Filipi 2:11 - Kaa n Kəzə̀ n fəghə mə

¹¹ Nsə nə̀, aghə̂ adzəm ghə i dza shiə bə mgbaŋ nə̀ Yeso Klisto loʼ Mûkəbii, Ni fuu ndow nkɔʼlə tə̀ Zə̀ kə tə loʼnə Bày saa.

Filipi 2:11 Mawu Ofanana

Matyo 10:32

Yeso n dza ndow tə ghə nə̀, “Wù wey tə bəghəmnə mə n sə̂ kə aghə̂, Mə î bəghəm soʼonu wi n sə̂ kə Bày wuŋ idəŋ.

Lukas 2:11

Koʼo na! N tsuʼ u na wən, ghə ji bəghəshi ə ghaa n naʼ i Fɔɔ Devid. Tə loʼ Wù wey Zə̀ kə Tsuʼ naŋanə tɔŋɔ Klisto tə loʼ Mûkəbii.

Tùm i dzuŋu zə kuum Yeso Klisto tə Jɔn â tɔɔnə 12:42

Nghee ghə̂ a Təjuu ghə â tuu kənə ni bəghəm fuu tə̀ Yeso, ndəmə ngəd tə ghə tə loʼ tə n nam bəghəm fu ndow tə̀ wi, ghə n kee tsəŋə ghaʼa ni dii shi ndow iwû nə̀ kə̂ ghə̂ a tə Falasi a nə dzum shiənə ghə n ndaw kədzəŋi ə ghə̂ a Təjuu.

Tùm i dzuŋu zə kuum Yeso Klisto tə Jɔn â tɔɔnə 13:13

Ghaa tɔŋŋə mə nə̀ a loʼ Wù dìi, tɔŋŋə soʼo nə̀ a lo Mûkəbii. À loʼ isəŋə, ghaa tɔŋŋə dzɔbnu, n təŋkey, a loʼ fə key n loʼnə ghii kə.

Tùm i dzuŋu zə kuum Yeso Klisto tə Jɔn â tɔɔnə 13:14

Abə mə wən n loʼnə Mûkəbii ghaa nsə Wù dii ghaa, loʼ ni sow fuu i ghaa, a sey loʼ nə̀ ghaa khə soʼo ni sow fuu i ghə̂ a loʼ ghə.

Tùm i dzuŋu zə kuum Yeso Klisto tə Jɔn â tɔɔnə 14:13

Abə ghaa nɔɔ kənə kee kə n zəd zuŋ, mə i fuunu tə̀ ghaa, sey nə̀ Bày loʼ ni keeli nkɔʼlə bòʼ Waa.

Tùm i dzuŋu zə kuum Yeso Klisto tə Jɔn â tɔɔnə 14:23

Yeso n beeli ndow wi nə̀, “Abə wù ləghənə mə, tə khə ni naŋŋə ghɔɔmə zuŋ zə, Bày wuŋ i ləghə soʼo wi, mə ghi Bày wuŋ i bə muu dzəŋi bə ghi wi.

Tùm i dzuŋu zə kuum Yeso Klisto tə Jɔn â tɔɔnə 17:1

Ambə Yeso ghɔɔmə may tsu ghəə ghən, tə n bwùm laalə kɔʼ ndow kədəŋ, kaʼ ndow ni gɔŋŋə nə̀, “Bày, nəŋə zə n kpi nya tə̀ wɔ ni ghəŋə nə̀ ghə̂ a koʼ kɔʼlə mey waa wə khənə, tə̀ tə ney bə wɔ n kɔʼlə mə a Bày.

Tùm i dzuŋu zə kuum Yeso Klisto tə Jɔn â tɔɔnə 20:28

Tɔmɔs n beeli ndow wi nə̀, “Wə loʼ Mûkəbii wuŋ nsə Zə̀ kuŋ kə.”

Tùm i dzuŋu zə kuum Yeso Klisto tə Jɔn â tɔɔnə 5:23

Tə ghəŋə sey nə̀ ghə̂ adzəm ghə i ngɔɔmə Waa, ighələ tə̀ ghə ngɔɔmənə Bày. Wù wey tə ngɔɔmə way Waa sey ngɔɔmə soʼo way Bày wey tə tûmnə wi.

Tùm i dzuŋu zə kuum Yeso Klisto tə Jɔn â tɔɔnə 9:22

Ghə bày a wi ghə â dza sey, n təŋkey, ghə â tsəŋə ngəd tə Təjuu tey, kuum nə̀, ngəd tey mâ bəghəm naŋa nə̀ abə wù loʼ dza tsunə nə̀ Yeso loʼ wù wey Zə̀ kə â dza naŋa nə̀ i tûm bənu, ghə i dzum nuu shi wi n Ndaw kədzəŋi ə ghə.

Kəfwaʼ 10:36

Ghaa khənu nə̀, Zə̀ kə â tûm bə tûm wi tə ghə̂ ghə Izree ghə, naʼlə ndow tûm i dzuŋu zə bòʼ ibuulə n bam i Yeso Klisto. Tə loʼ Mûkəbii tə ghə̂ ghə adzəm.

Kəfwaʼ 2:36

“Sey, ghə̂ ghə Izree adzəm a khə ni teeli keeli tsu nə̀ Zə̀ kə n ndzəm kɔʼlə naŋa Yeso wən ghaa â baanə n zat kə fəkaʼ tə a loʼ Mûkəbii ə saa, tə a loʼ soʼo wù wey Zə̀ kə â dza naŋa nə̀ i tûm bənu.”

Roma 14:11

I loʼ sey n təŋkey i tɔ̀ɔ doʼo n màʼlə K-a-zə̀ nə̀, Zə̀ kə dza nə̀, “Tə n loʼnə Zə̀ kə, Aghə̂ adzəm i təmə tənguʼ n tənə mə Aghə̂ adzəm i dza shi bə n dzuu a ghə ghə nə̀ n loʼ Kəzə̀.”

Roma 14:9

Klisto â kpuu, kəm zhəm dzəŋŋə bə sey nə̀ tə i loʼ mûkəbii tə ghə̂ ghən ghə loʼnə utaw nsə ghə̂ ghən ghə kpuu dzənə.

Roma 15:9

Tə â bə soʼo ni ghəŋə nə̀ ghə̂ ghən ghə way ghə̂ a Təjuu a loʼ ni fuu nkɔʼlə tə̀ Zə̀ kə nghee tə kwɔɔlənə sî zə n kow ghə. I loʼ tə i tɔ̀ɔ doʼonə n màʼlə K-a-zə̀ nə̀, “Sey, mə i kali wɔ n fəŋŋə kə ghə̂ a Təjuu Mə i zhim təndzaŋa ni fuu nkɔʼlə n zəd zə.”

1 Kɔrint 12:3

N ləghə nə̀ ghaa keeli tsu nə̀, wù loʼ way dzə abə tə ghɔɔmənə n daʼa key Zə̀ kə fuunə tə̀ wi, tə loʼnə ni dza tsu nə̀, “Yeso i koʼo kəbaŋ kaʼ.” Wù loʼ way soʼo tə loʼnə ni dza nə̀, “Yeso loʼ Mûkəbii.” Nə̀ a way Zay kə Zow kə, kə ghəŋə nə̀ tə dza sey.

1 Kɔrint 15:47

Zə̀ kə â bɔm wù sə isə wən tɔŋŋə Adam nə təzub, dii tsu nə̀ tə shi fa n mbi. Wù ibam wən tɔŋŋə Klisto kee shi tsu bə idəŋ.

1 Kɔrint 8:6

A kee bə saa, saa khə kə Kəzə̀ kəmɔʼ. À loʼ Bày saa tə bɔmnə fə wə udzəm, saa fa muu bòʼ wi. I loʼ soʼo nə̀ saa khə kə Mûkəbii umɔʼ. À loʼ Yeso Klisto wən Zə̀ kə â bɔmnə fə wə udzəm fa n mbi n bam i wi, à loʼ soʼo n bam i wi saa muunə.

1 Pita 1:21

À loʼ n bam i Klisto i ghəŋənə nə̀ ghaa bəghəm tə̀ Zə̀ kən kə â zhəm dzəŋŋə bənə wi nə ivə, kɔʼlə naŋa kɔʼ wi idəŋ. À wey loʼ ghə i tii zə ghaa khənə bəghəm i fə̀ŋ zə, ləmmə tənə soʼo nə̀ Zə̀ kə i ghəŋə ghəə a səŋi ghə tə̀ ghaa.

1 Jɔn 4:15

Abə wù dza nə̀ Yeso loʼ Waa Kəzə̀, tə sey muu nə kəfə kəmɔʼ ghi Zə̀ kə, Zə̀ kə a muu soʼo nə kəfə kəmɔʼ ghi wi.

1 Jɔn 4:2

Jii zey saa keelinə ghə̂ ghən ghə khənə Zay K-a-zə̀ kə loʼ nə, wù wən tə bəghəmnə nə̀ Klisto â bə fa n mbi n wû u wù sɔŋtsuʼ, tə sey khə zay key kə nuu bə n wɔ Zə̀ kə.

2 Jɔn 1:7

Ndəm aghə̂ n shi ndow n mbi ni nəb kaabə tsə aghə̂ nə̀, Yeso â ka bə dzə n wû u wù sɔŋtsuʼ. Ndzoʼo wù wən loʼ wù nəbə wə aghə̂ wə, loʼ soʼo wù təngəmə ə Klisto.

Chi dii 3:5

Wù wey tə i taw tsəghənə bəb zə, ghə i lab tsu soʼo wi n ndzə tə fəmə tə tə̀ a loʼ ghə. Mə i zəd maʼa way zəd i wù tii zə n màʼlə kə zəd a ghə̂ ghey ghə i keelinə muu zə itsali zə. Mə i dza ndow n sə kə Bày wuŋ nsə n sə kə tsətəndəghə tə wi nə̀ tə loʼ wù wuŋ.