Filipi 1:23 - Kaa n Kəzə̀ n fəghə mə

²³ N maŋ loʼ n fə̀ŋ ə ghəə ghən abəghə. N ləghənu ni zəghə mbi zən N ndòw doʼo ghi Klisto, n təŋkey, a dzɔb tsəghə i tii zə.

Filipi 1:23 Mawu Ofanana

Lukas 12:50

A loʼ kə nə̀, N nam khə ndəm uchɔd ni koʼ isə tə̀ wù nə ney mmuu n Kəzə̀ mə n dzuu. Mə i sa loʼ kə nə imôw ni ndòw kùm n nəŋə zey zə maynə tii.

Lukas 23:43

Yeso n dza ndòw tə̀ wi nə̀, “N dza bə isəŋə tə̀ wɔ nə tsuʼ fə na fən wə i loʼ ghi mə idəŋ.”

Lukas 8:38

Wù wey Yeso â dzùm shinə zay u bwu wey n kow wi n kee buʼ kəwɔɔ tə̀ Yeso nə i dzûmə bə wi. Yeso n fəd dzùm dzəŋŋə ndòw wi ibàm dza,

Tùm i dzuŋu zə kuum Yeso Klisto tə Jɔn â tɔɔnə 12:26

Wù wey tə ləghənə ni doʼo wù kəfwaʼ wuŋ, khə ni dzûmə mə, nə luʼu key n loʼnə tii, wù kəfwaʼ wuŋ i loʼ sòʼo fu. Abə wù fwaʼanə tə̀ mə, Bày wuŋ n ngɔɔmə wù tii.”

Tùm i dzuŋu zə kuum Yeso Klisto tə Jɔn â tɔɔnə 13:1

N tsuʼ fey Zə̂ kə taa zaʼa kə bwu bweelinə tii, Yeso n khə zey nə̀ nəŋə zə n kpii tə̀ wi ni zəghə maʼa mbi zən, tə ndow dzəŋŋə n səə Bày. Yeso â ngii ləghə ghə̂ ghən tə â loʼnə ghi ghə fa n mbi, tə n dii may tsu ləghə i wi tə̀ ghə ni ndow kùm n tsuʼ fey tə khə ni zəghə ghə.

Tùm i dzuŋu zə kuum Yeso Klisto tə Jɔn â tɔɔnə 14:3

Abə n ndòw faalə naŋa tsunə luʼu tə tə̀ ghaa, mə i kəm bə dzəŋŋə, n bə ney ghaa tə̀ saa i loʼ adzəm, sey nə̀, luʼu key n loʼnə tii, ghaa i loʼ soʼo fu ghi mə.

Tùm i dzuŋu zə kuum Yeso Klisto tə Jɔn â tɔɔnə 17:24

Bày, n ləghə nə̀ ghə̂ ghey wə â fuu tə̀ mə, ghə i loʼ ghi mə n luʼu key n loʼnə tii, tə̀ ghə loʼ ni mbɔŋ koʼ kɔʼlə muŋ, kɔʼlə mey wə â fuu tə̀ mə bòʼ ləghə zey wə khə n kow mə tə̀ mbi ni bə kaʼ.

Kəfwaʼ 7:59

Nghee tə ghə təmmə nə wi sey, Sətifən n zey ndow ni gɔŋŋə dzanə, “Mûkəbii Yeso, ney zay kuŋ kə.”

2 Kɔrint 5:8

Ghey tɔʼ khənu, buʼu ləghə soʼo ni zəghə maʼa vən fə uwû fən, tə̀ ghey doʼo ndòw ghi Mûkəbii.

2 Kɔrint 6:12

Ghey ləghə ghaa n fə̀ŋ tə ghey tə tədzəm, a fəd loʼ ghaa, ghaa dii may bə way ləghə i ghaa zə tə̀ ghey.

Filipi 1:24

A kee loʼ nə̀ ghəə zey i baa kpiinə, a loʼ tə vən fə uwû fuŋ fə doʼo utaw fa n mbi n tow u ghaa.

1 Tesalonika 2:1

Waazə ghə, ghaa khənu nə̀ nghee ghey â bweyyə bənə fey n səə ghaa, zə â ka maŋ tsəghə dzə̀ nə kənunu.

1 Tesalonika 2:13

À wey loʼ ghə i tii zə ghey fuu zeelinə zɔŋŋə kə tə̀ Zə̀ kə n təŋkey ghɔɔmə i wi zən ghaa â zownə n wɔ̂ ghey, ghaa n bəghəm kɔʼ, ghaa â bəghəm naŋa koʼ nə̀ a loʼ ghɔɔmə i Kəzə̀, a way dzə ghɔɔmə i wù sɔŋtsuʼ. À ndzəm loʼ ghɔɔmə i Kəzə̀ n tənkey, ghɔɔmə i tii i fwaʼa n fə̀ŋ tə ghaa ghəŋŋə nə̀ bəghəm i fə̀ŋ i ghaa zə nyîmmə.

1 Tesalonika 4:17

Ghə̂ ghən ghə i loʼ utaw n nəŋə i tii zə i daŋŋə nuu təmdzəŋi ndow ghə nə təmbaʼ, ghə i dzəŋi kpiilə kɔʼ ndow ghi Mûkəbii idəŋ. Sey saa i doʼo tən ndow ghi Mûkəbii.

2 Timoti 4:6

A kee bə mə, mə n fuu wû wuŋ wə tə a loʼ umaʼlə tə Zə̀ kə. Nəŋə zə n shɔd tə mə ni zəghə mbi zən.

Chi dii 14:13

Sey, mə n zow dzə̀ i loʼ zə idəŋ i ghɔɔmə nə̀, “Tɔ̀ɔ naŋa tsu nə̀, ni ney nuu tsu nya, ndow n sə kə, Zə̀ kə i buulə ghə̂ ghən ghə kpunə nə̀ ghə fwaʼa fwaʼ kə Mûkəbii!” Zay kə Zow kə dza nə̀, “Ndzəm ndzəm, ghə i keelinu zayyə zə n fwaʼ kə taw kən ghə fwaʼanə, n təŋkey, ghəə a dzuŋu ghey ghə ghəŋŋənə dii bə fə key ghə loʼnə ghii kə.”