Chi dii 8:12 - Kaa n Kəzə̀ n fəghə mə

¹² Tsəndəghə Kəzə̀ zey nə ulii ukaykə n tɔŋ tsu sɔŋ wi. Fə kə loʼ kə n zaʼ ndow kəbad kəmɔʼ nə tədzawwə tətəghə tə loʼnə ighələ nə inyi, zə n nəmə doʼo tsu ighələ tə̀ ndzɔŋ nsə nsəghəbələ â nayyə maʼa tsunə daʼa kə ghə kə. Sey, luʼu tə n kəm zow way, ndzɔŋ n baŋa way n bad kəmɔ̀ʼ nə tə dzaw tətəghə n tsə tə nsə n tsuʼu tə.

Chi dii 8:12 Mawu Ofanana

Matyo 24:29

Abə tsuʼu mə nchɔd mən î daŋŋə may tsunə, tsə̀ i nəmə nuu nyi ndow, ndzɔŋ i kəm baŋa way, səghəbələ mə i bwu shi tsu bə aghəd, daʼa wey u loʼnə n bikighow i noʼlə kaabə tsə soʼo.

Matyo 27:45

Ambə n fəŋ ə tsə̀, ləm kə n bwu bə nə inaʼ idzəm ndòw kuum ndòw nə tənəŋə tətəghə n tsə̀ tə.

Malakus 13:24

Yeso n ndow n sə kə dza tə̀ ghə nə̀, “Abə tsuʼu n ngoʼ mən mə i tsəghə tsunə, ‘Tsə̀ i nəmə nyi ndow, ndzɔŋ i way ni kəm bàŋ,

Malakus 15:33

Ambə n fə̀ŋ ə tsə, ləm kə n bwù bə nə inaʼ, zə n doʼo ndòw kùm ndòw nə tənəŋə tətəghə.

Lukas 21:25

Ghə̂ a nə koʼo tsəə tə faalə tə nə inyi, n ndzɔŋ nsə nə nsəghəbələ. A fa n ghəlikətsə, ngoʼ nsə tsəŋ i nə nyi nə tənaʼa bòʼ tuŋutuŋu tə nali kə dzuu, tə kwɔɔ bənə.

Kəfwaʼ 2:20

Ləm kə i nuu bwu tsu inaʼ, tsə i kəm taw way, Ndzɔŋ i nuu bàŋ doʼo tsu tə a loʼ təkaŋ. Tə tsuʼ fə nii nii fey Mûkəbii i saʼanə mbi tii ni bə, a i loʼ nə̀ ghəə ghən adzəm n ney dzə bənə kə.

2 Kɔrint 4:4

Nghee tə̀ ghə̂ ghən ka bəghəm tə̀ Zə̀ kə, zə̀ kə mbi kən tɔŋŋə Satan n ghəŋə naŋa ləm kə n fə̀ŋ tə ghə, sey nə̀ kə ghə nə koʼonə tsə u tûm i dzuŋu wey u dii bənə kɔʼlə n Klisto wən tə loʼnə tə̀ a loʼ Kəzə̀.

Chi dii 12:4

Zə n ney kɔʼ kuu u wi kàŋŋə bə nsəghəbələ n bikighow nə kəbad kəmɔʼ nə tədzawwə tətəghə tə loʼnə ighələ, maʼa tsu bə aghəlitsə. Ngəm zey n təmi tsu n sə kə weyzən wey, ləmmə nə̀ tə ji tsu, tə̀ tə ney fə waa wi.

Chi dii 16:10

Tsəndəghə Kəzə̀ zey nə ulii utaa n feeli maʼa shi ndow bɔm wi n kuu kə fɔɔ kə faalə kə nyam mbvən key, ləm kə n bwu tsu n fɔɔ u wi. Ghə̂ ghə num faalə kənyim bòʼ fɔɔbə zey ghə â zownə.

Chi dii 6:12

Mə n daŋŋə koʼ ndow Waa Nji zey i zhwey nuu kɔʼ mə̀ŋ zey nə lii utuubə, ghəlikətsə kə n noʼlə tsu nə kədaʼa, nyî zə n nuu ləŋ tsu tə a loʼ ndzə̂ tə ivə, ndzɔŋ n baŋa tə a loʼ təkaŋ.

Chi dii 9:15

Sey, ghə n zii zəghə tsu tsətəndəghə tə Kəzə̀ tey təkaykə. Ghə a ney naŋa tsətəndəghə tə Kəzə̀ tən nə̀ ghə i ləŋi maʼa kəbad kəmɔʼ nə tədzawwə tətəghə fa a ghəlitsə n nəŋə zən, tsuʼ fə fən, ndzɔŋ i zən nsə n num kə kən.

Chi dii 9:18

Ghə n weyyə maʼa tsu kəbad kəmɔʼ nə tədzawwə tətəghə tə loʼnə ighələ nə aghə̂ fa a ghəlitsə bòʼ zəŋ tən tətəghə. Zəŋ tən tətəghə tɔŋŋə uvəllə, kənyoʼ nsə Sɔlfɔ â shiə bə n dzuu zə ukhinyam wey.