2 Jɔn 1:3 - Kaa n Kəzə̀ n fəghə mə

³ N gɔŋŋə nə̀, Zə̀ kə, Bày saa, ghi Waa wi Yeso Klisto mə fuu saa n buulə zə, nsə ndzuŋ ə wi, tə dii soʼo saa n sî i kwɔɔlə zə, sey nə̀ tə doʼo dzəŋi bə kə ghi saa, saa dzəŋi keeli isəŋə i loʼnə bòʼ Kəzə̀, saa i ləghə soʼo wû i saa zə.

2 Jɔn 1:3 Mawu Ofanana

Roma 1:7

N màʼlə kən tɔ̀ɔ bə tə ghaa ghə̂ a Roma ghən Zə̀ kə ngii ləghənə, sày kɔʼ soʼo ghaa nə̀ ghaa doʼo ghə̂ a wi. N gɔŋŋə nə̀ Zə̀ kə tə loʼnə Bày saa ghi Mûkəbii Yeso Klisto dii ghaa n ndzuŋ ə wi tə ghəŋə soʼo nə̀ ghaa i loʼ nə ibuulə.

Galeshia 5:6

Nghee saa doʼo bə dzənə nə kəfə kəmɔʼ ghi Yeso Klisto, abə ghə səghə tyi kə kə̀ mɔ ghə ka səghə ə, i zey khə way ghə i loʼ zə ni ghəŋə ghi muu i ghaa zə. Ghə i səŋi zey i loʼnə tii, loʼ bəghəm i fə̀ŋ zən saa khənə nsə ləghə zən saa khənə n wû i saa.

1 Timoti 1:14

Mûkəbii ə saa n dii bə ndzuŋ ə wi tə mə naʼ idzəm. Tə n ghəŋə soʼo nə̀ n keeli bəghəm i fə̀ŋ nsə ləghə zən i loʼnə i saa zə abə saa loʼnə nə kəfə kəmɔʼ ghi Yeso Klisto.

1 Timoti 1:2

N màʼlə kən tɔ̀ɔ bə tə wɔ a Timoti, wə ndzəm loʼnə tə a loʼ waa wuŋ n təŋkey saa dzəŋi bəghəm tə Klisto. N gɔŋŋə nə̀ Zə̀ kə, tə loʼnə Bày saa nsə Yeso Klisto tə loʼnə mûkəbii saa, dii wɔ n ndzuŋ, tə dii wɔ n sî i kwɔɔlə zə, tə ghəŋə soʼo nə̀ wə i muu nə ibuulə.

2 Timoti 1:13

Tɔʼɔ kwu keeli dzɔb tsu ghəə ghən adzəm mə â dii bənə tə wɔ, tə a loʼ jìi zey i kpiinə tə wɔ ni dzûmə. Nghee wə bəghəmnə tə Klisto, khə soʼo iləghə n kow ghə̂ ghə, wə i loʼnu ni dzûmə jii zən n təŋkey wə loʼ nə kəfə kəmɔʼ ghi Yeso Klisto.

1 Jɔn 4:10

Ndzəm ndzəm kə iləghə kə way dzə nə̀ saa â ləghə ndow Kəzə̀, a fəd loʼ wi tə ləghə bənə saa isə, tûm bə waa wi tə a loʼ umaʼlə nə̀ tə bə ney nuu ghəə a saa a bəbə ghə.

2 Jɔn 1:1

À màʼlə kən tɔ̀ɔ bə mə Jɔn wən n loʼnə ngəd. N tɔ̀ɔ bə tə weyzən wən Zə̀ kə sày naŋa kɔʼnə nsə waa a wi ghə. N tɔ̀ɔ bə boʼnə n ngii ləghə wi. A way kə mə n ləghənə wi, ghə̂ ghey adzəm ghə khənə isəŋə, ləghə soʼonu wi.