Chi dii 8:5 - Kaa n Kəzə̀ n fəghə mə

⁵ Tsəndəghə zey n ney kuu nyi tsu uvələ tə ney kɔʼnə n tsə zey ghə fəələnə maʼlə wə tii, maʼa tsu ndow n ghəlikətsə. Sey, ghow zə n kaʼ ni kwɔɔ, kəmmə, mwallə, ghəlitsə kə n zey ndow soʼo ni noʼlə nə kədaʼa.

Chi dii 8:5 Mawu Ofanana

Matyo 24:7

Naʼa tə i zuulə baalə ghi naʼa tə, fɔ̀ɔ tə i zuulə baalə ghi fɔ̀ɔ tə, ghəlitsə kə i noʼlə n ndəmə təluʼu, dzəŋ i faalə i nə̂ loʼ.

Lukas 12:49

N bə fa n mbi ni bə daa təluʼu nə uvələ, tə i mə fa loʼ nə tə nya bəʼlənu.

Kəfwaʼ 16:26

Sey, ghəlitsə kə vuŋŋə kaʼ ni ngii noʼlə. Tsə kə ndaw kə ndaw tsaʼ kə tii kə kədzəm kə n noʼlə tsəghə ndow. Fuʼu n təndaw ndzəm mə n chi kɔʼ, tsaʼ tey ghə â kùm naŋanə ghə̂ a ndaw tsaʼ ghə tii n tiilə tsu tədzəm.

Kəfwaʼ 4:31

Ambə ghə gɔŋŋə may tsunə, luʼu tə n noʼlə tsu n luʼu key ghə â təmdzəŋi doʼonə tii. Zay kə Zow kə n nyi bə n kow ghə, ghə n zey ni naʼlə tûm Kəzə̀ nə ghə tsəŋə way.

Chi dii 11:13

N nəŋə i tii zə kə, ghəlikətsə kə daŋŋə noʼlə tsu nə kədaʼa. Bat kəmɔʼ nə tədzawwə ighəm tə loʼnə ighələ n naʼ i tii zə məllə nyi tsu ndow, ghə̂ ghə n kpu soʼo tii təkam təsəghəmbəghə. Tsəŋ zə i faalə zə n kwu ghə̂ a loʼ ghey ghə â ka kpu, ghə n ngii fuu nkɔʼlə tə Zə̀ kə idəŋ kə.

Chi dii 11:19

Ndaw Kəzə̀ i nii zə idəŋ n daŋŋə chi kɔʼ. Mə n koʼo nyiə ndow tətaalə kə nkaa n wi fu tii. Ghow zə n mwaalə, kwɔɔ, kəmmə, ghəlikətsə kə n noʼlə nə kədaʼa, tətay mə n ngii tsɔʼlə soʼo.

Chi dii 4:5

N kuu kə fɔɔ key, ghow zə n mwallə shiə bə, bɔŋ mə n kwɔɔ shiə bə soʼo fu, ghow zə kəmə shiə bə soʼo fu. N sə kə kuu kə fɔɔ kə tii kə, saalə tə n bəʼlə fu təsəghəmbəghə. Saalə tən təsəghəmbəghə â loʼ Zày u Kəzə̀ wən usəghəmbəghə.

Chi dii 6:12

Mə n daŋŋə koʼ ndow Waa Nji zey i zhwey nuu kɔʼ mə̀ŋ zey nə lii utuubə, ghəlikətsə kə n noʼlə tsu nə kədaʼa, nyî zə n nuu ləŋ tsu tə a loʼ ndzə̂ tə ivə, ndzɔŋ n baŋa tə a loʼ təkaŋ.

Chi dii 8:3

Tsəndəghə u loʼ wə tə â khə bɔm itsàa ghə kpəʼlə nəŋ zə tii n shi bə təmi bə n səə tsə zey ghə fəələnə maʼlə wə tii nə̀ ghə faalə nə itsaa. Ghə n fuu ndow wi n nəŋ zə ndəm nə tə təmdzəŋi kɔʼ ghi gɔŋŋə tə ghə̂ a Kəzə̀ ghə adzəm, tə fəələ ndow n tsə zey ghə fəələnə maʼlə wə tii nə̀ ghə faalə itsàa i teynə səə kuu kə fɔɔ key.