Filipi 1:27 - Kaa n Kəzə̀ n fəghə mə

²⁷ Abə i loʼ kə ngee, ghaa khə ni muu muu i ghaa zə tə̀ tûm i dzuŋu zə kùm Klisto diinə. I loʼ sey nə̀ abə n bənə n sə̀ə ghaa nkee n ka bə koʼ ghaa, nə̀ n zow kə ghaa nə kətuŋŋə, mə i khə nə̀ ghaa dzəŋi tey n fə̀ŋ imɔʼ, dzəŋi təmə tsam ə tûm i dzuŋu zə nə kəfə kəmɔʼ, ni ghəŋə nə̀ ghə̂ a keeli bəghəm i fə̀ŋ tə tûm i dzuŋu i diinə.

Filipi 1:27 Mawu Ofanana

Matyo 12:25

Yeso n khə ghə zey ghə moʼlənə n fə̀ŋ tə ghə, sey, tə n dza tə̀ ghə nə̀, “Naʼ zey i dzawwə doʼonə, təmə baalə tsam n wû u wi, i nə sàʼànu. Naʼ i loʼ i way nkee ndaw i loʼ zə, i bəghəm dzəŋi way n wû i ghə, ghə tsuu bwuu way.

Kəfwaʼ 2:46

Ghə n təmə dzəŋi tsuʼu n dzəm n ndaw Kəzə̀ i nii zə, ghə n bweyyə kaabə ndaw tə ndaw, zəə dzəŋi nə iduʼlə nsə n fə̀ŋ tə dzuŋu tə, zəə soʼo baa K-a-zə̀.

Kəfwaʼ 24:24

Ambə tsuʼu n loʼ n tsəghə tsu, Feliks n ndow shi tsu bə ghi wey wi tɔŋɔ Drusila. Drusila â loʼ zən ə Juu. Tə n dza tsu nə ghə ney bə Pɔl. Ambə ghə ney bənə wi, ghə n tɔʼ zəllə nghee tə tiilə dzanə jìi zey ghə̂ a loʼ ni keeli bəghəm i fə̀ŋ tii n kow Yeso Klisto.

Kəfwaʼ 4:32

Dzûmə tə Yeso tədzəm tə â loʼ nə kəfə kəmɔʼ n moʼlə tə ghə tədzəm nsə n fə̀ŋ tə ghə tədzəm. Wù ghə umɔʼ n ney way fə kə wi kə tə a loʼ fə kə wi kə ngəŋ kə, ghə â fəd dzəŋi khə fə u ghə udzəm.

Roma 1:16

N dədlə way n tow kə ni naʼa tûm i dzuŋu zə, n təŋkey, tûm i dzuŋu zən loʼ daʼa K-a-zə̀ kən kə bəghəshiənə ghə̂ ghey adzəm ghə bəghəmnə tə Klisto. Tûm tii zey tsu dzə n kow ghə̂ a Təjuu ghə tə̀ ghii zə ni ndow tə̀ ghə̂ ghən ghə way ghə̂ a Təjuu ghə.

Roma 1:5

À loʼ bòʼ wi, Zə̀ kə diinə mə n ndzuŋ ə wi, sày naŋa kɔʼ mə nə̀ n doʼo ngəd ə wi, sey nə̀, mə i loʼ ni ghəŋə nə̀ aghə̂ adzəm n naʼa tə mbi tədzəm, a bəghəm tə wi, ghə i zow soʼo tə wi.

Roma 1:9

Zə̀ kən n fwaʼanə tə wi n fə̀ŋ zuŋ idzəm ni naʼlə tûm i dzuŋu zə bòʼ Waa wi Yeso, loʼnu ni təmi tiilə nə̀ n moʼlə tsənu ghaa nəŋə tədzəm.

Roma 10:8

Isəŋə zey i kee loʼnə n màʼlə K-a-zə̀ loʼ nə̀, “Tûm i dzuŋu i kuʼlə loʼ kə n səə ghaa. Tûm tii loʼ n dzuu a ghaa, loʼ soʼo n fə̀ŋ tə ghaa. Tûm tii bɔɔmə loʼ soʼo tûm zey ghey naʼlənə nə̀ ghə̂ bəghəm tə̀ Klisto.”

Roma 15:16

Zə̀ kə n fuu mə n ndzuŋ nə̀ mə i loʼ wù kəfwaʼ ə Yeso Klisto tə ghə̂ ghən ghə way ghə̂ a Təjuu ghə. N fwaʼa tə a loʼ fɔɔngili ni naʼlə tûm i dzuŋu zən Zə̀ kə fuu bənə ni ghəŋə nə̀ ghə̂ ghən ghə way ghə̂ a Təjuu ghə, a doʼo bə maʼlə wən Zə̀ kə bəghəmnə, nə̀ a ghə sow naŋa kɔʼ Zay kə Zow kə tə̀ wi.

Roma 15:29

N khənu nə̀ abə mə i bənə, Klisto i buulənu saa naʼ idzəm abə mə i naʼlənə tûm i dzuŋu zə ghi ghaa.

1 Kɔrint 1:10

Waazə ghə, n buʼu bə kəwɔɔ tə̀ ghaa n zəd i Mûkəbii saa Yeso Klisto nə̀ ghaa adzəm, ghaa i loʼ n dzə̂ imɔʼ, kə̂ ghaa nə dzawwə doʼo soʼonə n wû i ghaa. Ghaa khə ni fəd loʼ nə kəfə kəmɔʼ n fə̀ŋ tə ghaa tədzəm nsə n moʼlə tə ghaa tədzəm.

1 Kɔrint 15:58

Sey, waazə ghuŋ a dzuŋu ghə, təmi taw tsu na n bəghəm i fə̀ŋ i ghaa, kə̂ fə̂ kə loʼ kə nə̂ soʼlənə ghaa. Fuu nyi ndòw na wû i ghaa zə n fwaʼ kə Mûkəbii, n təŋkey ghaa khənu nə̀ fwaʼ kən ghaa fwaʼanə tə̀ wi way dzə kənunu.

2 Kɔrint 13:11

Nyisa waazə ghuŋ a dzuŋu ghə, ghaa doʼo kədzuŋ! Dəm tsu na ni ghəŋə ghəə ghey a loʼnə tsətsəghə. Ghaa i naŋŋə tsə̀ zuŋ zə, zowkeeli tsuu na wû i ghaa zə, ghaa i muu ni ibuulə. N gɔŋŋə nə̀ Zə̀ kən kə fuunə ləghə zə nsə buulə zə i loʼ ghi ghaa.

2 Kɔrint 4:4

Nghee tə̀ ghə̂ ghən ka bəghəm tə̀ Zə̀ kə, zə̀ kə mbi kən tɔŋŋə Satan n ghəŋə naŋa ləm kə n fə̀ŋ tə ghə, sey nə̀ kə ghə nə koʼonə tsə u tûm i dzuŋu wey u dii bənə kɔʼlə n Klisto wən tə loʼnə tə̀ a loʼ Kəzə̀.

2 Kɔrint 9:13

Fwaʼ kə ghaa kən i ghəŋŋə nə̀ ndəm aghə̂ i fuu kɔʼləmə tə Zə̀ kə. Ghə i fuu nkɔʼlə tə̀ Zə̀ kə n təŋkey nghee ghaa buunə n wɔɔ kə ni gaamə ghə nsə dzûmə tə Klisto tə tədzəm dii bənu nə̀ ghaa dzûmənu tûm i dzuŋu zə bòʼ Klisto.

Galeshia 1:7

Isəŋə loʼ nə̀, tûm i dzuŋu i nuu i kəm way dzə. I dii bə nə ghə̂ a loʼ a loʼnu ghə fwɔdlənə ghaa, ləghə ni kwey tûm i dzuŋu zə kùm Klisto.

Efesus 1:13

Ghaa â zow soʼonu isəŋə, tɔŋŋə tûm i dzuŋu zən i fuunə ghaa n bəghəshi zə. Ambə ghaa bəghəmnə tə̀ Klisto, Zə̀ kə n fuu ghaa n tsəə zey tə â təb naŋanə, tɔŋŋə Zay kə Zow kə, ni dii nə̀ ghaa loʼ ghə̂ a wi.

Efesus 1:15

Ni ney nuu bə n nəŋə zey mə â zownə nə̀ ghaa n bəghəm tə̀ Mûkəbii Yeso, zow soʼo ləghə zey ghaa khənə n kow ghə̂ a Kəzə̀ ghə,

Efesus 4:1

Mə wən n loʼnə wù ndaw tsaʼ boʼnə n fwaʼa tə̀ Mûkəbii, n buʼu bə kəwɔɔ tə̀ ghaa nə̀ ghaa i muu muu zey i kpiilənə tə̀ ghə̂ ghey Zə̀ kə sàynə ghə.

Filipi 1:5

N fuu zɔŋŋə K-a-zə̀ nghee ghaa â gaamənə mə ni ghəŋə nə̀ n naʼa tûm Kəzə̀, ni ney nuu tsu n tsuʼ fey ghaa â bəghəm tûm i dzuŋu zə, bə kùm bə nya.

Filipi 2:12

Waazə ghuŋ a dzuŋu ghə, nghee tə̀ ghaa naŋŋə tsənə laŋ u Kəzə̀ wən mə â diinə ghaa tii n nəŋə zey saa â nam dzəŋi loʼ tsənə. Sey nya, abə n loʼ ghi ghaa nkee n way, dzɔb loʼ nə̀, ghaa ndow kə n sə kə ni naŋŋə laŋ u tii wə. Ghaa khə ni fwaʼa kɔʼɔ ndow n tsəŋ i Kəzə̀ n jìi zey ghaa loʼ ni keeli ibəghəshi tii.

Filipi 2:24

N khə bəghəm i fə̀ŋ nə̀ abə Mûkəbii bəghənə, mə î kuʼlə bəghə koʼonu ghaa n wû wuŋ wə.

Filipi 3:18

Mə n dza tə ghaa n ndəmə tənəŋə, mə u nam dza kuulə bə tə̀ ghaa nya n sə̂ mə idey nə̀ ghə̂ a loʼ a muu ndzoʼo muu zey i diinə nə̀ ghə bəghəm way nə̀ Yeso Klisto â kpu n zat kə fəkaʼ.

Filipi 3:20

Abə ghey, naʼ i ghey i loʼ idəŋ, ghey fa ləmmə bəghəshi ə ghey, tə î nuu tsuu bənə fu, tɔŋɔ Mûkəbii Yeso Klisto.

Filipi 4:1

Sey, waazə ghuŋ ghən n ngii ləghənə, mbuŋŋə kìi soʼo ni koʼ. Ghaa loʼ fə key kə fuunə mə n duʼlə zə, ghaa u loʼ soʼo fə key Zə̀ kə naamənə mə tii n fwaʼ kuŋ. Sey waazə ghuŋ a dzuŋu ghə, təmi taw tsu kə na n doʼo i ghaa ghi Mûkəbii.

Kolose 1:10

Abə i loʼnə sey, saa i loʼ ni muu ndzoʼo muu zey Mûkəbii ləghənə, ghəŋŋə ndow ghəə ghey a dzɔbənə n sə kə wi nəŋə tədzəm. Ghaa i nyîmmə n ghəə a dzuŋu ghən ghaa ghəŋŋə, nyîmmə soʼo n jìi zey ghaa zowkeelinə Zə̀ kə a tii.

Kolose 1:4

Ghey fuu kəzɔŋŋə tə Zə̀ kə n təŋkey, ghey n zow bəghəm i fə̀ŋ i ghaa zə n kow Yeso Klisto nsə nə ghaa khə iləghə tə ghə̂ a Kəzə̀ ghə adzəm.

1 Tesalonika 3:6

Nyisa Timoti n dzəŋŋə bə n səə ghey n ghəə a dzuŋu ghə, ghey ngii duʼlə nghee tə tiilə dza bənə jìi zey ghaa bəghəmnə tii tə̀ Klisto nsə ləghə zey ghaa khənə n wû i ghaa. Tə n dza bə soʼo tə̀ ghey nə̀ ghaa moʼlənu ghey nəŋə tədzəm, ndzəmə mbuŋŋə ni koʼ ghey ighələ tə ghey mbuŋŋə soʼonə ni koʼ ghaa.

1 Tesalonika 4:1

Ni ndow n sə kə waazə ghə, ghey mâ ghaa dəŋ kɔʼ bə n jìi zey ghaa khə ni muu tə̀ i kpiilənə tə̀ Zə̀ kə. Mə u ndzəm khə soʼo nə̀ a wey loʼ nghee ghaa muunə tii. Ghey nay fa buʼu bə ghaa n wɔ̀ kə n zəd i Mûkəbii Yeso nə ghaa ndow kə n sə kə n mwam u tii wə.

1 Timoti 1:11

Dii zən bəghəm dzəŋi ghi tûm i dzuŋu zən Zə̀ kə â fuu naŋa tə mə nə̀ n naʼa. À wən loʼ tûm i dzuŋu zən, i nuu bənə n wɔ Zə̀ kən kə khənə daʼa kə, ghə̂ fuunə wi n kɔʼləmə.

1 Timoti 1:19

Tɔʼɔ təmi taw tsu kə n bəghəm i fə̀ŋ zey wə khənə n kow Klisto, wə i khə soʼo fə̀ŋ i zow zə. Ghə̂ a loʼnu nə̀ ghə n ndzəm tuu ni keeli fə̀ŋ tə zow tə, sey, ghə a bəəbə maʼa kɔʼ bəghəm i fə̀ŋ i ghə zə.

2 Timoti 4:7

Mə n təm zə̂ ngəd kuŋ kə, mə u nyəŋ ndow kuum n luʼu key ghə ndow kuumnə tii nə n ka bwu n bəghəm i fə̀ŋ zuŋ.

Taytus 2:10

Kə ghə nə tsɔŋɔnə n wɔ ghə mûkəbii a ghə ghə. Ghə fəd khə ni dii ndow tə̀ ghə mûkəbii a ghə ghə nə̀ ghə khə mwam u dzuŋu wə nəŋə tədzəm n jìi zey ghə loʼ ni gaʼ fə̀ŋ n kow ghə. Ghə keeli tsu ndzoʼo mwam wən ni ghəŋə nə̀ ghə̂ ghə i koʼo bə nə̀ ghəə ghey adzəm ghə zoʼlənə bòʼ Zə̀ kən kə loʼnə bəghəshi ə saa, a ndzəmə dzɔbənu.

Filemun 1:5

N fuu kəzɔŋŋə n təŋkey mə n zow ndzoʼo ləghə zey wə khənə n kow ghə̂ a Kəzə̀ ghə adzəm nsə bəghəm i fə̀ŋ zey wə khənə n kow Mûkəbii Yeso.

Jems 3:18

À wey loʼ ghə i tii zə ghəə a dzuŋu a shiənə, n təŋkey ghə̂ ghey ghə khənə fə̀ŋ tə dzuŋu tə, ghəŋŋə ndow ghəə a dzuŋu ghə nə̀ ghə̂ ghə i muu nə ibuulə.

2 Pita 3:11

Nghee i loʼ nə̀ Zə̀ kə i ləŋi maʼa fə wən udzəm n jìi i zən, i sey dii nə̀ ghaa khə ni muu ndzoʼo muu i ghaa zə ə? Ghaa khə ni muu muu i zow zə, ngɔɔmə soʼo Kəzə̀ nəŋə tədzəm,

2 Pita 3:14

Sey, fə ghuŋ a dzuŋu ghə, nghee ghaa ləmmənə tsuʼ fən, dəmə tən tsu n na ni koʼ nə̀ ghaa i zow, khə soʼo way bwu i loʼ zə n sə K-a-zə̀, loʼ soʼo nə ibuulə ghi wi.

Màʼlə kə Jud tə̀ ghə̂ a Kəzə̀ ghə 1:3

Fə ghuŋ a dzuŋu ghə, nghee mə â tsəm ngii khə kənə zày ni tɔ̀ɔ bə tə ghaa nghee Zə̀ kə i dzəŋi bəghəshiənə saa adzəm tii, mə n koʼ tsu nə̀, i dzɔbənu tə mə ni tɔ̀ɔ bə tə ghaa, n dza bə tə̀ ghaa nə̀ ghaa təmi taw tsu n bəghəm i fə̀ŋ zən Zə̀ kə â fuu naŋanə tə ghə̂ a wi a zow ghə adzəm, ney nuu kəwɔɔ.