Filipi 1:28 - Kaa n Kəzə̀ n fəghə mə

²⁸ Kə̂ ghaa nə̂ tsəŋənə ghə̂ a təngəmə a ghaa ghə, keeli tsu na fə̀ŋ. Abə ghaa ghəŋə nə̀ sey, ghə i loʼ ni koʼ n wû i ghə zə nə̀ ghə î ləŋi nu, a i keeli ghaa bəghəshi zə, kùmnə a loʼ Kəzə̀ tə təmə fuunə tsam ə tii tə̀ ghaa.

Filipi 1:28 Mawu Ofanana

Matyo 10:28

Kə̂ ghaa nə̂ tsəŋənə ghə̂ ghey ghə loʼnə ni wey kə vən fə uwû fə wù, nə̀ ghə way ni wey zay kə wù, ghaa khə ni fəd tsəŋ Kəzə̀, n tənkey, tə̂ loʼnu ni wey vən fə uwû fə wù nsə fə̀ŋ ə wi n luʼu key ghə̂ fəʼlənə tii.

Malakus 3:3

Yeso n dza ndòw tə̀ wù wey wɔɔ kə wi kə â tə̀ghə doʼonə nə̀, “nuu kɔʼ, wə təmi shi bə n sə kə aghə̂.”

Lukas 3:6

sey ghə̂ a mbi adzəm i koʼ nghee tə Zə̀ kə bəghəshiənə ghə̂ ghə tii.’”

Tùm i dzuŋu zə kuum Yeso Klisto tə Jɔn â tɔɔnə 16:8

Abə wù wey tə tsə̀ənə ghə̂ ghə i bənə, tə nə ghəŋə nə̀ ghə̂ a mbi a keeli nə̀ ghə ghəŋŋə ghəə a bəbə ghə, tə nə dii soʼo nghee ghə khə ni loʼ tsətsəghə n sə̂ K-a-zə̀ nsə nə̀ Zə̀ kə nə saʼanu ghə̂ ghə adzəm.

Kəfwaʼ 28:28

Ghaa khə ni keeli tsu nə̀ ghə n ney tûm Kəzə̀ zən i ghəŋŋə nə̀ ghə̂ a keeli ibəghəshi, tûm nuu ndow tə ghə̂ ghən ghə way ghə̂ a Təjuu ghə. Ghə i zownu.”

Roma 8:17

Nghee saa loʼnə waa a Kəzə̀ ghə, saa i zə̂ə soʼonu fə wey Zə̀ kə â təb naŋanə tə ghə̂ a wi ghə. Saa ghi Klisto i dzəŋi zə̂ə soʼonu fə key Zə̀ kə â naŋanə tə wi. I loʼ sey n təŋkey, abə saa ndzəmə fəʼlə dzəŋinə ghi Klisto, saa i keeli soʼonu kɔʼlə mey tə khənə.

1 Tesalonika 2:2

Ghaa khə soʼonu nghee ghey fəghənə tii n naʼ i Filipi nsə nghee ghə â lənnənə ghey tii. Zə̀ kə n kee nam ghəŋə tsu nə̀ ghey keeli tsu fə̀ŋ i tii zə ni bə naʼa tûm i dzuŋu zə tə̀ ghaa nghee ghə̂ â tsəmə tuu kə ni zow ghɔɔmə i ghey.

Hibru 13:6

Sey, saa loʼ ni tsɔbə fə̀ŋ tə nə̀ saa tsəŋə way nə̀, “Mûkəbii loʼ wù wey tə gaamənə mə, Mə i tsəŋ way ghə i loʼ zə. Wù sɔŋtsuʼ loʼ ni ji ngee ghi mə ə?”

Chi dii 2:10

Kə wə i tsəŋ chɔd wən wə i bə keelinə. Wə ney ighə̂mə boʼnə Satan i kuu ghaa a loʼ ghə n ndaw tsaʼ ni mɔm koʼ ghaa, ghaa i fəghə nə ntsuʼu ighəm. Ghaa keeli tsu kə bəghəm i fə̀ŋ, abə a loʼ kə ivə, mə i fuu ghaa n muu i fəghə zə tə a loʼ kə naamə abə ghaa təm zə kɔʼ.