2 Kɔrint 8:9 - Kaa n Kəzə̀ n fəghə mə

⁹ Ghaa khənu ndzoʼo ndzuŋ zey Mûkəbii ə saa Yeso Klisto â khənə. Tə â kûmnu, tə n fəd doʼo bə wù laa wə bòʼ ghaa, sey nə̀ n bam i laa i wi, ghaa i loʼ ni kûm.

2 Kɔrint 8:9 Mawu Ofanana

Matyo 17:27

N ləghə way nə̀ ghə fəələ n fə̀ŋ ghi saa. Sey, ndòw nə inyi, wə̀ say ndòw saʼ fə kwɔɔ fə tətsəghə fə, tsəghə i sə̂ i sə zey wə î kwɔɔ kɔʼɔnə, wə i chi kɔʼ dzuu wi, wə koʼ tsu ukhəə tii wə i kpiinə ni tsow màʼlə kə nsə kə kuŋ kə. Wə i ney kɔʼ, wə fuu ndow tə̀ ghə tə̀ a loʼ tsow zə nsə i zuŋ zə.”

Matyo 20:28

Ighələ tə̀ Waa Weynum â ka bə dzə̀ fa n mbi nə̀ ghə̂ a fwaʼ tə̀ wi, tə â bə ni fwaʼ tə ghə̂ ghə nsə ni fuu muu i wi ni kùm shi tow u ndəmə aghə̂.”

Matyo 8:20

Yeso n dza ndòw tə̀ wi nə̀, “Kəŋ u khə ghə n bùʼ wə ni tyi nyì doʼo tii, nnən mə idəŋ mə a khənə ghə n ndaw tə, Waa weynum kee khə way luʼu kə ni doʼo zayyə.”

Malakus 6:3

À wən way wù wey tə kɔmnə kaʼ mə ə, tɔŋŋə waa Maria ə? Waazə a wi a way Jems, Yosef, Judas, nsə Shimun ə? N dza waazə a wi a zən a mgbaŋ muu kə fa ghi ghey ə?” Sey, ghə n fəələ ndòw n fə̀ŋ n ghəə ghey tə̀ dzanə.

Lukas 16:11

Sey, abə ghaa way ni kwu keeli dzɔb fə u mbi, a loʼ ndee ni bəghəm ni fu ghaa n ndzəm ndzəm kə ighaʼ kə ə?

Lukas 2:7

Tə n ji bə waa wi usə̂ isə wə̀, nə a loʼ waa u num wə. Tə n baŋ kɔʼ wi nə təndzə̂, nyəŋŋə naŋa tsu wi n kəŋ ufəzəə u tənyam, n təŋkey ghə â ka keeli bùʼ kə n ndaw i zayyə zə.

Lukas 8:3

Joana wey Kuza tə â lòʼnə tow kə ghə̂ a kəfwaʼ ghə n ndaw Helɔd. Susana â loʼ soʼo tii, nsə ndəmə gheyzən a loʼ ghə̀ ghə â gaamənə ni tɔɔmə Yeso ghi ghə̂ a wi ghə n ngəŋə ghə.

Lukas 9:58

Yeso n dza tə̀ wi nə̀, “Səŋŋə n mû nə ubuʼ, nnən mə idəŋ mə a khə ndaw tə, Waa wù sɔŋtsuʼ kee khə way luʼu kə loʼ kə ni gaʼ tow kə wi kə tii.”

Tùm i dzuŋu zə kuum Yeso Klisto tə Jɔn â tɔɔnə 1:10

À mbi â mgbaŋ bɔm wi, ambə tə bənə n mbi, ghə̂ a mbi ghə n ka koʼ keeli wi.

Tùm i dzuŋu zə kuum Yeso Klisto tə Jɔn â tɔɔnə 1:14

Sey Ghɔɔmə zə n doʼo bə wù sɔŋtsuʼ, bə muu bə n fəŋŋə kə saa. Tə n dii bə ndzuŋ nsə isəŋə bòʼ Kəzə̀. Saa n koʼ ghaʼ i wi, ghaʼ zən i dii bənə nə̀ a loʼ wi sɔʼi fə Waa fə, Bày khənə.

Tùm i dzuŋu zə kuum Yeso Klisto tə Jɔn â tɔɔnə 1:17

Zə̀ kə â fu bə kəlaŋ fa n mbi nə̀ kə tsəghə n kow Mushi, Zə̀ kə n kee fu bə ndzuŋ nsə isəŋə nə̀ kə tsəghə n kow Yeso Klisto.

Tùm i dzuŋu zə kuum Yeso Klisto tə Jɔn â tɔɔnə 12:30

Yeso n beeli ndow ghə nə̀, “Dzə̀ zən ka shi tsu bə dzə bòʼ mə, i shi tsu bə bòʼ ghaa.

Tùm i dzuŋu zə kuum Yeso Klisto tə Jɔn â tɔɔnə 16:15

Fə wən udzəm Bày khənə, loʼ u wuŋ wə, a wey loʼ ghə i tii zə n dza bənə tə ghaa nə̀ Zay kə Zow kə i ney kɔʼɔ ghəə ghey n dzanə, tə tiillə dza bə tə̀ ghaa.”

Tùm i dzuŋu zə kuum Yeso Klisto tə Jɔn â tɔɔnə 17:19

Mə n ghəŋə wû wuŋ wə nə̀ wə i zow n sə̂ kə n tow u ghə, sey nə̀ ghə i loʼ soʼo ni ndzəmə zow.”

Roma 11:12

Ghəə a bəbə ghən ghə̂ a Təjuu ghə â ghəŋənə ni tuu maʼa Klisto, â ngii ney bə ibuulə tə̀ mbi. Ghəə bəbə a tii ghə n ghəŋə soʼo nə̀ Zə̀ kə ngii fuu buulə i wi tə̀ ghə̂ ghən ghə way ghə̂ a Təjuu ghə. Buulə i tii zə i boʼo doʼlə ngee abə ghə̂ a Təjuu adzəm a loʼ ni təmdzəŋi bə ni bəghəm tə̀ Klisto ə?

Roma 15:3

N dza sey təŋkey, Klisto n wû u wi wə â ka ghəŋə dzə ghəə ghey a dzɔbə kənə tə wi. I loʼ tə i tɔ̀ɔ doʼonə n màʼlə K-a-zə̀ nə̀, “Kpaalə zən ghə̂ ghə â kpaalənə wɔ, À loʼ mə n boʼonə kpaalə i tii zə.”

Roma 5:8

Zə̀ kə n kee dii bə nə̀ tə ngii ləghə saa nghee tə̀ tə â tûm bənə Klisto nə̀ tə bə kpu n tow u saa nə̀ saa nam loʼ tsə ghə̂ a bəbə ghə.

Roma 8:32

Abə Zə̀ kə â loʼ ni ney fuu ndow waa wi nə̀ tə kpuu n tow u saa adzəm, ghaa moʼlə nə̀ tə i fuu way saa n fə u loʼ wən udzəm naʼ idzəm ə?

1 Kɔrint 1:4

N fuu kəzɔŋŋə tə̀ Zə̀ kuŋ kə nəŋə tədzəm bòʼ ndzuŋ ə wi zən tə fuunə tə̀ ghaa n bam i Yeso Klisto.

1 Kɔrint 15:47

Zə̀ kə â bɔm wù sə isə wən tɔŋŋə Adam nə təzub, dii tsu nə̀ tə shi fa n mbi. Wù ibam wən tɔŋŋə Klisto kee shi tsu bə idəŋ.

2 Kɔrint 13:14

N gɔŋŋə nə̀ Mûkəbii Yeso Klisto fuu ghaa n ndzuŋ ə wi, nə̀ Zə̀ kə dii ghaa n ləghə i wi zə, Zay kə Zow kə i loʼ soʼo ghi ghaa adzəm.

2 Kɔrint 6:10

Ghə̂ a loʼ a koʼo ghey tə̀ a loʼ ghə̂ ghey ghə mownə, loʼ sey nə̀ ghey duʼlə nəŋə tədzəm. Ghə̂ a loʼ a koʼo ghey tə̀ a loʼ ghə̂ a laa ghə loʼ sey nə̀ ghey ghəŋŋə nə̀ ndəmə aghə̂ ghə i kùm. Ghə̂ a loʼ a koʼo ghey tə̀ a loʼ ghə̂ ghey ghə khə way fə kə, loʼ sey nə̀ ghey khə ufə udzəm.

Efesus 2:7

Zə̀ kə â ghəŋə sey, sey nə̀, n num tən tə bəghənə, tə i loʼ ni dii ndzuŋ ə wi naʼ idzəm tə̀ ghə̂ ghə nsə ləghə i wi zən i ghəŋŋə nə̀ saa i loʼ nə kəfə kəmɔʼ ghi Yeso Klisto.

Efesus 3:19

Nsə sey, ghaa i loʼ ni tɔʼ zowkeeli tsu ləghə i Klisto zən i tsəghəshinə tɔb wə udzəm, sey nə̀ ghaa i loʼ ni keeli mwam u Kəzə̀ udzəm.

Efesus 3:8

Abə a tɔʼ laalə tsunə n ghə̂ a kəfwaʼ a Kəzə̀ adzəm, n ka kɔʼ kpii dzə ni doʼo wù kəfwaʼ a wi n fwaʼ kən. N ndzuŋ ə wi, tə u nam fuu mə n kɔb k-a-fwaʼ kən ni naʼa tûm i dzuŋu zə, dii ndow ndzuŋ zən i loʼnə n bam i Klisto tə̀ ghə̂ ghən ghə way ghə̂ a Təjuu ghə.

Kolose 1:24

N duʼlənu n fəghə zən n fəʼlənə nya bòʼ ghaa, fəghə zən n fəʼlənə loʼ tə a loʼ tuʼ zuŋ n fəghə zən Klisto â fəghənə tə dzəŋi kə dzûmə tə Klisto, tɔŋɔ wû u wi.

1 Timoti 6:18

Dza tə ghə nə̀ ghə i ghəŋŋə ghəə a dzuŋu ghə, ghə i dii kùm i ghə zə n ghəə a dzuŋu ghən ghə ghəŋŋənə. Ghə i buu n wɔɔ kə ni gaamə ghə̂ ghey ghə laʼanə fə wə, ghə i khə soʼo zày ni fuu dzaw fə wey ghə khənə tə ghə̂ ghə.

Hibru 1:2

Abə nya n num tə tən, Zə̀ kə ghɔɔmə bə aghəə tə̀ saa n bam i waa wi. À loʼ waa wi wən Zə̀ kə â bɔmnə fə wə udzəm n bam i wi, à loʼ soʼo wi Zə̀ kə â sày naŋanə nə̀ à i zə̂ wi fə wə udzəm fa n mbi.

Jems 2:5

Zow na a waazə ghuŋ a dzuŋu ghə! N dza Zə̀ kə n mgbaŋ sày ghə̂ ghən ghə̂ a mbi a koʼnə nə̀ a loʼ ghə̂ a laa ghə nə̀ ghə doʼo tə a loʼ ghə̂ a kûm ghə bòʼ bəghəm i fə̀ŋ, ghə doʼo soʼo ghə̂ ghey ghə i zə̂ənə fə wən u loʼnə n fɔɔ wən tə â təb naŋanə tə̀ ghə̂ ghey ghə ləghənə wi ə?

Chi dii 2:9

n khənu chɔd wə wə̀ nsə nghee wə laanə tii loʼ sey nə̀ wə kee kuumnu n ghəə a Kəzə̀. N khənu ghəə a bəbə ghey ghə̂ ghən ghə tɔŋŋə wû i ghə zə nə̀ à loʼ ghə̂ a Təjuu loʼ sey nə̀ ghə way dzə dza kaabə tsənə n tow kə. À ndaw kədzəŋi ghə khə Satan.

Chi dii 21:7

Ghə̂ ghən ghə i təmə zəənə ghəə a bəbə ghə, ghə i zəə fə̂ wən udzəm. Mə i doʼo Zə̀ kə ghə, ghə i loʼ waa ghuŋ ghə.

Chi dii 3:18

N tsə̀ə bə wɔ nə̀ wə zuu kɔʼ itsàa n wɔ mə nə ghə n tsə nə kənam, sey nə̀, wə i kûm tə̀ wə zuu ndzə tə fəmə tə ni dzəŋə n wû wə ni tsəd naŋa wû wə u zum wə. Wə zuu soʼo utey ni zɔʼ n sə̂ ghə tə wə i tɔʼɔ koʼo luʼu tə.