Chi dii 13:12 - Kaa n Kəzə̀ n fəghə mə

¹² Zə n bɔɔmə dii soʼo ndzoʼo daʼa u saʼa wey faalə kə nyam mbvən i sə̂ isə zey a khənə udzəm. Zə n tənnə ghə̂ mbi nsə ghə̂ ghən ghə muu tii nə ghə i ngɔɔmə faalə kə nyam mbvən i sə̂ isə zey zə â khənə bəbə bəbə kə zələ kə ifəŋ kə nə̀ kə n zum.

Chi dii 13:12 Mawu Ofanana

2 Tesalonika 2:4

Abə wù wən i dii bənə wû wə, tə i tsayyə Kəzə̀, tə tsayyə fə̂ wey udzəm ghə̂ a ngɔɔmənə tə̀ a loʼ Kəzə̀, tə kɔʼlə naŋa kɔʼ wû u wi idəŋ n kow fə̂ wən udzəm. Tə buʼ nyi daŋŋə n Ndaw Kəzə̀, tə ney naŋa kɔʼ wû u wi nə̀ tə loʼ Kəzə̀.

Chi dii 13:2

Faalə kə nyam mbvən zey mə â koʼnə, n fiilə kəbəghə. Fuu i wi zə n loʼ tə a loʼ nyam i loʼ zə ghə tɔŋŋə nə̀ a loʼ bee. Dzuu i wi zə n loʼ tə a loʼ dzuu i dəmow. Ngəm zey n ney fuu ndow daʼa kə wi, kuu kə fɔɔ kə wi nsə daʼa u wi wən n ndəm tə â khənə ni saʼa ghə̂ ghə a tii tə̀ faalə kə nyam mbvən key.

Chi dii 13:8

Aghə̂ adzəm n mbi ghə i ngɔɔmə faalə kə nyam mbvən i tii zə. Ghə̂ ghən adzəm zəd a ghə â loʼ nə̀ ghə n tɔ̀ɔ n màʼlə kə ghə̂ ghən ghə i keelinə muu zə itsali zə, nə̀ a khə Waa Nji zən ghə a weynə nə ghə n bɔm mbi, i kee ngɔɔmə way nyam tii.

Chi dii 14:11

Nyoʼ kə uvələ key kə chɔdlɔnə ghə nə may koʼ way tə mbi nə bə may. Ghə̂ ghey adzəm ghə ngɔɔmənə faalə kə nyam mbvən zən nsə muʼu fey fə fiilənə wi, nsə ghə̂ ghey adzəm ghə khənə tsəə zəd i wi, nə doʼo koʼ way nə ghə fəʼlə way n tsə tə nsə n tsuʼu.”

Chi dii 14:9

Tsəndəghə Kəzə̀ zey nə ulii utəghə n dzûmə bə tə sə isə tey təbəghə, n naʼlə bə n dzə̀ i taw zə nə̀, “Ghə̂ ghən ghə ngɔɔmə faalə kə nyam mbvən kən nsə muʼu fən ghə bɔm kɔʼnə nə̀ fə fiilə wi nsə ghə̂ ghən ghə neynə tsə̀ə wi n kaʼ usə u ghə nkee nə kəkpii,

Chi dii 16:2

Tsəndəghə Kəzə̀ u sə isə zey n ndow feeli maʼa ndow bɔm ə wi n ghəlikətsə. Faalə tə nsəghə nə tə fɔɔbə n bənnə shi kɔʼ n kow ghə̂ ghey ghə a khənə tsə̀ə faalə kə nyam mbvən key nsə n kow ghə̂ ghey ghə â ngɔɔmə muʼu fey fə fiilənə wi.

Chi dii 17:8

Nyam mbvən zən â buʼ loʼ tsə utaw, nyisa, i kee kəm way dzə utaw. Fəkəmə, zə i shi kɔʼ bə n fɔŋŋə k-a-bùʼ key kə kùʼu way, i ndow n luʼu key ghə i ləŋi maʼanə wi tii. Dzuu zə i zum ghə̂ ghən ghə muu n ghəlikətsə, ghə â ka kam tɔ̀ɔ naŋa zəd a ghə n màʼlə key ghə̂ ghey ghə i keelinə muu zə itsali zə loʼnə tii tə̀ mbi ni kaʼ. Dzuu zə i zum ghə ni koʼ faalə kə nyam mbvən key n təŋkey zə â buʼ loʼ tsə utaw, nyisa i kəm way dzə utaw, zə i nam bəghənu.

Chi dii 19:20

Ghə n fəd kwu fìi naŋa ndow faalə kə nyam mbvən key ghi tûm tə Kəzə̀ tə tsɔŋɔ tən tə â ghəŋŋənə faalə n tsɔŋɔ mə n sə kə wi. (À loʼ faalə n tsɔŋɔ mən tə a diinə, mə â ghəŋənə nə̀ ghə̂ ghən ghə â neynə tsə̀ə faalə kə nyam mbvən kən nsə ghə̂ ghən ghə â ngɔɔmənə muʼu fən fə fiilənə wi nə̀ ghə nyəŋ laʼ n baa wi). Ghə n kwu tsu faalə kə nyam mbvən key ghi tûm tə Kəzə̀ tə tsɔŋɔ tən maʼa nyi tsu utaw n nyî zə uvələ u bəʼlə ghi fə kə loʼ ghə tɔŋŋə nə̀ a loʼ sɔlfɔ.

Chi dii 20:4

Mə n koʼ ndow kuu wə udəŋ nə ghə̂ ghey ghə â doʼonə tii, ghə n fuu ghə n daʼa kə ni saʼ. Mə n koʼ ndow soʼo zay u ghə̂ ghən ghə â gboo tôw u ghə wə boʼnə ghə â tiilə dza aghəə bòʼ Yeso tiilə dza soʼo aghəə bòʼ ghɔɔmə i Kəzə̀. Mə n koʼ ndow soʼo ghə̂ ghey ghə â ka ngɔɔmə faalə kə nyam mbvən key, muʼu fey fə fiilənə wi, ka ney tsə̀ə faalə kə nyam mbvən key n kaʼ usə u ghə nkee n wɔɔ kə ghə. Ghə n doʼo bə utaw, saʼ soʼo tə a loʼ udəŋ ghi Klisto nə tənum kam.