Filemun 1:7 - Kaa n Kəzə̀ n fəghə mə

⁷ N waazə, n ngii duʼlənu, fə̀ŋ zuŋ u zow soʼo n ndzoʼo ləghə zey wə diinə tə ghə̂ a Kəzə̀ ghə. Ləghə zey wə diinə n kuu fə̀ŋ tə ghə̂ a Kəzə̀ ghə adzəm.

Filemun 1:7 Mawu Ofanana

1 Kɔrint 16:18

Ghə n kuu soʼo fə̀ŋ zuŋ ighələ tə̀ ghə kuunə fə̀ŋ tə ghaa tə. I ndzəm kpiinu ni fuu ndzoʼo ghə̂ ghən n kɔʼləmə.

2 Kɔrint 7:13

Sey, a wən loʼ fə key kə tsəmmənə ghey n fə̀ŋ. Ghəə zey zə â kuu soʼonə fə̀ŋ tə ghey tə â loʼ nə̀, Taytus â ngii duʼlənu n jìi zey ghaa â kpii neynə wi tii, sey ghaa n ghəŋə nə̀ fə̀ŋ ə wi tsu kay tsu.

2 Kɔrint 7:4

N gaʼ fə̀ŋ n kow ghaa, mə u tsɔbənə fə̀ŋ bòʼ ghaa. Sey n chɔd n saa mən a keelinə n dzəm, fə̀ŋ zuŋ a nam kaynə, duʼlə soʼo naʼ idzəm.

1 Tesalonika 1:3

Abə ghey gɔŋŋənə tə̀ Zə̀ kə tə loʼnə Bày saa, ghey n moʼlə bə fwaʼ key ghaa fwaʼanə bòʼ bəghəm i fə̀ŋ i ghaa, nsə ghəə a dzuŋu ghey ghaa ghəŋənə bòʼ ləghə zey ghaa khənə n wû i ghaa, ghaa n təmi taw soʼo bòʼ bəghəm i fə̀ŋ zey ghaa khənə n kow Mûkəbii ə saa Yeso Klisto.

1 Tesalonika 2:13

À wey loʼ ghə i tii zə ghey fuu zeelinə zɔŋŋə kə tə̀ Zə̀ kə n təŋkey ghɔɔmə i wi zən ghaa â zownə n wɔ̂ ghey, ghaa n bəghəm kɔʼ, ghaa â bəghəm naŋa koʼ nə̀ a loʼ ghɔɔmə i Kəzə̀, a way dzə ghɔɔmə i wù sɔŋtsuʼ. À ndzəm loʼ ghɔɔmə i Kəzə̀ n tənkey, ghɔɔmə i tii i fwaʼa n fə̀ŋ tə ghaa ghəŋŋə nə̀ bəghəm i fə̀ŋ i ghaa zə nyîmmə.

1 Tesalonika 2:19

À loʼ ghaa, ghaa i ghəŋŋənə nə̀ ghey i ndzəmə ləmmə, ghey i duʼlə, à loʼ soʼo ghaa naamə kə ghey kə. À loʼ ghaa, ghaa i ghəŋŋənə nə̀ ghey i ghaŋŋə wû zə sə kə Mûkəbii saa Yeso abə tə i bə dzəŋŋənə. Abə à way ghaa, à kəm loʼ kee ghey loʼ ni ghaŋŋə iwû tii ə?

1 Tesalonika 3:9

Ghey loʼnu ni fuu kəzɔŋŋə tə̀ Zə̀ kə nya bòʼ ghaa. Ghaa n ghəŋə nə̀ ghey ngii keeli iduʼlə n sə K-a-zə̀.

2 Timoti 1:16

N gɔŋŋə nə̀ Zə̀ kə kwɔɔlə isî n kow Onesiforus nsə ghə̂ ghey adzəm ghə loʼnə n ndaw wi n təŋkey, tə â bə tsəmmə zeeli tsə mə n ndaw tsaʼ, tə n ka dədlə soʼo n tow kə ni bə koʼ mə.

Filemun 1:20

N waazə, n buʼu bə kəwɔɔ tə wɔ n zəd i Mûkəbii nə̀ wə fuu mə n gaamə zən. Wɔ, tə a loʼ wù wən tə loʼnə nə kəfə kəmɔʼ ghi Klisto, ghəŋə nə̀ fə̀ŋ zuŋ i zow dzɔbə.

2 Jɔn 1:4

Mə â duʼlənu ni koʼ nə̀ waa a ghaa a loʼ a muu nə isəŋə, ighələ tə Bày tsəʼlə naŋa nə kəlaŋ tə̀ saa.