Chi dii 13:11 - Kaa n Kəzə̀ n fəghə mə

¹¹ Mə n kəm koʼ ndow faalə kə nyam mbvən i loʼ zə i shiə kɔʼɔ bənə a ghəlitsə. Zə n khə təndɔŋ təbəghə tə a loʼ waa njì, kee ghɔɔmə tə a loʼ ngəm.

Chi dii 13:11 Mawu Ofanana

Matyo 7:15

Yeso n dza tə̀ ghə nə̀, “Ney na ghə̂mə zə n tûm tə Kəzə̀ tə tsɔŋɔ tə. Ghə buulə bəghə n səə ghaa tə̀ a loʼ tənjì, loʼ sey nə̀ n fə̀ŋ tə ghə, ghə bəbə faalə tə a loʼ ubəghə.

Roma 16:18

N dza sey n təŋkey ghə̂ ghey ghə ghəŋŋənə ndzoʼo ghəə a tii ghə, ghə fwaʼa way tə Mûkəbii saa Klisto, ghə fədlə fwaʼa tə̀ nəghə u ghə wə. Nyim kə ghə kə tsəghə dzɔbə nə idzuu, ghə a khə ghɔɔmə i tsìi zə ni nəb ghə̂ ghən ghə tɔʼ khə way ghəə ghə.

2 Tesalonika 2:4

Abə wù wən i dii bənə wû wə, tə i tsayyə Kəzə̀, tə tsayyə fə̂ wey udzəm ghə̂ a ngɔɔmənə tə̀ a loʼ Kəzə̀, tə kɔʼlə naŋa kɔʼ wû u wi idəŋ n kow fə̂ wən udzəm. Tə buʼ nyi daŋŋə n Ndaw Kəzə̀, tə ney naŋa kɔʼ wû u wi nə̀ tə loʼ Kəzə̀.

Chi dii 11:7

Abə ghə i tiilə dza may tsunə tûm ghə, faalə kə nyam mbvən zən i nuu shi kɔʼ bə n fɔŋŋə k-a-bùʼ kən kə kuʼu way, i bə zùu ballə ghi ghə. Zə i təm zə̂ kɔʼ ghə, i wey maʼa soʼo ghə.

Chi dii 12:17

Sey ngəm zey n fəələ nay ndow unəghə ghi weyzən wey, nuu ndow ni ndow ballə ghi waa a waa a wi ghən ghə doʼo səənə, ghə̂ ghey adzəm ghə naŋŋənə laŋ u Kəzə̀ wə, nsə ghə̂ ghey ghə gaʼnə fə̀ŋ nə isəŋə zən Yeso â chi dii bənə.

Chi dii 13:1

Mə n koʼ ndow faalə kə nyam mbvən i loʼ zə i shiə kɔʼɔ bənə n nali kə dzuu. Zə n khə təndɔŋ ighəm nsə tow wə usəghəmbəghə. Ndɔŋ tə tii tə tədzəm n khə taŋŋə kə fɔɔ. Tow u tii wə udzəm wə a khə izəd i tsayyənə Zə̀ kə.

Chi dii 13:17

Wù umɔ̀ʼ n tsəm way ni zuu nkee ni fii kəfə nə tə khə way tsə̀ə nə̀ a loʼ zəd i faalə kə nyam mbvən key nkee taŋ ə zəd i wi.

Chi dii 13:4

Aghə̂ adzəm n ngɔɔmə ngəm zey, n təŋkey, zə â fuu ndow daʼa kə wi kə saʼa kə tə̀ faalə kə nyam mbvən i tii zə. Ghə n ngɔɔmə soʼo nyam mbvən ə tii, bəbə nə̀, “À loʼ ndee tə loʼ tə a loʼ faalə kə nyam mbvən kən ə? À loʼ ndee tə loʼ ni zùu ballə faalə kə nyam mbvən kən ə?”

Chi dii 16:13

Mə n koʼ ndow zay bwu wə utəghə u loʼ tə a loʼ utsam. Wə n shiə bə n dzuu i ngəm zey, n dzuu i faalə kə nyam mbvən key nsə dzuu i tûm tə Kəzə̀ tə tsɔŋɔ tey.

Chi dii 17:6

Mə n koʼ ndow nə̀ weyzən wey mə̂ khəə kaŋ tə ghə̂ a Kəzə̀ a zow ghə, nsə kaŋ tə ghə̂ ghən ghə â weynə ghə boʼnə ghə bəghəm tə̀ Yeso. Dzuu zə n ngii zum mə nghee n koʼ ndow wi.

Chi dii 17:8

Nyam mbvən zən â buʼ loʼ tsə utaw, nyisa, i kee kəm way dzə utaw. Fəkəmə, zə i shi kɔʼ bə n fɔŋŋə k-a-bùʼ key kə kùʼu way, i ndow n luʼu key ghə i ləŋi maʼanə wi tii. Dzuu zə i zum ghə̂ ghən ghə muu n ghəlikətsə, ghə â ka kam tɔ̀ɔ naŋa zəd a ghə n màʼlə key ghə̂ ghey ghə i keelinə muu zə itsali zə loʼnə tii tə̀ mbi ni kaʼ. Dzuu zə i zum ghə ni koʼ faalə kə nyam mbvən key n təŋkey zə â buʼ loʼ tsə utaw, nyisa i kəm way dzə utaw, zə i nam bəghənu.