Filemun 1:22 - Kaa n Kəzə̀ n fəghə mə

²² Ghəə i loʼ i loʼ kpiʼinu, bayyə naŋa tsu mə n dzuu i ndaw zə, n təŋkey, n khə tənnu nə̀ Zə̀ kə i kuʼlə zownu gɔŋŋə tə ghaa tə, tə ney dzəŋŋə bə mə tə ghaa.

Filemun 1:22 Mawu Ofanana

Kəfwaʼ 27:24

dza tə mə nə̀, ‘Ka tsəŋ dzə a Pɔl, də̀ŋ kə Rom kə khə ni teeli saʼ wɔ. Boʼnə, fə̀ŋ i dzuŋu zey Zə̀ kə khənə, tə n ghəŋə nə̀ ghə̂ ghey adzəm wə bweynə fa nə kəfən ghi ghə, wù ghə umɔʼ i kpu way.’

Kəfwaʼ 28:23

Ambə ghə̂ ghey ndzɔʼ bəghəm naŋa kɔʼ tsuʼ fə, ndəmə ghə n bə koʼ bə soʼo wi n luʼu key tə â muunə tii. Tə n tiillə ghə i tii zə tə ghə ni zey tsu n bələbələ tə ndow kuum ndow n nəŋə i fənə tə. Tə n tiillə dza ghəə a fɔɔ u Kəzə̀ tə ghə, tə n ney bə soʼo aghəə n laŋ kə Mushi nsə n ghəə ghey tûm tə Kəzə̀ tə â tɔ̀ɔ naŋanə ni dii ndow tə ghə nə̀ ghəə ghey tə dzanə bòʼ Yeso loʼ isəŋə.

Roma 15:24

N bayyə ni bə nyisa. N moʼlə ni bəŋ koʼo daŋa tsə ghaa, n dzə doʼo kəŋə bə ghi ghaa tə̀ fə̀ŋ zuŋ tsu kay tsu. Abə mə i dzə doʼo kəŋə bənə ghi ghaa, mə tsəghə ndow daŋŋə n Spen, ghaa i loʼ soʼo ni gaamə mə ni ndow fu.

2 Kɔrint 1:11

Zə̀ i doʼlə sey n təŋkey, ghaa gaamənu ghey n gɔŋŋə zey ghaa gɔŋŋənə tə̀ ghey. Gɔŋŋə i ghaa zə i ghəŋŋə nə̀ ndəmə aghə̂ ghə i fuu zɔŋŋə kə tə̀ Zə̀ kə n tow u ghey. Gɔŋŋə zən ndəmə tə aghə̂ tə gɔŋŋənə n tow u ghey n ghəŋə nə̀ Zə̀ kə dii ghey n fə̀ŋ ə wi i dzuŋu zə.

Filipi 1:19

Mə i nam duʼlənu, n təŋkey, n khənu nə̀ gɔŋŋə i ghaa nsə gaamə zey Yeso Klisto fuunə, Zə̀ kə i bəghəshiənu mə.

Filipi 2:24

N khə bəghəm i fə̀ŋ nə̀ abə Mûkəbii bəghənə, mə î kuʼlə bəghə koʼonu ghaa n wû wuŋ wə.

Hibru 13:19

Sey, n buʼu kəwɔɔ n fə̀ŋ zuŋ idzəm nə̀ ghaa gɔŋŋə nə̀ Zə̀ kə kuʼlə tûm dzəŋŋə bə mə n səə ghaa.

Hibru 13:23

N ləghə nə̀ ghaa keeli tsu nə̀ waazə ə saa Timoti n shi n ndaw tsaʼ, abə i loʼ nə̀ tə kuʼlə bənu, mə i dzəŋi bə ghi wi ni bə koʼ ghaa.

Jems 5:16

À wey loʼ ghə i tii zə ghaa khə ni dza tiilə ghəə a bəbə ghey ghaa ghəŋŋənə n wû i ghaa, gɔŋŋə tiilə soʼo n tow u ghaa sey nə̀, Zə̀ kə loʼ ni baŋŋə ghaa. N dza sey n təŋkey, gɔŋŋə i wù wey tə loʼnə tsətsəghə khə kədaʼa, ndzəmə fwaʼa soʼo.

2 Jɔn 1:12

N khə ndəmə tə aghəə ni dza tə ghaa, n kee ləghə way ni tɔ̀ɔ nə kəmàʼlə. N fədlə moʼo ni bwey bə koʼ ghaa, tə n ghɔɔmə tiilə bə ghi ghaa, sey nə̀ saa loʼ ni duʼlə naʼ idzəm.

3 Jɔn 1:14

N təŋkey n moʼo nə̀ mə i kuʼlə bə koʼonu ghaa, saa i ghɔɔmə dzəŋi.