Filipi 1:7 - Kaa n Kəzə̀ n fəghə mə

⁷ À loʼnu ghə i dzuŋu zə tə̀ mə̀ ni moʼlə ghaa n ndzoʼo jii zən, boʼnə n khə ghaa n fə̀ŋ i dzuŋu zə̀. Abə n loʼ kə n ndaw tsaʼ nkee n təmənə tsam, təmi tiilə kùm tûm i dzuŋu zə̀, ghaa loʼ dzəŋi ghi mə̀ nə kəfə kəmɔʼ n ndzuŋ ə Kəzə̀ zən tə funə tə̀ mə.

Filipi 1:7 Mawu Ofanana

Kəfwaʼ 20:23

N khə kə nə̀ Zay kə Zow kə mâ tə mə dza naŋa zey n naʼa tən tədzəm mə â ndownə tii nə̀ mə i koʼo uchɔd, ghə i kwu fii naŋa soʼo mə n ndaw tsaʼ.

Kəfwaʼ 21:33

Wù nii təsawgoʼ wey n kuʼlə kəŋə bə, kwu kɔʼ Pɔl, tsəʼlə tsu kəlaŋ nə ghə kuum tsu wi nə tətsaʼ təbəghə. Tə n daŋŋə bəb zow kɔʼ wù wey Pɔl loʼnə ghii wə n wɔ ghə̂ ghey, nsə ghə zey tə ghəŋə bəəbənə.

1 Kɔrint 13:7

Ləghə i ghəŋŋə wù nə̀ tə i ghə̂mə n kow waazə nəŋə tədzəm. I ghəŋŋə wù nə̀ tə i gaʼa fə̀ŋ n kow waazə nə aghəə adzəm. I ghəŋŋə wù nə̀ tə i gaʼa fə̀ŋ n kow Zə̀ kə. I ghəŋŋə nə̀ wù i kow fə̀ŋ nəŋə tədzəm.

1 Kɔrint 9:23

Zuŋ key n ghəŋŋənə ghəə ghən adzəm loʼ nə̀ tûm i dzuŋu zə i zam ndow, sey nə̀, mə i mbɔŋ keeli soʼo ibuulə tii.

2 Kɔrint 3:2

À loʼ ghaa, ghaa loʼnə màʼlə kə ghey kə, kə tɔ̀ɔ doʼonə n fə̀ŋ tə ghey, ghə̂ adzəm a khənə, tɔŋŋə soʼo.

2 Kɔrint 7:3

N ghəə ghən dza dzə way ni dza nə̀ ghaa n ghəŋə bəəbə. Mə n buʼ dza tə̀ ghaa nə̀ ghaa loʼ n fə̀ŋ tə ghey n jìi zey abə saa muunə, saa dzəŋi muunu, nə̀ saa kpuunu, saa dzəŋi kpu soʼonu.

Galeshia 5:6

Nghee saa doʼo bə dzənə nə kəfə kəmɔʼ ghi Yeso Klisto, abə ghə səghə tyi kə kə̀ mɔ ghə ka səghə ə, i zey khə way ghə i loʼ zə ni ghəŋə ghi muu i ghaa zə. Ghə i səŋi zey i loʼnə tii, loʼ bəghəm i fə̀ŋ zən saa khənə nsə ləghə zən saa khənə n wû i saa.

Efesus 3:1

A loʼ boʼ ghəə ghey Zə̀ kə loʼ nə̀ kə n ghəŋŋə ni təmdzəŋi bə ghə̂ a Təjuu nsə ghə̂ ghən ghə way ghə̂ a Təjuu ghə nə kəfə kəmɔʼ, mə Pɔl, n loʼnə wù ndaw tsaʼ a Yeso Klisto n tow u ghaa ghən ghaa way ghə̂ a Təjuu ghə.

Efesus 4:1

Mə wən n loʼnə wù ndaw tsaʼ boʼnə n fwaʼa tə̀ Mûkəbii, n buʼu bə kəwɔɔ tə̀ ghaa nə̀ ghaa i muu muu zey i kpiilənə tə̀ ghə̂ ghey Zə̀ kə sàynə ghə.

Efesus 6:20

Kuum nə̀ a loʼ bòʼ tûm i dzuŋu zən n loʼnə wù tûm ə klisto. N fa loʼ n ndaw tsaʼ bòʼ i ghii. Sey, gɔŋŋə na nə̀ mə i khə fə̀ŋ ni naʼlə tûm i tii zə tə̀ n khənə ni naʼa nə̀ n khə way tsəŋ i loʼ zə.

Filipi 1:12

Waazə ghuŋ ghə, n ləghə nə̀ ghaa keeli tsu nə̀ ghəə ghən a shiənə n kôw mə, a ndzəmə gaamə ni ghəŋə nə̀ tûm i dzuŋu zən zaamə tə ndəm aghə̂.

Filipi 1:13

Sey, təsawgoʼ tə tədzəm n tɔʼ n naʼ i Roma nsə ghə̂ ghən adzəm fa, ghə khənu nə n loʼ n ndaw tsaʼ boʼnə n loʼ wù kəfwaʼ a Klisto.

Filipi 1:14

Doʼo zuŋ n ndaw tsaʼ zə n ghəŋə nə̀ ndəmə ghə̂ ghən ghə bəghəm tə Yeso a keeli tsu fə̀ŋ. Ghə nya naʼlə nduŋŋə ndòw ghɔɔmə i Kəzə̀ nə̀ ghə khə way tsəŋ zə n fə̀ŋ.

Filipi 1:5

N fuu zɔŋŋə K-a-zə̀ nghee ghaa â gaamənə mə ni ghəŋə nə̀ n naʼa tûm Kəzə̀, ni ney nuu tsu n tsuʼ fey ghaa â bəghəm tûm i dzuŋu zə, bə kùm bə nya.

Filipi 2:22

A kee bə Timoti, ghaa khənu nə̀ tə n dii fwaʼ kə wi kə, tə n fwaʼ ghi mə tə̀ waa nə̂ fwaʼanə ghi bày ni naʼa tûm i dzuŋu zən.

Filipi 4:14

 nam loʼnu ghə i dzuŋu zə tə̀ ghaa ni gaamə mə n chɔd wuŋ.

Filipi 4:15

Ghaa ghə̂ a Filipi ghə, ghaa ndzəm khənu nə̀ n nəŋə zey ghaa â kaʼ tsu ghɔɔmə i Kəzə̀ zən nə̀ n nuu bə n naʼ i Masedonya, Ndaw Kəzə̀ i loʼ i way dzə zə â gaamənə mə tsəghəshi ghaa fa n Filipi.

Filipi 4:3

N dza bə soʼo tə wɔ fə wuŋ wən ghi wɔ dzəŋi fwaʼa dzɔbə kɔʼɔ bə nə̀ wə gaamə gheyzən ghən, n təŋkey, ghə mâ ndzəm fwaʼ ghi mə ni naʼa tûm i dzuŋu zə. Ghə â loʼ ghi Klemen nsə ghə̂ a loʼ ghey ghə â fwaʼa dzəŋinə ghi mə. Zəd a ghə a tɔ̀ɔ doʼo n màʼlə K-a-zə̀ key tə tɔ̀ɔ naŋŋənə zəd a ghə̂ ghey ghə î zəənə muu zə itsali zə.

Kolose 4:18

À loʼ mə Pɔl n wû wuŋ wə n tɔ̀ɔ bənə nya tə ghaa, mə n ghaa tɔŋɔ zow. I kə ghaa nə neyzəənə nə̀ n loʼ n ndaw tsaʼ. N gɔŋŋə nə̀ ndzuŋ ə Kəzə̀ zə i loʼ ghi ghaa.

Kolose 4:3

Ghaa i gɔŋŋə soʼo n tow u ghey, nə Zə̀ kə ghəŋə nə̀ ghey keeli kəbuʼ ni naʼa ghəə ghən a nyì doʼonə bòʼ Klisto, n təŋkey, à wən loʼ zuŋ key n loʼnə tii n ndaw tsaʼ.

1 Tesalonika 5:5

Ghaa dzəm, ghaa loʼ ghə̂ a kədaa ghə ghəŋŋə ghəə ghə n sə̂ a zow ghə. Saa way dzə ghə̂ a kələm ghə ghəŋənə ghəə ghə nə̀ kələm.

2 Timoti 1:8

Sey, kə wə i dədlə n tow kə ni təmi tiillə bòʼ Mûkəbii saa, kə wə nə dədlə soʼo n tow kə ni dza ndow nə̀ wə khənu mə wən n loʼ fa n ndaw tsaʼ bòʼ Klisto. Fət təmdzəŋi bə mə ni fəghə bòʼ tûm i dzuŋu zən. Wə khə ni fəghə n təŋkey Zə̀ kə n fuu wɔ n daʼa kə tii kə.

2 Timoti 2:9

N fa fəʼlənu, ghə u kùm naŋa daŋŋə mə nə tətsaʼ tə a loʼ wù tsɔŋɔ n təŋkey n naʼlə tûm i dzuŋu zən. Ghə i dzuŋu i loʼ kə nə̀ ghə way ni kùm naŋa dzə ghɔɔmə i Kəzə̀ nə tətsaʼ.

Filemun 1:13

Abə à mə loʼ kə tə mə, n mə dza nə̀ tə doʼo səə tsu fa ghi mə, tə i gaamə kɔʼɔ mə n tow kə nghee tə n loʼnə n ndaw tsaʼ boʼnə n naʼlə tûm i dzuŋu zə.

Hibru 3:1

Waazə ghuŋ a zow ghə, ghaa ghən Zə̀ kə tɔŋɔnə nə̀ ghaa dzəŋi doʼo ghə̂ a wi idəŋ, gaʼ ndow na fə̀ŋ tə ghaa n kow Yeso wən Zə̀ kə tûm bənə nə̀ tə bə doʼo fɔɔngili u nii nii wə tə̀ saa.

1 Pita 4:13

Ghaa khə ni fədlə duʼlə nə̀ ghaa fəʼlə soʼo ndzoʼo fəghə zey Klisto â fəghənə, sey nə̀, ghaa i loʼ ni ngii duʼlə abə tə i kəm bənə n daʼa kə wi kə səŋi kə.

1 Pita 5:1

N loʼ soʼo ngəd, n mâ koʼ Klisto nghee tə â fəʼlənə tii, mə i keeli soʼonu kɔʼlə mey tə khənə idəŋ abə tə i kəm bənə. N buʼu bə kəwɔɔ tə ghaa ngəd tə dzûmə tə Klisto tey tə loʼnə n fəŋŋə kə ghaa nə̀,

2 Pita 1:13

N moʼo nə̀ i ndzəm kpiinu tə mə ni zəŋŋə zeeli bə ghaa nya wən n nam loʼnə n tow kə nə̀ kə wù ghaa u loʼ u nə neyzəənə ghəə a tii ghə.

1 Jɔn 3:14

Saa khənu nə̀ və i kəm khə way daʼa kə n kow saa, saa nya khə muu zən i may way, n təŋkey, saa ləghə tiilə waazə a saa. Wù wey tə khə way ləghə zə, və i sey nam khənu daʼa kə n kow wi.