Filemun 1:6 - Kaa n Kəzə̀ n fəghə mə

⁶ N gɔŋŋə nə̀ wə i loʼ ni tɔʼ zowkeeli ghəə a dzuŋu ghən adzəm saa keeli abə saa loʼnə nə kəfə kəmɔʼ ghi Klisto nghee saa bweynə nə kəghow kəmɔʼ n bəghəm i fə̀ŋ i saa tə a loʼ waa a Kəzə̀.

Filemun 1:6 Mawu Ofanana

Matyo 25:16

Wù wey tə â khənə mbəghə wə ukhəə wə utaa n daŋŋə kaʼ ndòw ni ghəŋə bikiwən tii, keeli kpiʼi kɔʼ təbənə tii nə umbəghə utaa.

Matyo 5:16

À loʼ soʼo ighələ ghi ghaa, daa kə ghaa kə khə ni baŋa, tə̀ ghə̂ ghə i loʼ ni koʼ ghəə a ghaa a dzuŋu ghə, ghə i fuu kɔʼlə mə tə̀ Bày ghaa idəŋ.”

1 Kɔrint 14:25

I loʼ sey n təŋkey, ghəə a kələm ghey n fə̀ŋ tə ghə n doʼo bə n mgbaŋ. Sey ghə i təm ndow tənguʼ aghəd, ghə fuu nkɔʼlə tə̀ Zə̀ kə, ghə i dza shiə bə n mgbaŋ nə̀, “Zə̀ kə ndzəm loʼnu n fəŋŋə kə ghaa!”

1 Kɔrint 16:9

Zuŋ kə tii kə loʼ nə̀, Zə̀ kə n fuu mə fa n bùʼ kə tə̀ mə ni fwaʼ fwaʼ kə səŋi kə, nghee i tsəm loʼ kə nə̀ ndəmə aghə̂ a təʼlənu mə.

Filipi 4:8

Ni guŋ kɔʼ ghɔɔmə zən a waazə ghə, ghaa khə ni naŋa tsu moʼlə tə ghaa n ghəə ghey a loʼnə isəŋə, ghəə ghey a khənə ngɔɔmə zə, ghəə ghey a loʼnə tsətsəghə, ghəə ghey a zownə, ghəə ghey a dzɔbənə, ghəə ghey a khənə kɔʼləmə, ghəə ghey ghə̂ ghə î ləghənə ni zow nsə ghəə ghey ghə î duʼlənə ni koʼ.

Kolose 1:9

À wey loʼ i ghi ni ney nuu bə n tsuʼ fey ghey â zow tsu zɔŋ u ghaa wə, ghey ka kam buu naŋa koʼ ni gɔŋŋə n tow u ghaa nə Zə̀ kə gaamə nə̀ ghaa i loʼ ni keeli ghəə zey tə ləghənə. Tə fuu ghaa n tɔb wə, nsə daʼa kə Zay kə Zow kə nə ghaa i loʼ ni zowkeeli dzɔb ghəə a tii ghə.

Kolose 3:10

Kaʼ ndow na ni muu muu i fəghə zən Zə̀ kə fuunə tə ghaa, ghaa tɔʼ zoʼlə keeli kɔʼ soʼo wù wey tə loʼnə ghii wə, ghaa doʼo bə tə a loʼ wi.

Taytus 3:14

Ghəŋə tsu soʼo nə̀ ghə̂ a saa a zoʼlə tsu ni ghəŋŋə ghəə ghey a dzɔbənə, sey nə̀, ghə i loʼ ni gaamə ghə̂ ghey ghə khə way n fə wey ghə ləghənə, ni ghəŋə nə̀ kə waazə a saa n muulənə muu zey i tsəə way.

Hibru 6:10

Zə̀ kə way dzə wù wey tə way tsətsəghə n ghəə a wi, sey, tə i neyzəə way fwaʼ kə ghaa kə nsə ləghə zən ghaa dii bənə tə̀ wi nghee ghaa gaamənə ghə̂ a wi ghə, ghaa a nam ndow kə n sə kə ni ghəŋŋə sey.

Jems 2:14

Waazə ghuŋ ghə, wə zə̂ə kee abə wə dzanə nə̀ wə khə bəghəm i fə̀ŋ, kee dii bə way bəghəm i fə̀ŋ i tii zə n ghəə ghə a ghəŋŋə ghə ə? Wə moʼlə nə̀ ndzoʼo bəghəm i fə̀ŋ i tii i loʼnu ni bəghəshi wɔ ə?

Jems 2:17

A wey bɔɔmə loʼ nghee i loʼnə abə wù dzanə nə̀ tə khə bəghəm i fə̀ŋ nə̀ tə maŋa dza kə nə idzuu. Abə tə ghəŋŋə ndow way ghəə a dzuŋu ghə tə a loʼ wù wey tə khənə bəghəm i fə̀ŋ zə, bəghəm i fə̀ŋ i wi tii i maŋ loʼ kənunu.

1 Pita 2:12

Ghaa ndow kə n sə kə ni ghəŋŋə ghəə a dzuŋu ghə n fəŋŋə kə ghə̂ ghey ghə kam khə way Zə̀ kə, sey nə̀, abə ghə tsəm dza i kwu kə ghaa nə̀ ghaa ghəŋŋə ghəə a bəbə ghə, ghə i loʼ ni dza nə̀ ghaa ghəŋŋə ghəə ghey a dzɔbənə. Sey ghə i loʼ ni fuu nkɔʼlə tə Zə̀ kə n tsuʼ fey tə i kəm bəghənə tii ni bə saʼ aghə̂.

1 Pita 3:1

Ghaa gheyzən ghən ghaa bəghəmnə tə̀ Zə̀ kə, khə ni zow tə nûm a ghaa ghə, sey nə̀, abə wù ghə u loʼ u ka bəghəm ghɔɔmə i Kəzə̀ zə, mwam u ghaa wə i ghəŋə nə̀ tə bəghəm tə̀ Zə̀ kə nə̀ wù loʼ ka dza ghə zə tə̀ wi,

1 Pita 3:16

Ghaa i maʼlə tsu wû zə ni beeli ndow ghə n jii i dzuŋu zə. Ghaa tɔʼ laalə nyi tsu ni koʼ nə̀ fə̀ŋ tə ghaa tə zownu n ghəə ghey ghaa ghəŋŋənə, sey nə̀, tow kə i dəd ghə̂ ghey ghə ghɔɔmənə ghəə a bəbə ghə bòʼ ghaa abə ghə koʼnə mwam u dzuŋu wey ghaa khənə n təŋkey ghaa loʼ nə kəfə kəmɔʼ ghi Klisto.

2 Pita 1:8

Abə ghaa ndəŋə keeli kɔʼɔ ndownə ghəə ghən n taŋŋə tsu bənə fa, ghə i ghəŋŋənu ghaa nə̀ ghaa i fwaʼa dzɔbə, məə bə soʼ tam u dzuŋu wə. Ghəə a tii a nə dii tsu nə̀ ghaa khənu Mûkəbii saa Yeso Klisto.