Filemun 1:24 - Kaa n Kəzə̀ n fəghə mə

²⁴ Ghə̂ ghən ghə fwaʼa dzəŋinə ghi mə tɔŋŋə Mak, Aristakus, Demas nsə Lukas, tɔŋŋə zow bə soʼo ghaa.

Filemun 1:24 Mawu Ofanana

Kəfwaʼ 12:12

Nghee ghəə ghən nyi bənə n tow kə wi, tə n nuu ndow n ndaw Maria, này Jɔn wən ghə â tɔŋŋə soʼonə wi nə̀ a loʼ Mak. À n loʼnə ndəmə aghə̂ n zuŋŋə doʼo fu ghə gɔŋŋənə.

Kəfwaʼ 12:25

Ambə Banabas nsə Sɔl mayyə kɔʼ fwaʼ kə ghə kə n Yerosalem, ghə n ney kɔʼ Jɔn wən ghə a tɔŋŋə nə̀ a loʼ Mak, nuu ndow ghi wi.

Kəfwaʼ 13:13

Pɔl nsə ghə̂ ghey tə â loʼ dzəŋinə ghi ghə n zəghə tsu Pafos, nyi kɔʼ nə kəfən, daŋ shi ndow n naʼ i Pega n mboʼo Pamfilya. À loʼ fu Jɔn Mak a zəghə tsunə ghə, nuu dzəŋŋə ndow n Yerosalem.

Kəfwaʼ 19:29

Naʼ i tii zə idzəm n daŋŋə təmi kɔʼ nə ifuu. Ghə n kwu kɔʼ Gayɔs ghi Aristakus, ghə̂ a Masidonia ghən ghə a bweynə ghi Pɔl, daŋŋə nyəŋ ndow ghi ghə n ndaw kədzəŋi i nii zey fu inaʼ.

Kəfwaʼ 27:2

Ghey n ney kɔʼ kəfən kə nuu bənə n Adramitum, nə̀ kə khə ni ndow siʼi n bad key fən u siʼinə tii n nguŋ ə nali kə dzuu kə Eshya. Ghey n nuu ndow n daŋ zə ghi Aristakus. Aristakus â loʼ wù Tesalonika n mboʼo Masedonya.

2 Kɔrint 8:23

Abə Taytus, tə fwaʼa fwaʼ kən n fwaʼanə, fwaʼa dzəŋi soʼo ghi mə ni gaamə ghaa. Waazə a loʼ ghey ghə bwey dzəŋi bənə ghi wi, loʼ ghə̂ ghey dzəŋi u dzûmə tə Klisto tey sày tûm bənə, ghə ghəŋŋə soʼo nə̀ Klisto i keeli kɔʼləmə.

Filipi 2:25

N kee moʼlə nə̀ i dzɔbənu nə̀ n tûm bə dzə Epafroditus n səə ghaa, tə loʼ waazə wuŋ n dzəŋi kə dzûmə tə Klisto, tə loʼ wù wey tə fwaʼa dzəŋinə ghi mə, kəm loʼ dzəŋi soʼo sawgoʼ ghi mə ni naʼa tûm i dzuŋu zə. À loʼ wi ghaa â tûm bənə n səə mə̀ nə̀ tə bə fu mə n gaamə zə.

Filipi 4:3

N dza bə soʼo tə wɔ fə wuŋ wən ghi wɔ dzəŋi fwaʼa dzɔbə kɔʼɔ bə nə̀ wə gaamə gheyzən ghən, n təŋkey, ghə mâ ndzəm fwaʼ ghi mə ni naʼa tûm i dzuŋu zə. Ghə â loʼ ghi Klemen nsə ghə̂ a loʼ ghey ghə â fwaʼa dzəŋinə ghi mə. Zəd a ghə a tɔ̀ɔ doʼo n màʼlə K-a-zə̀ key tə tɔ̀ɔ naŋŋənə zəd a ghə̂ ghey ghə î zəənə muu zə itsali zə.

Kolose 4:10

Aristakus wən tə loʼnə fa n ndaw tsaʼ ghi mə, tɔŋɔ zow bə ghaa. Mak, waazə ə Banabas tɔŋɔ zow bə soʼo ghaa. Ghə mâ buʼ dza tə ghaa nə̀ abə Mak kpaʼi bənə fey, ghaa kpii ney wi.

Kolose 4:14

Lukas wən tə loʼnə wù ngaŋ a saa wən saa ngii ləghənə ghi Demas tɔŋŋə zow bə ghaa.

1 Pita 5:13

Waazə a ghaa ghey n dzəŋi kə dzûmə tə Klisto key n Babilɔn, Zə̀ kə â say soʼonə, tɔŋŋə zow bə ghaa. Mak wən tə loʼnə tə a loʼ waa tə̀ mə tɔŋŋə zow bə soʼo ghaa.

3 Jɔn 1:8

Saa ghən saa bəghəmnə tə Klisto, khə ni gaamə ndzoʼo ghə̂ ghən tə saa doʼo ghi ghə nə kəfə kəmɔʼ nə isəŋə zən ghə diinə.