Chi dii 10:1 - Kaa n Kəzə̀ n fəghə mə

¹ Sey, mə n kəm koʼ ndow tsəndəghə Kəzə̀ u nii u loʼ wə tə tsuu bənə idəŋ. Ghə n baŋ naŋa wi nə təmbaʼ tə ghə nə baŋanə wù nə təndzə̂ ghi gbookəngəm kə n tow kə wi. Tum usə̂ u wi wə n nyiəllə tə a loʼ inyi. Fuu i wi zə n baŋa tə a loʼ nyəllə wən vəllə u bəʼlənə tii.

Chi dii 10:1 Mawu Ofanana

Matyo 17:2

Sey wû u Yeso wə n kweyyə kɔʼ n sə kə ghə, tûm usə̂ u wi wə n nyiələ tə̀ a loʼ tsə̀, ndzə̂ tə wi tə n fə̀mmə fùŋ tə a loʼ kədzəd.

Lukas 21:27

Sey ghə nə daŋŋə kòʼ Waa wù sɔŋtsuʼ tə bəghənə nə təmbaʼ ghi daʼa kə səŋŋi kə nsə kɔʼlə mə.

Kəfwaʼ 26:13

 loʼ n fəŋ ə tsə̀ tə sa a Mbee, nghee a ndownə n jii, mə n koʼ daa kə nuu baŋ shi tsu bənə n bikighow, nə kə baŋ tsəghəshi tsə̀, baŋ ngəə tsəghə bə dəŋə key mə â loʼnə tii ghi ghə̂ ghey mə â dzəŋi ndownə ghi ghə.

Chi dii 1:7

Koʼo na! Tə wey tə bəghənə nə təmbaʼ! Ghə̂ adzəm i koʼo wi, ghə̂ ghey ghə â tsuʼnə wi, i koʼ daŋŋə soʼo wi. Ghə̂ adzəm fa n mbi ghə i deyyə bòʼ wi. Zə i bɔɔmə doʼo kə sey! I doʼo sey.

Chi dii 18:1

Ambə ghəə ghən tsəghə tsunə, mə n koʼ ndow tsəndəghə Kəzə̀ u loʼ tə shiə tsu bənə idəŋ. Tə n khə daʼa kə nii kə, nyiələ zey tə â nyiəllənə n ghəŋə soʼo nə̀ luʼu tə zow kaabə ndow tədzəm a ghəlitsə.

Chi dii 18:21

Tsəndəghə Kəzə̀ u nii nii wə n daŋŋə boʼo kɔʼ itay nə̀ i dow tə a loʼ tay i gwɔɔlə zə, maʼa nyi tsu n nali kə dzuu, dza tsu nə̀, “À wən bɔɔmə loʼ nghee ghə i saʼa maʼanə naʼ i Babilɔn i səŋi zən tii nə kədaʼa. Ghə nə way ni kəm koʼ naʼ i tii zə.

Chi dii 20:1

Mə n koʼ ndow tsəndəghə Kəzə̀ i shiə tsu bənə idəŋ, nə̀ tə khə chi kə fɔŋŋə k-a-bùʼ key kə kuʼu way, tə n kwu keeli soʼo tsaʼ i nii zə n wɔɔ.

Chi dii 4:3

Wù wey tə â doʼnə tii, koʼ i wi zə n nyiəllə tə a loʼ unyiə ghə fwaʼ kɔʼnə n tay n loʼ mə wən i tawnə ghə tɔŋŋə nə̀ a loʼ jaspa nsə n kanelian. Gboongəm kə n dzəŋŋə ngəə kɔʼ kuu kə fɔɔ kə tii kə, nə kə nyiələ tə a loʼ tay i wən i taw zən ghə tɔŋŋə nə̀ à loʼ emera.

Chi dii 5:2

Mə n koʼ ndow tsəndəghə u nii u loʼ wə tə naʼlə shiə kɔʼɔ n dzə i taw zə nə̀, “À loʼ ndee tə kɔʼ kpiinə ni zhwey nuu kɔʼ mə̀ŋ zən, tə zìilə chi kɔʼ màʼlə kə kən ə?”

Chi dii 8:13

Mə n laalə ndow, mə n zow ndow boʼo tûm i zəʼlə kaabə idəŋ idəŋ, zə n dey shi bə n dzə̂ i taw zə nə̀, “Ohooo! Ohooo! Ngoʼ i faalə i bəghənu tə ghə̂ ghən fa a ghəlitsə bòʼ ghəə zən zə i shiənə abə tsətəndəghə tə Kəzə̀ tən tətəghə i tɔŋɔnə sɔŋ tə ghə tə.”