Filipi 1:8 - Kaa n Kəzə̀ n fəghə mə

⁸ Zə̀ kə loʼ ni tiillə dza nə̀ n dza isəŋə nə̀ ləghə zey n khənə n wɔ ghaa loʼ i zey i nuu bənə n wɔ Yeso Klisto n wû u wi wə.

Filipi 1:8 Mawu Ofanana

Lukas 1:78

Zə i doʼlə sey, n təŋkey, Zə̀ kə saa kə khə fə̀ŋ zey i ngii khə sî i kwɔɔlə zə. Zə i ghəŋə nə̀ tsə̂ wə idəŋ u taw tsu bə n kow saa.

Roma 1:9

Zə̀ kən n fwaʼanə tə wi n fə̀ŋ zuŋ idzəm ni naʼlə tûm i dzuŋu zə bòʼ Waa wi Yeso, loʼnu ni təmi tiilə nə̀ n moʼlə tsənu ghaa nəŋə tədzəm.

Roma 9:1

Ghəə ghən n dzanə, à loʼ isəŋə, n badla dzə way ghəə ghə n təŋkey n loʼ nə kəfə kəmɔʼ ghi Klisto. Zay kə Zow kən kə loʼnə n fə̀ŋ zuŋ tiilə dza bənu nə̀ n badla dzə way ghəə ghə.

2 Kɔrint 13:9

Ghey duʼlənu abə ghey loʼ tə̀ ghey khə way daʼa kə loʼ kə, ghaa u kee taw dzɔbənə. Ghey fa gɔŋŋə kə nə̀ ghaa i taw dzɔbə nə aghəə adzəm.

2 Kɔrint 6:12

Ghey ləghə ghaa n fə̀ŋ tə ghey tə tədzəm, a fəd loʼ ghaa, ghaa dii may bə way ləghə i ghaa zə tə̀ ghey.

2 Kɔrint 7:15

Nsə sey, abə tə moʼlə tsu n fə̀ŋ ə wi jìi zey ghaa â zownə tə̀ wi, nsə nghee ghaa â kpii neynə wi tii n ngɔɔmə i səŋi zə, ləghə zey tə khənə n kow ghaa n ngii loʼ.

Galeshia 1:20

Zə̀ kə khənu nə̀ ghəə ghən n tɔɔnə fa, a loʼ isəŋə, n badla dzə way ghəə ghə.

Galeshia 3:26

Nya, à loʼ bəghəm i fə̀ŋ zən ghaa khə n kow Yeso Klisto, i ghəŋŋənə nə̀ ghaa doʼo waa a Kəzə̀.

Galeshia 4:19

Waa ghuŋ a dzuŋu ghə! Fɔɔbə zey n zownə nya bòʼ ghaa, loʼ tə a loʼ fɔɔbə zey weyzən zownə abə tə sòʼonə waa. Mə i zow fɔɔbə i tii zə ni ndow kùm n nəŋə zey mə i koʼ bə nə̀ muu i ghaa i nya loʼ tə a loʼ muu i Klisto.

Filipi 2:1

Nghee ghaa loʼnə nə kəfə kəmɔʼ ghi Klisto, i kuunu fə̀ŋ tə̀ ghaa tə ə? Ləghə zən tə khənə n kow ghaa tsəmmənu ghaa a? Zay kə Zow kə naŋŋənu ghaa nə kəfə kəmɔʼ ə? Ləghə zən Klisto khənə n kow ghaa ghəŋŋənu nə ghaa i khə ləghə zə n wû i ghaa, khə soʼo sî i kwɔɔlə zə ə?

Filipi 2:26

Tə n ngii mbuŋŋə ni bə koʼ ghaa, fə̀ŋ n ngii fəmmə soʼo wi, n təŋkey, ghaa mâ zow nə̀ tə â dzaŋanu.

Filipi 4:1

Sey, waazə ghuŋ ghən n ngii ləghənə, mbuŋŋə kìi soʼo ni koʼ. Ghaa loʼ fə key kə fuunə mə n duʼlə zə, ghaa u loʼ soʼo fə key Zə̀ kə naamənə mə tii n fwaʼ kuŋ. Sey waazə ghuŋ a dzuŋu ghə, təmi taw tsu kə na n doʼo i ghaa ghi Mûkəbii.

Kolose 2:1

N ləghə nə̀ ghaa keeli tsu nə n ngii dəmənu bòʼ ghaa nsə ghə̂ ghey ghə loʼnə n dzəŋi kə dzûmə tə Klisto n naʼ i Lodishya, buʼu dəmə soʼo tə ghə̂ ghey ghə loʼ nə ghə ka kam koʼ koʼ tsə mə n wû wuŋ wə.

Kolose 3:12

Zə̀ kə n sày ghaa nə ghaa doʼo ghə̂ a wi a zow ghən tə ngii ləghənə, sey, ghaa khə teeli khə sî i kwɔɔlə zə, fə̀ŋ i dzuŋu zə, zuŋ kə umwam, ni buulə nsə ni kow fə̀ŋ.

1 Tesalonika 2:5

Ghaa khənu nə̀ ghey â ka nəb dzə̀ ghaa nə ighɔɔmə, nkee ni nəəbə ney fə̂ kə ghaa kə loʼ kə. Zə̀ kə loʼ ni təmi tiilə n tow u ghey.

1 Tesalonika 2:8

Ghey n ngii ləghə ghaa, à wey loʼ ghə i tii zə ghey â ka kad naʼa kə tûm i dzuŋu zən Zə̀ kə â fuu bənə tə̀ ghaa, ghey n fuu may ndow soʼo wû i ghey ni gaamə ghaa. Ghey ndzəm ngii khə ghaa n fəŋ tə ghey.

2 Timoti 1:4

Abə n moʼlə bənə nghee wə â deynə tii n nəŋə zey saa â sàli nuu tsunə, fə̀ŋ n baŋa mə ni koʼ wɔ, sey nə̀, mə i loʼ ni keeli iduʼlə naʼ idzəm.

Filemun 1:12

N tûm dzəŋŋə bə wi ibam tə wɔ, keeli tsu nə̀ tə loʼ tə a loʼ fə̀ŋ zuŋ.

Filemun 1:20

N waazə, n buʼu bə kəwɔɔ tə wɔ n zəd i Mûkəbii nə̀ wə fuu mə n gaamə zən. Wɔ, tə a loʼ wù wən tə loʼnə nə kəfə kəmɔʼ ghi Klisto, ghəŋə nə̀ fə̀ŋ zuŋ i zow dzɔbə.

1 Jɔn 3:17

Ghə̂ a kûm ghən fa n mbi ghə koʼo ndownə waazə ghən ghə muunə nə̀ ghə khə way fə kə, ka kwɔɔlə isî n kow ghə, ghə way dzə ni dza nə̀ ghə ləghənu Zə̀ kə.