Filemun 1:1 - Kaa n Kəzə̀ n fəghə mə

¹ À màʼlə kən tɔ̀ɔ bə mə Pɔl. N loʼ wù ndaw tsaʼ bòʼ fwaʼ kən n fwaʼa nə tə Yeso Klisto. N maʼlə kən tɔ̀ɔ bə ghi waazə ə saa Timoti. Ghey tɔ̀ɔ bə tə wɔ a Filemun, wə loʼ fə̂ ə ghey u dzuŋu wə, wə fwaʼa dzəŋinə ghi ghey.

Filemun 1:1 Mawu Ofanana

Kəfwaʼ 16:1

Pɔl n ndow bə n Debe tsəghə ndow n naʼ i Listra. Dzûmə ə Klisto u loʼ wə ghə tɔŋŋə nə̀ a loʼ Timoti n loʼ fu n naʼ i Listra. Này wi a loʼ zən ə Juu tə a bəghəm nə tə Yeso, bày wi n kee loʼ wù Gris.

1 Kɔrint 3:9

I loʼ sey n təŋkey ghey maŋ loʼ ghə̂ a kəfwaʼ, ghey dzəŋi fwaʼanə tə̀ Zə̀ kə. Ghaa a kee loʼnə tə a loʼ sum u Kəzə̀, ghaa u loʼ soʼonə ndaw zey Zə̀ kə fwaʼanə tii.

2 Kɔrint 1:1

À màʼlə kən tɔ̀ɔ bə mə Pɔl, mə wən Zə̀ kə sàynə nə̀ n doʼo ngəd ə Yeso Klisto. N loʼ fa ghi waazə saa Timoti. N tɔ̀ɔ bə tə̀ ghə̂ a Kəzə̀ ghey n naʼ i Kɔrint, nsə ghə̂ a Kəzə̀ ghey adzəm n mbuʼu Akaya idzəm.

Galeshia 3:26

Nya, à loʼ bəghəm i fə̀ŋ zən ghaa khə n kow Yeso Klisto, i ghəŋŋənə nə̀ ghaa doʼo waa a Kəzə̀.

Efesus 3:1

A loʼ boʼ ghəə ghey Zə̀ kə loʼ nə̀ kə n ghəŋŋə ni təmdzəŋi bə ghə̂ a Təjuu nsə ghə̂ ghən ghə way ghə̂ a Təjuu ghə nə kəfə kəmɔʼ, mə Pɔl, n loʼnə wù ndaw tsaʼ a Yeso Klisto n tow u ghaa ghən ghaa way ghə̂ a Təjuu ghə.

Efesus 4:1

Mə wən n loʼnə wù ndaw tsaʼ boʼnə n fwaʼa tə̀ Mûkəbii, n buʼu bə kəwɔɔ tə̀ ghaa nə̀ ghaa i muu muu zey i kpiilənə tə̀ ghə̂ ghey Zə̀ kə sàynə ghə.

Efesus 6:20

Kuum nə̀ a loʼ bòʼ tûm i dzuŋu zən n loʼnə wù tûm ə klisto. N fa loʼ n ndaw tsaʼ bòʼ i ghii. Sey, gɔŋŋə na nə̀ mə i khə fə̀ŋ ni naʼlə tûm i tii zə tə̀ n khənə ni naʼa nə̀ n khə way tsəŋ i loʼ zə.

Filipi 1:1

À màʼlə kən tɔ̀ɔ bə mə̀ Pɔl nsə Timoti, ghey loʼnə ghə̂ a kəfwaʼ a Yeso Klisto ghə. N tɔ̀ɔ bə tə̀ ghə̂ a Kəzə̀ a zow ghə, ghə loʼnə nə kəfə kəmɔʼ ghi Yeso Klisto n naʼ i Filipi. N tɔ̀ɔ bə soʼo tə̀ ghə̂ ghey ghə loʼnə tow wə n Ndaw Kəzə̀ nsə ghə̂ ghən ghə fuunə gaamə zə n Ndaw Kəzə̀.

Filipi 2:25

N kee moʼlə nə̀ i dzɔbənu nə̀ n tûm bə dzə Epafroditus n səə ghaa, tə loʼ waazə wuŋ n dzəŋi kə dzûmə tə Klisto, tə loʼ wù wey tə fwaʼa dzəŋinə ghi mə, kəm loʼ dzəŋi soʼo sawgoʼ ghi mə ni naʼa tûm i dzuŋu zə. À loʼ wi ghaa â tûm bənə n səə mə̀ nə̀ tə bə fu mə n gaamə zə.

Filipi 4:3

N dza bə soʼo tə wɔ fə wuŋ wən ghi wɔ dzəŋi fwaʼa dzɔbə kɔʼɔ bə nə̀ wə gaamə gheyzən ghən, n təŋkey, ghə mâ ndzəm fwaʼ ghi mə ni naʼa tûm i dzuŋu zə. Ghə â loʼ ghi Klemen nsə ghə̂ a loʼ ghey ghə â fwaʼa dzəŋinə ghi mə. Zəd a ghə a tɔ̀ɔ doʼo n màʼlə K-a-zə̀ key tə tɔ̀ɔ naŋŋənə zəd a ghə̂ ghey ghə î zəənə muu zə itsali zə.

Kolose 1:1

À màʼlə kən tɔ̀ɔ bə mə Pɔl, ngəd ə Yeso Klisto wən Zə̀ kə â say kɔʼnə. N màlə kən tɔ̀ɔ bə nə n loʼ dzəŋi ghi waazə ə saa Timoti.

Kolose 4:11

Joshua wən ghə tɔŋɔ soʼo nə a loʼ Justus tɔŋɔ zow bə soʼo ghaa. À may kə ghə̂ ghən atəghə ghə loʼnə ghə̂ a Təjuu ghə, ghə bəghəmnə tə Klisto, ghə fwaʼa dzəŋinə fa ghi mə n ghəə a fɔɔ u Kəzə̀. Ghə n ngii fuu mə n gaamə zə.

1 Tesalonika 3:2

Ghey n tûm bə Timoti waazə ghey wən tə fwaʼanə tə̀ Zə̀ kə ghi ghey ni naʼa tûm i dzuŋu zən bòʼ Klisto nə̀ tə bə tɔm bə ghaa, tə təm tawwə bə soʼo bəghəm i fə̀ŋ i ghaa.

2 Tesalonika 1:1

À màʼlə kən tɔ̀ɔ bə Pɔl, Silas nsə Timoti tə dzəŋi u dzûmə tə Klisto tə n naʼ i Tesalonika ghən ghə bəghəm nə tə Zə̀ kə tə loʼ Bày saa nsə Mûkəbii Yeso Klisto.

2 Timoti 1:8

Sey, kə wə i dədlə n tow kə ni təmi tiillə bòʼ Mûkəbii saa, kə wə nə dədlə soʼo n tow kə ni dza ndow nə̀ wə khənu mə wən n loʼ fa n ndaw tsaʼ bòʼ Klisto. Fət təmdzəŋi bə mə ni fəghə bòʼ tûm i dzuŋu zən. Wə khə ni fəghə n təŋkey Zə̀ kə n fuu wɔ n daʼa kə tii kə.

Filemun 1:23

Epafras wən tə loʼ dzəŋinə fa n ndaw tsaʼ ghi mə bòʼ Yeso Klisto tɔŋŋə zow bə ghaa.

Filemun 1:24

Ghə̂ ghən ghə fwaʼa dzəŋinə ghi mə tɔŋŋə Mak, Aristakus, Demas nsə Lukas, tɔŋŋə zow bə soʼo ghaa.

Filemun 1:9

Nghee n sə ləghənə wɔ, a wey loʼ i ghii n buʼu bənə wɔ n wɔɔ kə. N tsəmə ney dzə way n taŋ nə̀ mə Pɔl, n loʼ nyim kə wù, loʼ soʼo n ndaw tsaʼ bòʼ Klisto.