2 Jɔn 1:4 - Kaa n Kəzə̀ n fəghə mə

⁴ Mə â duʼlənu ni koʼ nə̀ waa a ghaa a loʼ a muu nə isəŋə, ighələ tə Bày tsəʼlə naŋa nə kəlaŋ tə̀ saa.

2 Jɔn 1:4 Mawu Ofanana

1 Kɔrint 13:6

Ləghə i ghəŋŋə way nə̀ wù i duʼlə abə ghə̂ a ghəŋŋənə ghəə a bəbə ghə, i fədlə ghəŋŋə nə̀ wù i duʼlə abə wù ghəŋŋənə ghəə ghey a kpiilənə

Galeshia 2:14

Ambə n koʼ tsunə nə̀ ghə kəm bwey way nə isəŋə zən tûm i dzuŋu i dii nə̀, mə n dza ndow tə Pita n sə kə ghə̂ ghey fu adzəm nə “Wə mgbaŋ loʼ wù Juu, wə u muu nə tə alo wù wən tə way wù Juu. Wə kəm loʼ n ngee ni tənnə ghə̂ ghən ghə way ghə̂ a Təjuu ghə nə̀ ghə i dzûmə ghəə ghə inaʼ a Təjuu ghə ə?”

Efesus 5:2

Ghaa khə ni khə ləghə zə n wû i ghaa, ighələ tə̀ Klisto â ləghənə saa, tə n fuu nuu ndow muu i wi ni kpu n tow u saa. Tə n fəələ ndow wû u wi tə a loʼ maʼlə u ləmmə dzɔbə wə tə̀ Zə̀ kə.

Efesus 5:8

Keeli tsu na nə̀ ghaa â buʼ loʼ tsə nə kələm, ghaa nya loʼ nə utsə̀ n təŋkey, ghaa loʼ nə kəfə kəmɔʼ ghi Mûkəbii. Sey, i ghəŋŋə ndow na ghəə ghey a kpiilənə tə̀ a loʼ ghə̂ ghey ghə muunə nə̀ utsə̀,

Filipi 4:10

N ngii duʼlənu, mə n fuu soʼo zɔŋŋə kə n doʼo zuŋ ghi Mûkəbii, n təŋkey, ghaa n ndzəm dii ləghə i ghaa zə tə̀ mə. N khənu nə̀ ghaa â moʼlənu mə, ghaa n kee khə way jii ni dii bə moʼlə i tii zə.

1 Jɔn 2:6

wù wey tə dzanə nə̀ tə loʼ nə kəfə kəmɔʼ ghi Zə̀ kə, tə khə ni muu ighələ tə Yeso Klisto â muunə.