2 Kɔrint 8:8 - Kaa n Kəzə̀ n fəghə mə

⁸ N dza dzə way ghəə ghən tə̀ n tsəʼlə bə kəlaŋ. N kee dii bə səŋ zey ghə̂ a loʼ a kuunə n fwaʼ kə ghə ni koʼ nə̀ ləghə i ghaa i kuum loʼnu isəŋə.

2 Kɔrint 8:8 Mawu Ofanana

Roma 12:9

Ghaa khə ni ndzəmə dii ndow ləghə zə tə ghə̂ ghə. Ghaa khə ni taw ndow kə ni ghəŋŋə ghəə a dzuŋu ghə, kee baa ghəə a bəbə ghə.

1 Kɔrint 7:12

Tə ghə̂ a loʼ ghən, n kee fuu bə ghaa n laŋ kə nə̀ à way dzə laŋ kə Mûkəbii nə̀, abə dzûmə Klisto u loʼ u khənə wey nə̀ tə ka bəghəm tə Zə̀ kə, nə̀ tə kee ləghənu ni muu ghi wi, tə khə way ni dzum shi weyzən ə tii.

1 Kɔrint 7:25

N ghəə ghən ghaa a tɔ̀ɔ bəb bənə kuum ghə̂ ghən ghə ka kam ney iwû, n khə way laŋ kə loʼ kə Mûkəbii fuu bənə. Nghee Mûkəbii kwɔɔlənə sî zə n kow mə, ghəŋə nə̀ ghə̂ a loʼ ni gaʼ fə̀ŋ n kow mə, n kee fuu bənu saalə kuŋ kə.

1 Kɔrint 7:6

N ghəə ghən maŋa dza nə̀ ghaa zowkeeli tsu, n tsəʼlə dzə way laŋ kə loʼ kə.

2 Kɔrint 6:6

Ghey n dii nə̀ ghey loʼ ghə̂ a kəfwaʼ a Kəzə̀ n muu i ghey i zow zə, n tɔb u ghey, n jìi zey ghey kownə fə̀ŋ tii, n mwam u ghey u dzuŋu wə. Zay kə Zow kə a loʼ n kow ghey, ghey u ləghənə ghə̂ ghə n fə̀ŋ tə ghey tə tədzəm.

2 Kɔrint 8:10

Sey, tsə zuŋ tə̀ ghaa n ghəə zən i loʼ nə̀, à wən loʼ bùʼ kə ghaa ni mayyə fwaʼ key ghaa â zey naŋanə nə kənum. Â loʼ ghaa ghə̂ a sə̂ i sə ghə ni keeli zày ni fuu, â loʼ soʼo ghaa ghə̂ sə isə ghə ni zey ni tsowwə.

2 Kɔrint 8:24

Sey dii ndòw na tə̀ ghə nə̀ ghaa ndzəm ləghənu ghə̂ ghə, sey nə̀, dzəŋi u dzûmə tə Klisto u keeli tsu nə̀ ghey tsɔbə dzə way fə̀ŋ bòʼ ghaa tə̀ ghə nə kənunu.

2 Kɔrint 9:2

N dza sey n təŋkey, n khənu nə̀ ghaa khənu zày ni fuu igaamə, zə â ghəŋənə nə̀ mə i tsɔbə fə̀ŋ tə̀ ghə̂ a Masedonya ghə bòʼ ghaa. N dza tə̀ ghə nə̀, “À nya loʼ kənum tə̀ dzûmə tə Klisto tey nə Akaya â bayyə naŋanə ni fuu igaamə.” Ndzoʼo zày zey ghaa khənə ni fuu igaamə n kəm nùumə dzəŋŋə bə ndəm ə ghə.

2 Kɔrint 9:7

Kay wù khə kə ni fuu tə̀ fə̀ŋ ə wi diinə, a way dzə tə̀ tə səmənu nkee tə̀ ghə wi təmmənu n təŋkey, Zə̀ kə ləghə wù wey tə fuunə n fə̀ŋ ə wi i dzuŋu zə.

Efesus 4:15

Saa khə ni fədlə ghɔɔmə kə isəŋə, khə iləghə n wû i saa sey nə̀ saa loʼ ni nyim doʼo bə tə̀ a loʼ Klisto, tə loʼnə tow kə saa kə.

Efesus 6:24

N gɔŋŋə nə̀ ndzuŋ ə Kəzə̀ i loʼ ghi ghə̂ ghən adzəm ghə ləghənə Mûkəbii ə saa Yeso Klisto n fə̀ŋ tə ghə tə tədzəm.

Hibru 10:24

Saa kəŋ tsu soʼo jìi ni gaamə waazə a saa ghə, nə̀ saa i khə zay ni ləghə wû i saa zə, nsə ni ghəŋŋə ghəə a dzuŋu ghə n wû i saa.

1 Pita 1:22

Nya wən ghaa sow maʼa dzənə wû i ghaa zə nghee ghaa naŋŋənə isəŋə, sey nə̀, ghaa i ndzəmə ləghə wû i ghaa zə tə a loʼ a awaazə, i ndzəmə ləghə na wû i ghaa zə n fə̀ŋ tə ghaa tə tədzəm.