Filipi 1:25 - Kaa n Kəzə̀ n fəghə mə

²⁵ Nghee tə̀ i loʼnə sey, n khənu nə̀ mə î doʼlənu ghi ghaa, mə i muu ghi ghaa adzəm, tə̀ ghaa loʼ ni nyim n bəghəm i fə̀ŋ zey ghaa khənə, ghaa ndəŋ keeli soʼo iduʼlə n fə̀ŋ tə ghaa.

Filipi 1:25 Mawu Ofanana

Lukas 22:32

“À kee lòʼnə mə̀ n gɔŋŋə tə wɔ a Shimun, nə khə bəghəm i fə̀ŋ zə i nə buu doʼonə, abə wə̀ i təmi dzəŋŋə bənə, wə̀ i gàamə̀ soʼo waazə ghə.”

Kəfwaʼ 11:23

Ambə tə ndow nyi ndow nə̀, koʼ tsu ghəə a dzuŋu ghən Zə̀ kə ghəŋənə tə ghə, tə n duʼlə naʼ idzəm, kuu ndow fə̀ŋ tə ghə nə ghə təmi taw tsu kə ghi Mûkəbii n fə̀ŋ tə ghə tə tədzəm.

Kəfwaʼ 14:22

Ghə n təm tawwə dzûmə tə Klisto tey fu, kuu fə̀ŋ tə ghə nə̀ ghə təmi taw tsu n bəghəm i fə̀ŋ i ghə, dza tə ghə nə̀, “Saa khə ni teeli zow ngoʼ tə̀ saa ni nyi n fɔɔ u Kəzə̀.”

Kəfwaʼ 20:25

Nya, n khənu nə wù loʼ way dzə n fəŋŋə kə ghaa ghən n loʼ nə̀ mə n naʼa ghəə a fɔɔ u Kəzə̀ tə i kəm koʼonə mə.

Roma 15:13

N gɔŋŋə nə̀ Zə̀ kən kə ghəŋŋənə nə̀ ghaa i ləmmə fə key tə â təb naŋanə tə ghaa, kə fuu ghaa n duʼlə zə nsə buulə zə nghee ghaa gaʼnə fə̀ŋ n kow wi, sey nə̀, n daʼa kə Zay kə Zow kə, ghaa i laalə kɔʼɔ ndow tə wi n fə̀ŋ tə ghaa tə tədzəm.

Roma 15:18

N ndɔm way ni kɔʼlə uwû n ghə i loʼ zə tsəghəshiə way ghəə ghey Klisto ghəŋənə nə̀ n ghəŋə. Tə ghəŋə nə̀ ghə̂ ghən ghə way ghə̂ a Təjuu ghə i zow tə Zə̀ kə n tûm i dzuŋu zən n naʼlənə tə ghə nsə ghəə ghey n ghəŋŋənə n fəŋŋə kə ghə.

Roma 15:29

N khənu nə̀ abə mə i bənə, Klisto i buulənu saa naʼ idzəm abə mə i naʼlənə tûm i dzuŋu zə ghi ghaa.

Roma 5:2

À loʼ bəghəm i fə̀ŋ zən saa khənə n kow Yeso Klisto, i ghəŋənə nə̀ saa keeli ndzuŋ ə Kəzə̀ zən saa muunə tii nya. Saa khə ni duʼlə n təŋkey saa ləmmə tənə nəŋə zey saa i loʼnə ghi Zə̀ kə, tə i ghəŋə nə̀ saa keeli soʼo kɔʼlə mən tə khənə.

2 Kɔrint 1:24

Ghey ləghə dzə way ni tə̀mmə ghaa nə̀ ghaa bəghəm ghəə zey ghey dzanə, n təŋkey ghey khənu nə̀ ghaa tey tawnu n bəghəm i fə̀ŋ i ghaa. Ghey maŋ loʼ ghə̂ a kəfwaʼ, ghey fwaʼa dzəŋinə ghi ghaa nə̀ ghaa i loʼ nə iduʼlə.

Filipi 1:24

A kee loʼ nə̀ ghəə zey i baa kpiinə, a loʼ tə vən fə uwû fuŋ fə doʼo utaw fa n mbi n tow u ghaa.

Filipi 2:24

N khə bəghəm i fə̀ŋ nə̀ abə Mûkəbii bəghənə, mə î kuʼlə bəghə koʼonu ghaa n wû wuŋ wə.

Filemun 1:22

Ghəə i loʼ i loʼ kpiʼinu, bayyə naŋa tsu mə n dzuu i ndaw zə, n təŋkey, n khə tənnu nə̀ Zə̀ kə i kuʼlə zownu gɔŋŋə tə ghaa tə, tə ney dzəŋŋə bə mə tə ghaa.

1 Pita 1:8

Nghee ghaa loʼ kə nə̀ ghaa ka kam buʼ koʼ wi, ghaa a nam ləghə wi. Nghee ghaa koʼo kə way wi ghaa a nam bəghəm fuu kə tə wi, ghaa a khə soʼo duʼlə i nii zə n jìi zey wù way ni buʼ tiilə dza.