Filipi 1:10 - Kaa n Kəzə̀ n fəghə mə

¹⁰ sey nə̀ ghaa i loʼ ni sày ghəə ghey a kpiilənə ni ghəŋə, nə̀ abə n tsuʼ fey Yeso Klisto î bənə tii ghaa i zow, khə way bwu i loʼ zə.

Filipi 1:10 Mawu Ofanana

Matyo 16:23

Yeso n khə̂mə tsəghə bə, dza tə̀ Pita nə̀, “Nuu n baa mə, Satan! Wə təʼlə maʼa mə n təŋkey, wə moʼlə dzə way ghəə ghey Zə̀ kə moʼlənə, wə fədlə moʼlə ndòw kə ghəə ghey wù sɔŋtsuʼ moʼlənə.”

Matyo 26:33

Pita n dza ndòw tə̀ wi nə̀, “Abə ghə̂ adzəm a tsəm zəghə tsu kə wɔ, mə î zəghə koʼ way wɔ.”

Tùm i dzuŋu zə kuum Yeso Klisto tə Jɔn â tɔɔnə 1:47

Nghee tə̀ Yeso koʼ tsunə Natanyə tə bəghənə n səə wi, tə n dza nə̀, “À wən ndzəm loʼ wù Izree, tə badla koʼo tsə way ghəə ghə.”

Tùm i dzuŋu zə kuum Yeso Klisto tə Jɔn â tɔɔnə 3:20

I loʼ nə̀, ghə̂ ghey ghə ghəŋŋənə ghəə a bəbə ghə, ghə ləghə way daa kə, ghə i ləghə soʼo way ni bə n tənə kədaa, sey nə̀, kə̂ kə nə̂ chiə diinə ghəə a ghə a bəbə ghə.

Kəfwaʼ 24:16

À wən loʼ ghə i tii zə n dəmənə nə̀ fə̀ŋ zuŋ i zow n sə̂ K-a-zə̀ nsə n sə kə aghə̂.

Roma 12:2

Kə ghaa nə dzûmənə ghow kə ibwey kə ghə̂ a mbi ghən, fəd zəghə tsu n na nə̀ Zə̀ kə kweyyə kɔʼ fə̀ŋ tə ghaa. Abə ghaa ghəŋənə sey, ghaa i loʼ ni keeli ghəə zey Zə̀ kə ləghənə. Ghaa i khə ghəə zey i loʼnə ghə i dzuŋu zə tə Zə̀ kə, khə ghəə zey i loʼnə tsətsəghə, kpiilə soʼo tə̀ wi.

Roma 12:9

Ghaa khə ni ndzəmə dii ndow ləghə zə tə ghə̂ ghə. Ghaa khə ni taw ndow kə ni ghəŋŋə ghəə a dzuŋu ghə, kee baa ghəə a bəbə ghə.

Roma 16:17

Waazə ghuŋ ghə, n buʼu bə kəwɔɔ nə̀ ghaa ney ighə̂mə ghi ghə̂ ghən ghə ghəŋŋə nə̀ ghə̂ ghə i tsɔɔbə kaabə tow wə, fwɔdlɔ aghə̂ nə kə ghə nə təminə bəghəm i fə̀ŋ i ghə, dii soʼo aghə̂ n ghəə a nuu ghə nə̀ a way ghəə ghey ghə â dii ghaa tii. Kə ghaa nə təmə dzəŋinə ndzoʼo ghə̂ ghən.

Roma 2:18

Ghaa khənu ghəə zey Zə̀ kə ləghənə nə̀ ghaa ghəŋə, ghaa u khə soʼo ghəə zey i kpiilənə ni ghəŋə n təŋkey ghə n dii ghaa n laŋ kə Mushi kə.

Roma 7:16

Abə n ghəŋŋənə ghəə zey n khənə nə̀ i kpiilə way, i sey dii nə̀ n bəghəmnu nə̀ laŋ kə loʼ fə kə dzuŋu kə.

Roma 7:22

I sey diinə, N ləghənu laŋ kən Zə̀ kə fuu bənə n fə̀ŋ zuŋ idzəm.

Roma 8:7

I loʼ sey n təŋkey, ghə̂ ghey fə̀ŋ tə ghə tə loʼ tən kə n ghəə ghey gow uwû ləghənə, ghə loʼ tən tsə kə ghə̂ a təngəmə a Kəzə̀. Ghə naŋŋə way laŋ u Kəzə̀ wə. Ndzəm ndzəm, ghə naŋŋə way laŋ u tii wə abə ghə mə buʼu ləghə kə ni naŋa.

1 Kɔrint 1:8

Tə i keyyə ghaa nə̀ ghaa i taw n bəghəm i fə̀ŋ i ghaa ni ndòw kùm ndow, sey nə̀, ghaa i khə way bwu i loʼ zə n muu i ghaa n tsuʼ fey Mûkəbii saa Yeso Klisto i bəghə dzəŋŋənə tii.

1 Kɔrint 10:32

Kə ghaa nə ghəŋŋənə ghəə zey zə i fuunə chɔd wə tə̀ ghə̂ a Təjuu ghə, ghə̂ ghən ghə way ghə̂ a Təjuu ghə nkee tə̀ ghə̂ a Kəzə̀ ghə.

1 Kɔrint 8:13

Sey abə i loʼnə nə̀ fəzəə wən n zə̂ənə, ghəŋŋə nə̀ dzûmə Klisto u loʼ u bwu n ghəə a bəbə ghə, mə i kəm fə koʼ tsə way nyam tə̀ mbi nə bə may, sey nə̀ kə̂ n nə̂ ghəŋŋə nə̀ dzûmə Klisto u loʼ u nyi n ghəə a bəbə ghə.

2 Kɔrint 1:12

Fə̀ŋ tə ghey tə zownu, ghey u loʼnə ni kɔʼlə iwû nə̀ muu i ghey fa mbi â loʼ tsətsəghə loʼ soʼo nə̀ isəŋə. A wey bɔɔmə loʼ nghee ghey muunə ghi ghaa. Ghey ghəŋŋə dzə way ghəə ghə n tɔb u mbi, ghey ghəŋŋə aghəə adzəm n ndzuŋ zey Zə̀ kə diinə tə ghey.

2 Kɔrint 2:17

Ghey way dzə tə̀ a loʼ ndəmə ghə̂ a loʼ ghə, ghə ney kɔʼnə ghɔɔmə i Kəzə̀ zə ni kəŋ ukhəə tii. Ghey naʼlə ghɔɔmə i Kəzə̀ n fə̀ŋ tə zow tə tə̀ a loʼ ghə̂ a kəfwaʼ a Klisto, Zə̀ kə tûm bənə.

2 Kɔrint 6:3

Ghey təʼlə way wù loʼ, sey nə̀ kə̂ bəb i loʼ i nə doʼlənə n fwaʼ kə ghey.

2 Kɔrint 8:8

N dza dzə way ghəə ghən tə̀ n tsəʼlə bə kəlaŋ. N kee dii bə səŋ zey ghə̂ a loʼ a kuunə n fwaʼ kə ghə ni koʼ nə̀ ləghə i ghaa i kuum loʼnu isəŋə.

Galeshia 5:11

Waazə ghə, abə a mə loʼ nə n nam naʼlə kə nə̀ gheynum a khə ni teeli səghə tyi u ghə tə̀ laŋ kə dii nə̀, tə ghə̂ a Təjuu a mə chɔdlɔ way mə. À sə fa loʼ kə nə̀ n naʼlə tûm bòʼ və zən Yeso â kpunə tii n zat kə fəkaʼ, à wey loʼ i ghi ghə chɔdlɔnə mə.

Efesus 4:15

Saa khə ni fədlə ghɔɔmə kə isəŋə, khə iləghə n wû i saa sey nə̀ saa loʼ ni nyim doʼo bə tə̀ a loʼ Klisto, tə loʼnə tow kə saa kə.

Efesus 5:10

Sey, ghaa ndəmi tsu iwû ni kəŋ shi kɔʼ ghəə ghey a dzɔbənə tə̀ Mûkəbii, ghəŋŋə ndow ghəə a tii ghə.

Efesus 5:27

Sey nə, ndaw Kəzə̀ i loʼ n sə kə wi nə̀ i nyiələ dzɔbə, khə way dzə u loʼ wə, njuʼlə way soʼo. Zə i loʼ nə̀ zow dzɔbənu khə soʼo way bəb i loʼ zə.

Efesus 6:24

N gɔŋŋə nə̀ ndzuŋ ə Kəzə̀ i loʼ ghi ghə̂ ghən adzəm ghə ləghənə Mûkəbii ə saa Yeso Klisto n fə̀ŋ tə ghə tə tədzəm.

Filipi 1:16

A ghən ghə naʼlə tûm n fə̀ŋ tə dzuŋu tə, ghə ghəŋŋə sey təŋkey ghə ləghə mə. Ghə khənu nə Zə̀ kə naŋa mə fa nə̀ n təm tsam ə tûm i dzuŋu zə.

Filipi 1:6

N khə soʼonu nə̀ Zə̀ kən kə â zey tsu fwaʼ kə dzuŋu kən n kôw ghaa, i tsəghə ndow kə n ghii kə isə, ni ndow kùm tsuʼ fey kə i maynə tii, tɔŋɔ, n tsuʼ fey Yeso Klisto î bəghə dzəŋŋənə tii.

Filipi 2:16

Kwu keeli taw tsu na ghɔɔmə i Kəzə̀ zən i fuunə muu zə itsali zə, sey nə̀ n tsuʼ fey Klisto î bəghənə tii, mə̀ i ghaŋŋə wû wə nə̀ fwaʼ kən mə fwaʼ ngəə tsəghə bənə, mə â ka fwaʼ maʼa dzə nə kənunu.

1 Tesalonika 3:13

Ghey gɔŋŋə nə̀ abə ghaa i ghəŋənə ghəə ghən Zə̀ kə təm tawwə fə̀ŋ tə ghaa, tə ghəŋə nə̀ ghaa i loʼ tsətsəghə. Tə i ghəŋə soʼo nə̀ ghaa i loʼ tsətsəghə sə kə wi tə loʼnə Bày saa n nəŋə zey Mûkəbii saa Yeso i bə dzəŋŋənə ghi ghə̂ a wi ghən ghə khə way bəb i loʼ zə.

1 Tesalonika 5:21

Ghaa i tɔʼɔ laalə tsuu ghəə ghə adzəm, ghəŋŋə ndow a ghey a dzɔbənə.

1 Tesalonika 5:23

Ghey gɔŋŋə nə̀ Zə̀ kən kə ghəŋŋənə nə̀ fə̀ŋ tə ghaa tə i loʼ nə ibuulə, n wû u wi kə bə ghəŋə nə̀ ghaa i zow n muu i ghaa. Ghey gɔŋŋə nə̀ ghəə adzəm ghaa ghəŋŋənə, ghəə ghey ghaa ləghənə nsə ghəə ghey ghaa moʼlənə i khə way bwu i loʼ zə abə Mûkəbii saa Yeso Klisto i bə dzəŋŋənə.

1 Jɔn 4:1

Fə̂ ghuŋ a dzuŋu ghə, i kə ghaa nə tsəmə bəghəm fuunə tə̀ ghə̂ ghən ghə dza bənə tə ghaa nə̀ ghə ghɔɔmə n daʼa kə Zay kə Zow kə. Ghaa i mɔm koʼo tsu dzə isə nə̀ zay kə tii kə nuu bə n wɔ Zə̀ kə, boʼnə tûm tə Kəzə̀ tə tsɔŋɔ tə kəmənu fa n mbi.

Chi dii 2:2

n khə maynu ghəə ghey wə loʼ nə̀ wə n ghəŋə. N khənu nghee tə wə kuunə səŋ zə a tii ni fwaʼ nsə nghee wə kownə fə̀ŋ tii. N khənu nə̀ wə way ni bəghəm naŋa ghə̂ ghey ghə ghəŋŋənə ghəə a bəbə ghə. N khə soʼonu nə̀ wə n mɔm koʼ ghə̂ ghən ghə tɔŋŋə wû i ghə zə nə̀ à loʼ ngəd tə Yeso loʼ sey nə̀ ghə way dzə, wə u keeli tsu nə̀ ghə loʼ ghə̂ a badla ghə aghəə ghə.