Filipi 1:12 - Kaa n Kəzə̀ n fəghə mə

¹² Waazə ghuŋ ghə, n ləghə nə̀ ghaa keeli tsu nə̀ ghəə ghən a shiənə n kôw mə, a ndzəmə gaamə ni ghəŋə nə̀ tûm i dzuŋu zən zaamə tə ndəm aghə̂.

Filipi 1:12 Mawu Ofanana

Lukas 21:13

À nə lòʼ kəbùʼ tə ghaa ni təmi tiilə n tûm i dzuŋu zə.

Kəfwaʼ 8:4

Sey, dzûmə tə Klisto tən ghə â saŋŋə maʼanə, n bwey kaabə ndow luʼu tədzəm, naʼlə ndow tûm i dzuŋu zə.

Roma 8:28

Saa khənu nə̀, Zə̀ kə ghəŋŋə nə̀ ghəə ghey adzəm a shiənə, a fwaʼ n ndzuŋ ə ghə̂ ghey ghə ləghənə wi. À wən loʼ saa ghən Zə̀ kə â tɔŋɔnə nə̀ saa ghəŋə ghəə ghey tə â bayyə naŋanə nə saa ghəŋə.

Roma 8:37

Saa tsəmə təmə zəənu ghəə ghən adzəm n təŋkey à saa gaamə Klisto wən tə ləghənə saa.

Filipi 1:5

N fuu zɔŋŋə K-a-zə̀ nghee ghaa â gaamənə mə ni ghəŋə nə̀ n naʼa tûm Kəzə̀, ni ney nuu tsu n tsuʼ fey ghaa â bəghəm tûm i dzuŋu zə, bə kùm bə nya.

Filipi 1:7

À loʼnu ghə i dzuŋu zə tə̀ mə̀ ni moʼlə ghaa n ndzoʼo jii zən, boʼnə n khə ghaa n fə̀ŋ i dzuŋu zə̀. Abə n loʼ kə n ndaw tsaʼ nkee n təmənə tsam, təmi tiilə kùm tûm i dzuŋu zə̀, ghaa loʼ dzəŋi ghi mə̀ nə kəfə kəmɔʼ n ndzuŋ ə Kəzə̀ zən tə funə tə̀ mə.

Filipi 2:22

A kee bə Timoti, ghaa khənu nə̀ tə n dii fwaʼ kə wi kə, tə n fwaʼ ghi mə tə̀ waa nə̂ fwaʼanə ghi bày ni naʼa tûm i dzuŋu zən.

Filipi 4:15

Ghaa ghə̂ a Filipi ghə, ghaa ndzəm khənu nə̀ n nəŋə zey ghaa â kaʼ tsu ghɔɔmə i Kəzə̀ zən nə̀ n nuu bə n naʼ i Masedonya, Ndaw Kəzə̀ i loʼ i way dzə zə â gaamənə mə tsəghəshi ghaa fa n Filipi.

Filipi 4:3

N dza bə soʼo tə wɔ fə wuŋ wən ghi wɔ dzəŋi fwaʼa dzɔbə kɔʼɔ bə nə̀ wə gaamə gheyzən ghən, n təŋkey, ghə mâ ndzəm fwaʼ ghi mə ni naʼa tûm i dzuŋu zə. Ghə â loʼ ghi Klemen nsə ghə̂ a loʼ ghey ghə â fwaʼa dzəŋinə ghi mə. Zəd a ghə a tɔ̀ɔ doʼo n màʼlə K-a-zə̀ key tə tɔ̀ɔ naŋŋənə zəd a ghə̂ ghey ghə î zəənə muu zə itsali zə.

1 Timoti 2:8

N ləghə nə̀ gheynum ghə i gɔŋŋə n luʼu tey tədzəm ghə dzəŋi zuŋŋə doʼonə tii. Gheynum ghey ghə fuu dzənə muu i ghə zə tə Zə̀ kə, ghə i keeli kɔʼɔ wɔɔ a ghə idəŋ abə ghə gɔŋŋənə nə̀ ghə fəələ way nəghə mə nkee nə̀ baŋŋə way fəghəm tə.

2 Timoti 2:9

N fa fəʼlənu, ghə u kùm naŋa daŋŋə mə nə tətsaʼ tə a loʼ wù tsɔŋɔ n təŋkey n naʼlə tûm i dzuŋu zən. Ghə i dzuŋu i loʼ kə nə̀ ghə way ni kùm naŋa dzə ghɔɔmə i Kəzə̀ nə tətsaʼ.

2 Timoti 4:17

A kee loʼ nə̀ Mûkəbii â loʼ ghi mə, tə n fuu mə n daʼa kə nə̀ mə i loʼ ni naʼa may tûm i dzuŋu zə tə ghə̂ ghən adzəm ghə way ghə̂ a Təjuu ghə. Zə̀ kə sey bəghəshinu mə n wɔɔ kə ivə.