto î bənə tii ghaa i zow, khə way bwu i loʼ zə.

Filipi 3:6

Mə â ngii khə tsə zay n laŋ kə inaʼ kə ghə̂ a Təjuu, mə n fuu tsə̀ ghə̂ a Ndaw Kəzə̀ n chɔd wə. Abə n ghəə ghən a loʼnə tsətsəghə tə laŋ kə dii nə̀, mə â naŋŋə tsə kəlaŋ sa, tsəm khə way bwu i loʼ zə.

1 Tesalonika 5:23

Ghey gɔŋŋə nə̀ Zə̀ kən kə ghəŋŋənə nə̀ fə̀ŋ tə ghaa tə i loʼ nə ibuulə, n wû u wi kə bə ghəŋə nə̀ ghaa i zow n muu i ghaa. Ghey gɔŋŋə nə̀ ghəə adzəm ghaa ghəŋŋənə, ghəə ghey ghaa ləghənə nsə ghəə ghey ghaa moʼlənə i khə way bwu i loʼ zə abə Mûkəbii saa Yeso Klisto i bə dzəŋŋənə.

1 Timoti 3:10

Ghə khə ni fwɔli kɔʼ bə dzə ni koʼ tsu nə̀ ghə khə way bwu i loʼ zə tə ghə ni tsuʼ ghə tə a loʼ ghə̂ ghey ghə fwaʼanə n dzəŋi kə dzûmə tə Klisto.

1 Timoti 3:2

Wù wey tə loʼnə tow kə tə dzûmə tə Klisto tə, khə ni loʼ wù wey tə khə way bwu i loʼ zə n doʼo i wi. Tə khə ni loʼ wù wey tə gaʼnə fə̀ŋ n kow wey wi. Tə khə way ni mbadla fəələ n fə̀ŋ. Tə khə ni nyoʼlə ghəŋŋənə ghəə ghə. Tə khə ni loʼ wù wey ghə̂ a fuunə wi n ngɔɔmə zə. Tə khə ni loʼ wù wey tə loʼ ni kpiney ghə̂ ghey ghə bwey bəghənə n ndaw wi. Tə khə ni loʼ soʼo wù wey tə loʼ ni dii nduŋŋə ndow ghə̂ ghən ghə bəghəmnə tə Zə̀ kə.

1 Timoti 5:14

Sey, n tsəə bə waa a fəghaŋ ghən num a ghə a kpu dzənə, nə̀ ghə ney anum, ghə ji awaa, ghə laalə tə ndaw tə ghə tə, sey nə̀, kə ghə i fuu kəbuʼ tə ghə̂ a təngəmə a saa ghə ni kpaalə saa.

1 Timoti 5:20

A kee bə ngəd tey tə mgbaʼi ghəŋŋə kuulə kə ghəə a bəbə ghə, wə khə ni kpaa ndow ghə n sə kə aghə̂ adzəm, sey nə̀, ghə̂ a loʼ ghey loʼ ni tyi tsəŋ.

1 Timoti 5:7

Tillə dza ndow ghəə ghən tə ghə, sey nə̀, ghə i khə way bwu i loʼ zə.

Taytus 1:6

Wù wey tə loʼnə Ngəd n dzəŋi kə dzûmə tə Klisto khə ni loʼ wù wey tə loʼnə tsətsəghə nə̀ tə khə way bwu i loʼ zə. Tə khə ni khə kə wey umɔʼ. Waa a wi a khə ni loʼ dzûmə tə Klisto tə, nyey way, taw soʼo way n tow kə.

Taytus 2:10

Kə ghə nə tsɔŋɔnə n wɔ ghə mûkəbii a ghə ghə. Ghə fəd khə ni dii ndow tə̀ ghə mûkəbii a ghə ghə nə̀ ghə khə mwam u dzuŋu wə nəŋə tədzəm n jìi zey ghə loʼ ni gaʼ fə̀ŋ n kow ghə. Ghə keeli tsu ndzoʼo mwam wən ni ghəŋə nə̀ ghə̂ ghə i koʼo bə nə̀ ghəə ghey adzəm ghə zoʼlənə bòʼ Zə̀ kən kə loʼnə bəghəshi ə saa, a ndzəmə dzɔbənu.

Taytus 2:15

Sey, a wən loʼ ghəə ghən wə khə ni dii ndow tə dzûmə tə Klisto tə. I kuu ndow fə̀ŋ tə ghə tə, kpaa tənə ndow soʼo ghə abə ghə ghəŋə bəəbə tsunə ghəə zə tə a loʼ wù wey tə khənə daʼa kə tii kə. Ka tsəm bəghəm nə wù loʼ koʼ kìi wɔ.

Hibru 7:26

Yeso sey loʼ fɔɔngili u nii nii wən tə kɔʼ kpiinə ni laalə ghəə a saa ghə. Tə u zow, khə way bwu zə nkee bəb i loʼ zə n kow wi. Zə̀ kə a ney nuu shi kɔʼ wi n fəŋŋə kə ghə̂ a bəbə ghə, kɔʼlə naŋa kɔʼ wi idəŋ.

1 Pita 2:12

Ghaa ndow kə n sə kə ni ghəŋŋə ghəə a dzuŋu ghə n fəŋŋə kə ghə̂ ghey ghə kam khə way Zə̀ kə, sey nə̀, abə ghə tsəm dza i kwu kə ghaa nə̀ ghaa ghəŋŋə ghəə a bəbə ghə, ghə i loʼ ni dza nə̀ ghaa ghəŋŋə ghəə ghey a dzɔbənə. Sey ghə i loʼ ni fuu nkɔʼlə tə Zə̀ kə n tsuʼ fey tə i kəm bəghənə tii ni bə saʼ aghə̂.

1 Pita 2:9

A kee bə ghaa, ghaa loʼ ghə̂ ghən ghə sày kɔʼnə, ghaa loʼ ghə fɔɔngili tə̀ də̀ŋ kə, kə loʼnə Zə̀ kə, ghaa loʼ naʼ i zow zə, ghaa loʼ ghə̂ a Kəzə̀, ghaa loʼ ghə̂ ghən tə sày kɔʼ nə̀ ghə naʼa ghəə a wi a dzuŋu ghən tə ghəŋŋənə. Tə tɔŋɔ nuu shi bə ghaa nə kələm, naŋa bə ghaa n dzɔbə dzɔbə kə tsə kə wi.

2 Pita 3:14

Sey, fə ghuŋ a dzuŋu ghə, nghee ghaa ləmmənə tsuʼ fən, dəmə tən tsu n na ni koʼ nə̀ ghaa i zow, khə soʼo way bwu i loʼ zə n sə K-a-zə̀, loʼ soʼo nə ibuulə ghi wi.

Chi dii 2:5

Moʼlə tsu nghee wə â buʼ loʼ tsə tii tə̀ wɔ ni bə bwu khə̂mə. Kweyyə nuu bə fə̀ŋ zə n ghəə a bəbə ghey ghaa ghəŋŋənə, wə i ghəŋŋə ndow ghəə ghey wə â buʼu ghəŋŋə tsənə. Nə̀ à way sey, mə i bə ney nuu kɔʼ nyəllə kə kədaa kə key n bənə kə wi.

Chi dii 3:9

Koʼo na! Ghə̂ ghey ghə loʼnə n ndaw kədzəŋi ə Satan, ghə̂ a badla ghə aghəə ghey ghə dza nə̀ ghə loʼ ghə̂ a Təjuu loʼ sey nə̀ ghə way, mə i ghəŋŋə tsu ghə nə̀ ghə bə təm tənguʼ n tənə wɔ, ghə bəghəm kɔʼ soʼo nə̀ mə n wɔ ləghə tən.